Connect with us
Pakote Ahi

Figura

Ramos-Horta Konvida Prezidente Angolana João Lourenço Vizita Timor-Leste

Published

on

Hatutan.com, (09 Jullu 2024), Díli- Prezidente Repúblika (PR), José Ramos-Horta konvida nia omólogu Prezidente Angola João Lourenço atu vizita Timor-Leste.

Lee Mós: TL-Angola Asina Akordu Vistu Livre bá Passaporte Servisu-Diplomátiku

Sita husi komunikadu imprensa ne’ebé Hatutan.com asesu katak Prezidente Repúblika, José Ramos-Horta hato’o konvite formál bá Prezidente Angola João Lourenço durante nia vizita  ofisiál  iha Angola.

Advertisement

Prezidente Repúblika (PR), José Ramos-Horta hasoru malu ho nia omólogu Prezidente Angola João Lourenço iha Angola. Foto/Média GPR

Konvite Prezidente Repúblika José Ramos-Horta nian ne’e ho objetivu hakarak hametin relasaun bilaterál entre país rua no haree ba nesesidade importante iha interkámbiu diplomátiku sira nível alto.

Prezidente Angola João Lourenço rekoñese katak ida ne’e hanesan vizita daruak Prezidente Repúblika José Ramos-Horta nian ba Angola, no to’o agora laiha prezidente angolanu ida maka vizita Timor-Leste.

“Nia hatudu vontade atu hadi’a dezekilíbriu ida-ne’e no fó instrusaun ba kanál diplomátiku sira atu serbisu hodi determina data ida ne’ebé adekuadu ba vizita,” Prezidente Repúblika Angola João Lourenço hateten.

Proposta vizita husi Prezidente Angola João Lourenço ba Timor-Leste sei hasa’e liután kolaborasaun entre nasaun rua ne’e, partikularmente iha setór sira hanesan petróleu no gás, agrikultura, turizmu, no komérsiu. Nune’e mós aprezenta oportunidade atu esplora oinsá Timor-Leste nia adezaun ne’ebé sei mai iha Organizasaun Ekonómika Aziátika bele fó benefísiu ba parseiru sira CPLP nian, inklui Angola.

Ramos-Horta Hala’o Diskursu Iha Reuniaun Plenária Solene Parlamentu Angola

Durante Reuniaun Plenária Solene iha Parlamentu Angola, Prezidente José Ramos-Horta, hoto’o diskursu ne’ebé emosionante tebes, hatudu gratidaun ba solidariedade no apoiu ne’ebé Angola hatudu ba Timor-Leste durante luta ba independénsia.

Advertisement

“Onra tebes iha sala demokrasi ida ne’e,  iha fundadór Angola Agostinho Neto nia sorin, ho memória husu ema angolanu hotu, eroi sira ne’ebé fo kontribuisaun ba Angola, ha’u hakruk ho respeitu no gratidaun,” José Ramos-Horta hateten.

Ramos-Horta subliña importánsia apoiu Angola nian liu-liu mantein asuntu Timor-Leste iha agenda internasionál.

Fó Onra Ba Prezidente Dahuluk Angola

Prezidente Repúblika José Ramos-Horta partisipa iha serimónia solene tau ai-funan iha Memorial Dr. António Agostinho Neto iha Luanda. Foto/Mídia GPR

Prezidente Repúblika José Ramos-Horta partisipa iha serimónia solene tau ai-funan iha Memorial Dr. António Agostinho Neto iha Luanda, Angola. Eventu ne’ebé hala’o iha tuku 10:10 dadeer iha Prasa Repúblika, halo parte iha vizita Estadu Prezidente Ramos-Horta nian ne’ebé hala’o daudaun ba Repúblika Angola.

Bainhira to’o iha memoriál, Prezidente Ramos-Horta hetan kumprimentu ho onra militár no simu hosi reprezentante sira hosi jestaun Memoriál Dr. António Agostinho Neto nian. Serimónia ne’e hahú ho tau ai-funan iha sarkófagu prezidente dahuluk Angola nian, Dr. António Agostinho Neto, nu’udar sinál respeitu no omenajen ba líder boot angolanu ne’e.

Hafoin tau ai-funan, Prezidente Ramos-Horta partisipa iha vizita guiada ba espozisaun memoriál nian. Exibisaun ne’e destaka moris oioin hosi Dr. António Agostinho Neto, aprezenta nia hanesan médiku, poeta, no eskritór, entre papél sira seluk.

Advertisement

Vizita ne’e subliña hametin relasaun diplomátiku entre Timor Lorosa’e no Angola, nune’e mós respeitu malu ba nasaun ida-idak nia figura istóriku no luta ba independénsia.

Kontinua Hametin Relasaun Bilaterál

Prezidente Repúblika José Ramos-Horta ho Prezidente Angola, João Lourenço. Foto/Mídia GPR

Prezidente Repúblika José Ramos-Horta no Prezidente Angola, João Lourenço, hala’o konferénsia imprensa konjunta iha Luanda, hodi konklui vizita Estadu daruak Ramos-Horta nian ba Angola.

Eventu ne’e fo pasu signifikativu sira hodi hametin lasu diplomátiku no ekonómiku sira entre nasaun rua ne’ebé ko’alia lian portugés. Prezidente Lourenço subliña importánsia husi simu malu iha relasaun internasionál sira, hodi fó sai ninia intensaun atu vizita Timor-Leste iha tempu badak. Nia fó sai mós katak foin lalais ne’e Angola loke ona embaixada ida iha Díli, hodi hadi’a lakuna anteriór iha reprezentasaun diplomátiku entre membru sira CPLP (Comunidade dos Países de Língua Portuguesa).

Durante konferénsia imprensa, lider rua ne’e ko’alia kona-ba asinatura hosi akordu kooperasaun oioin no ativasaun hosi Komisaun Konjunta Bilateral, ne’ebé Lourenço deskreve hanesan “instrumentu importante ida hodi halo buat sira akontese husi agora”. Prezidente angolanu subliña katak potensiál ba kooperasaun entre nasaun rua ne’e laiha limite, subliña mós nesesidade atu identifika no aproveita oportunidade hirak ne’e.

Prezidente Ramos-Horta fó sai kona-ba posibilidade Timor-Leste sai membru ba da-11 husi ASEAN iha tinan 2025. Nia subliña potensiál ba aumentu kooperasaun ekonómika entre Timor-Leste no Angola, partikularmente tanba Timor-Leste nia asesu besik ona ba merkadu ASEAN nian ho millaun 700 konsumidór ho PIB kombinadu dolar biliaun 4.

Advertisement

Xefe Estadu Ramos-Horta propoin atu Timor-Leste bele sai nu’udar sentru distribuisaun ba produtu sira husi nasaun Afrikanu Lian Portugés (PALOP) no CPLP iha rejiaun sudeste aziátiku. Nia apela ba kooperasaun prátika liu entre nasaun sira CPLP nian, hodi insiste mudansa hosi “deklarasaun romántiku” anuál sira ba rezultadu ekonómiku konkretu sira. Líder rua hatudu otimizmu kona-ba futuru relasaun bilaterál sira, ho Lourenço konvida Ramos-Horta atu “sente hanesan iha uma rasik” iha Angola.

Jornalista: Vito Salvadór

 

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Figura

Ramos-Horta Simu Prémiu “Chave da Cidade” husi Konsellu Munisipál Maputo

Published

on

Hatutan.com, (07 Jullu 2024), Díli- Prezidente Repúblika (PR), José Ramos-Horta, simu Prémiu “Chave da Cidade” husi Konsellu Munisipál sidade Maputo, Moçambique.

(more…)

Kontinua Le'e

Figura

Prezidente Repúblika Konkorda Rui Pereira bá Lidera CAC

Published

on

Hatutan.com, (18 Juñu 2024), Díli- Prezidente Repúblika (PR), José Ramos-Horta konkorda ho desizaun Governu liuhosi Konsellu Ministru nian hodi propoin bá Rui Pereira dos Santos atu lidera Comissão Anti Corrupção (CAC) bá mandatu tinan haat.

(more…)

Kontinua Le'e

Figura

Prezidente Repúblika Kondekora Suzy Wilson ho Medalla Orden Timor-Leste

Published

on

Hatutan.com, (10 Juñu 2024), Díli- Prezidente Repúblika (PR), José Ramos-Horta kondekora Deputy Head of Mission Embassy Austrália Suzy Wilson ho grau medalla Orden Timor-Leste nu’udár rekoñesimentu ida ba Suzy Wilson nia kontribuisaun ba Austrália no Timor-Leste nia parseria.

(more…)

Kontinua Le'e
Advertisement

Trending