Connect with us
Pakote Ahi

Dili

FONGTIL Hala’o Semináriu Haforsa Kooperasaun Sosiedade Sivíl

Published

on

Hatutan.com, (05 Jullu 2024), Díli- Forum ONG Timor-Leste (FONGTIL)  hala’o semináriu nasionál ho tema “Haforsa Kna’ar Sosiedade Sivíl Iha Dezenvolvimentu Nasional” hodi haforsa liu tan kooperasaun ba sosiedade sivíl sira iha Timor-Leste.

Lee Mós: FONGTIL Preokupa Autoridade Sira Nonook ho Kazu Ró Tranship II no Expo Dubai

FONGTIL hala’o semináriu nasionál hodi haforsa kooperasaun ba sosiedade sivíl sira iha Timor-Leste. Sesta, (05/07/2024). Foto/Lazaro Pereira Quefi

Semináriu nasionál ne’ebé hala’o iha salaun CNE, Díli, Sesta (05/07/2024), aprezenta oradór xave  na’in-lima, kompostu husi Vise-Ministru Fortalesimentu Institusionál, Paulo Manuel da Silva dos Remédios, adjunta koordenador GASC-GVPM, Jacinta Luzina,  akademiku na’in-ida (1), reprezentante igraja ho mós reprezentante partidu polítiku.

Gabinete Apoiu Sosiedade Sivíl (GASS) iha IX Governu ida ne’e hakarak hametin no haforsa liu tan kooperasaun ba sosiedade sivíl sira iha Timor-Leste bazeia ba lei númeru 10/2012 de 14 de setembru aprova  kódigu sivíl.

Advertisement

“Liu hosi intervensaun sira ne’ebe ita fó apoiu hanesan fundu ka orsamentu ne’ebe mak aloka ona iha sosiedade sivíl, iha sira-nia inisiativa iha área haat, ida mak oinsá atu promove boa governasaun, hala’o edukasaun sívika, empoderamentu komunitáriu no ikus liu mak oinsá atu kontinua haforsa instituisaun sosiedade sivíl sira ninian.” Adjunta koordenadór GASS, Jacinta Luzina hateten.

Papél sosiedade sivíl  importante tebes, liuliu oinsá atu dudu prosesu dezenvolvimentu iha rai ne’e ba oin hanesan kooperasaun ne’ebe mak iha ona entermu servisu sosiedade sivíl halo maibé konsidera katak papél sira ne’ebe mak sira foti oinsá atu hakbiit iha komunidade liu hosi programa no intervensaun ne’ebe mak sira halo.

FONGTIL hola papél importante organiza eventu semináriu ida ne’e ho prezensa Ministériu Justisa hodi esplika kona-bá informasaun sira ne’ebe mak sira presiza hodi bele tulun liu tan membru ONG sira atu determina ba iha sira-nia papél no lala’ok sira ho di’ak liu iha futuru.

Apoiu ba subvensaun públiku ne’ebe mak aloka ba iha sosiedade sivíl ne’e tuir organizasaun idak-idak nia proposta, ba apoiu ne’ebe mak fornese ba FONGTIL iha kategoria rua, ida mak FONGTIL atu hala’o nia programa, ida seluk oinsá FONGTIL lidera organizasaun sosiedade sivíl sira atu koopera ho organizasaun sosiedade sivíl sira seluk iha estranjeiru hanesan forum CPLP no mós ASEAN.

Iha fatin hanesan Diretór Ezekutivu FONGTIL, Valentim da Costa hateten semináriu ida-ne’e sekretariadu FONGTIL ho nia membru sira organiza malu hodi ko’alia kona-bá knar sosiedade sivíl iha lala’ók dezenvolvimentu nasionál ninian tanba ida ne’e presiza komprende konseitu saida mak organizasaun sosiedade sivíl ka liuliu ONG ne’ebe sai hanesan komponente ki’ik ida hosi sosiedade sivíl ne’e rasik.

Advertisement

Nia hateten, sosiedade sivíl eziste, hanesan forsa balansu ida ne’ebe mak bele haree ba polítika nasionál na’in no ukun na’in sira halo ne’ebé mak bele fasilita lala’ok sira iha terrenu no mós hanesan organizasaun ne’ebé mak hala’o knar kona-ba empodera no fó formsaun no servisu hamutuk ho grupu sira no entidade hotu-hotu liuliu ba aspetu edukasaun sívika no  boa governasaun.

Kna’ar seluk mós oinsá atu haforsa servisu parseria tanba organizasaun sosiedade sivíl (OSS) hanesan instituisaun intermediáriu ida ne’ebe mak bele liga ho entidade hotu-hotu atu promove servisu hamutuk ho ida ne’ebe di’ak liu.

Sosiedade sivíl sira nia kontribuisaun ba servisu sira halo advokasia nune’e kada tinan sempre organiza ba atividade hotu iha tipu oioin hodi bele deteta no relata deskobrimentu sira ba governu liu hosi ministériu relevantes sira relasiona ho setor edukasaun, agrikultura, saúde no sira seluk tan inklui infraestrutura.

Jornalista Estajiáriu :  Lazaro Pereira Quefi

 

Advertisement

 

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Reabilitasaun Merkadu Manleu Atinje Porsentu 73 no Merkadu Taibessi Porsentu 85

Published

on

Hatutan.com, (19 Jullu 2024), Díli–Reabilitasaun merkadu Manleu atinje  73% no merkadu Taibessi atinje ona 85%.

(more…)

Kontinua Le'e

Dili

Projetu Emerjénsia Sira iha Díli Laran Atinje Porsentu 80

Published

on

Hatutan.com, (19 Jullu 2024), Díli-Maioria projetu emerjénsia sira ne’ebé Ministériu Obras Públikas (MOP) halo adjudikasaun direta bá kompañia sira hodi halo reabilitasaun estrada sira iha kapitál Díli kuaze atinje  porsentu 80 (80%).

(more…)

Kontinua Le'e

Dili

Governu Seidauk Fó Indenizasaun bá Komunidade Afetadu Eviksaun SEATOU

Published

on

Hatutan.com, (16 Jullu 2024), Díli Parlamentu Nasionál liuhosi Deputadu Bankada FRETILIN, António Calau preokupa ho promesa Governu nian atu fó  indenizasaun bá komunidade afetadu evokasaun husi polítika  Sekretará Estadu asuntu Toponomia  no Urbanizasaun (SEATOU).

(more…)

Kontinua Le'e
Advertisement

Trending