Connect with us
Pakote Ahi

Bobonaro

Governu Tau Millaun $33 bá Reabilitasaun Estrada Nasionál no Urbana iha Maliana

Published

on

Hatutan.com, (04 Jullu 2024), Bobonaro- Governu liu husi Ministériu Obras Públikas (MOP) tau osan hamutuk millaun 33 bá reabilitasaun estrada nasionál no urbana iha Maliana ho kilómetru 46.

Lee Mós: Governu Ajudika Direta Kompañia Hitu Rehabilita Estrada Urbana

Estrada nasionál Maliana I (Pakote I) ne’e hahú husi Ponte Nunura bá to’o Bobonaro ho kilómetru 18 ne’e sei kaer husi empreza PT Hutama Karya (HK) husi Indonézia ho valór orsamentu hamutuk millaun $21.

Advertisement

Serimonia hatuur fatuk inan bá projetu reabilitasaun estrada nasionál no urbana iha Maliana, Munisípiu Bobonaro, Kinta (04/07/2024). Foto/Vito Salvadór

Estrada urbana Maliana (Pakote II) ho kilómetru 28 ne’ebé ho kontratu ICB/087/MOP-2022, ne’e sei konstrui husi empreza PT. BINA MITRA INDOSEJAHTERA, R.P husi  Indonézia no kontratu ba konstrusaun urbana Maliana vila ne’e ho durasaun loron 540 (01 Maiu 2024-23 Outubru 2025) no supervizaun husi WAN HUSIN & LINIER ENGINEERING ho valór orsamentu millaun $ 2.

Iha serimónia lansamentu fatuk dahuluk ba Estrada urbana Maliana, Ministru Obras Públikas (MOP), Samuel Marçal, klarifika projetu ida-ne’e tuir loloos la’o tiha ona iha tinan kotuk, mis tamba iha problema uitoan ho dezeñu no orsamentu tamba ne’e mak iha IX Governu Konstitusionál halo fali revizaun no ajusta ho kondisaun no orsamentu ne’ebé iha.

Nia afirma kontratu dahuluk ne’e VIII Governu asina tiha ona ba Estrada nasionál Maliana ho valór millaun $21 ba  kilómetru 4,9 no haree katak kustu ne’e boot tamba haree ba katak konstrusaun sira ne’e sei afeta ba indemnizasaun mak barak tamba ne’e mak halo fali revizaun hodi muda tiha dezeñu ne’e no orsamentu mantein, maibé estrada nasionál Maliana ne’e nia naruk muda husi kilómetru 4,9 ba kilómetru 18.

Ba estrada urbana Maliana nian ne’ebé antes ne’e VIII Governu asina ho millaun $12 ba kilómetru 12, Governu aktual haree katak sei afeta ba indeminizasaun bo’ot tebetebes tamba ne’e halo revizaun no valór orsamentu mantein maibé estra nia naruk sa’e ba kilómetru 28 no kobre estrada urbana sira hotu iha Postu-Administrativu Maliana Vila nian.

“Iha revizaun kontratu ne’e ita asina foun fali kontratu ho kompañia sira ba mudansa sira ne’ebé iha, ho montante orsamentu ne’e nafatin ba konstrusaun estrada nasionál no urbana Maliana nian, maibé volume servisu ne’e aumenta no tempu ba ezekusaun obra sira ne’e ita fó ba sira tinan ida, fulan ualu sira bele konklui ona obra ne’e,” Ministru Samuel Marçal hateten iha nia diskursu iha lansamentu projetu reabilitasaun estrada nasional no urbana iha Maliana, Kinta (04/07/2024).

Governanta ne’e mós husu ba autoridade lokál, komunidade no joven sira atu kolabora ho empreza implementador no labele halo impedimentu hodi halo atrazu ba konstrusaun estrada nasionál no urbana Maliana nian ne’ebé governu prevee ona atu finaliza iha tinan 2025 nia rohan.

Advertisement

Serimónia hatuur fatuk inan bá projetu reabilitasaun estrada nasionál no urbana iha Maliana, Munisípiu Bobonaro, Kinta (04/07/2024). Foto/Vito Salvadór

Bá  komunidade sira halo impedimentu hodi atraza obra konstrusaun estrada nasionál no urbana Maliana nian, maka bainhira mak too tinan rua ka tolu la termina no Governu ida mai mak haruka la kontinua obra sira ne’e maka komunidade sira mak sei afeta.

Konstrusaun ba estrada nasionál Maliana husi Ponte Nunura ba to’o Bobonaru empreza PT Hutama Karya hahú ona konstrusaun no ba estrada urbana Maliana empreza PT BINA MITRA INDOSEJAHTERA, R.P hahú ona mobiliza sira nia ekipamentu pezadu husi Portu Atapupu iha Atambua, Nusa Tenggara Timur (NTT) no semana oin bele ona hahú servisu.

 Governu mós fó ona notifikasaun antes ba empreza konstrutór sira katak Governu sei la fó estensaun kontratu ba sira no ezije atu termina obra sira ne’e tuir kontratu no bainhira iha minus tempu tamba udan ka akontesimentu natural balun karik tenke taka servisu ho tempu estra ka servisu kalan hodi bele atinje meta ne’ebé iha.

Iha fatin hanesan Prezidente Autoridade Bobonaro, Alexandre Pires hateten estrada durante ne’e difikulta tebes komunidade sira iha Munisípiu Bobonaro no ho konstrusaun estrada nasionál no urbana Maliana nian sira ne’e sei kontribui ba dezenvolvimentu no kresimentu ekonómiku komunidade nian tamba iha ona asesibilidade di’ak ba estrada.

“Ita Maliana oan hotu tenke agradese tamba obra ne’ebé ohin lansa sei husik ba it,” Alexandre Pires hateten no husu mós ba komunidade sira atu labele halo impedimentu no karik presiza atu servisu ba konsulta ho empreza konstrutór no rejistu atu bele fahe tarefa servisu hanesan no hotu fó kontribuisaun.

Lansamentu projetu reabilitasaun estrada nasionál no urbana iha Maliana, Bobonaro, Kuarta (04/07/2024). Foto/Vito Salvadór

Prezidente Komisaun E Parlamentu Nasionál Marcos Xavier hateten, lansamentu ba estrada urbana iha Maliana laran, iha VIII Governu Konstitusionál halo ona lansamentu, maibé tamba mandatu remata no IX Governu Konstitusionál mai hikas hodi kontinua no halo revizaun ba kontratu no aumenta volume servisu ne’ebé sei fo benefísiu ba komunidade Maliana em Jerál.

“Ho ida ne’e hanesan Prezidente Komisaun E Parlamentu Nasionál ne’ebé trata asuntu Infraestrutura sente orgullu tebes no hanesan Bobonaro oan mós ita hotu-hotu orgullu tanba Governu liu husi MOP hakarak ona hadi’a ita nia estrada nasionál no urbana Maliana vila laran tomak,” Deputadu Marcos Xavier tenik.

Advertisement

Reprezentante povu ne’e esklarese mós katak Parlamentu Nasionál nia kna’ar mak halo aprovasaun ba orsamentu jerál estadu ne’ebé Governu aprezenta, fiskaliza no desizaun politika.

Nia mos alerta ba komunidade sira iha Munisípiu Bobonaro atu labele haketak malu, Bobonaro oan hotu tenke ida de’it hodi lori dezenvolvimentu la’o ba oin.

Ministru Transporte no Telekomunikasaun, Miguel Marques Gonçalves Manitelu hateten hanesan Bobonaro oan mai iha ne’e atu akompaña MOP halo lansamentu ida ne’e.

Nia afirma projetu ne’e la’o husi Governu anteriór mas depois iha mudansa ba governasaun no lala’ok projetu nian mós dalaruma avansa no la avansa maibé ho MOP nia esforsu ikus mai ohin pakote rua iha Munisípiu Bobonaro liu-liu iha Postu-Administrativu Maliana Vila ne’e kontinua la’o.

“Hanesan Bobonaro oan agradese ba desizaun husi Ministru Obras Públikas nian para atu kontinua projetu rua ne’e,” Ministru Miguel Marques Gonçalves Manitelu tenik

Advertisement

MOP sei halo estudu ba estrutura rai iha TL

Ministru Obras Públikas (MOP), Samuel Marçal hateten MOP iha ona planu atu halo estudu ba estrutura rai, liu-liu ba area sira ne’ebé identifika hanesan risku ba rai halai bainhira iha konstrusaun ba estrada no ponte sira.

“Parese  iha fulan oin iha espesialista ida ne’ebé  sei mai halo estudu didi’ak kona-ba estrutura rai ne’e, tamba iha fatin barak la’ós iha Lolotoe. Ita presiza estudu didi’ak atu hare dezeñu oinsá, no metode saida mak ita presiza uza tamba selamat udan mai uitoan de’it rai halai,” Samuel Marçal informa.

Governante ne’e hatutan hodi hein estudu sira ba estrutura rai iha fatin sira ne’ebé identifika ona, MOP orienta ona Institutu Jestaun Ekipamentu para mobiliza Ekipamentu pezadu sira hodi halo normalizasaun atu bele fasilita komunidade sira asesu ba dalan ho di’ak.

Samuel Marçal subliña katak orsamentu ba estudu ne’ebé governu sei halo ne’e depende ba area ka terrenu ne’ebé iha, se estudu ne’e bo’ot bele han orsamentu boot no se ki’ik sei ho valór orsamentu k’iik ka natoon.

Advertisement

Jornalista: Vito Salvadór

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Bobonaro

Rekonsiliasaun Nu’udár Prossesu Rekoñesimentu Sala Iha Pasadu

Published

on

Hatutan.com, (19 Novembru 2023), Bobonaro—Festivál Fronteira 2023 iha Maliana Vila, Munisípiu Bobonaro konklui ona iha Sábadu (18/11/2023).

(more…)

Kontinua Le'e

Bobonaro

Problema iha BoQ, Reabilita Estrada Urbana Maliana Muda bá 2024

Published

on

Hatutan.com, (18 Novembru 2023), Bobonaro-Ministériu Obras Públikas (MOP) muda projetu reabilitasaun estrada urbana Postu Administrativu Maliana Vila, Munisípiu Bobonaro  bá tinan 2024.

(more…)

Kontinua Le'e

Bobonaro

Horta Sei Ko’alia ho Xanana Taka Totál Kanek Sira ’75-99′

Published

on

Hatutan.com, (16 Novembru 2023), Bobonaro-Prezidente Repúblika (PR), José Ramos-Horta, sei ko’alia ho Primeiru-Ministru (PM), Kay Rala Xanana Gusmão, atu taka totál kanek sira mak akontese iha 1974-1975 to’o 1999.

(more…)

Kontinua Le'e
Advertisement

Trending