Hatutan.com, (02 Jullu 2024), Díli—Autoridade Inspesaun no Fiskalizasaun Atividade Ekonomia, Sanitária no Alimentar, Institutu Públiku (AIFAESA,I.P) identifika loja barak fa’an sasán la tuir padraun.

Lee Mós: Bankada CNRT Husu AIFAESA Halo Supervizaun ho Rigor bá Hahán Liu Prazu

Ekipa AIFAESA halo inspesaun bá loja materiál konstrusaun sira iha Díli. Foto/AIFAESA

Deskobrimentu ida-ne’e AIFAESA, I.P hetan bainhira halo inspesaun ba loja fa’an sasan konstrusaun ho loja osan-mean ne’ebé nota kualidade husi material konstrusaun ho  sasán osan-mean la tuir nia padraun.

Inspetór Jerál AIFAESA,I.P,  Ernesto Monteiro, hateten Tersa (02/07/2024), ekipa AIFAESA,I.P halo inspesaun bá loja sira fa’an material konstrusaun no loja fa’an osan-mean tanba tuir informasaun ne’ebé mak iha katak hakerek iha nota  ne’eba  grama lima, maibé la to’o.

Nia dehan,  hahú iha loja osan-mean  entaun AIFAESA konfirma ho  dokumentu fa’an nian dehan osan-mean ne’e grama lima maibé bainhira tetu fali haree la to’o grama ne’ebé hakerek iha nota.

Ekipa AIFAESA mós halo inspesaun ba material konstrusaun  sira tanba tuir informasaun ne’ebbe AIFAESA simu husi  ema sira  ne’ebé mak sosa  material hirak ne’e katak  iha nota dehan medida  milímetru 12, maibé realidade  ema lori ba uma la to’o milímetru 12 hodi prejudikasosa na’in sira.

Iha atividade npesaun ne’e ekipa sira rekolla dadus bainhira identifika iha irregulalaridade balun nune’e ekipa sei  rejistu depois loja na’in mós asina  nune’e   entrega ba parte jurídiku  no halo notifikasaun  bá prosesu tuir lei.

Jornalista: Lelopoldina de Carvalho