Hatutan.com (12 Dezembru 2024), Díli– Prezidente Parlamentu Nasionál prepara ona ezbosu revizaun Lei Pensaun Vitalisia atu halo konsultasaun ho órgaun soberanu sira.

Lee Mós: Alterasaun Lei Pensaun Vitalísia, PLP-KHUNTO Hein Seriedade CNRT-FRETILIN-PD

Prezidente Parlamentu Nasionál, Maria Fernanda Lay. Foto/Tome da Silva

Prezidente Parlamentu Nasionál, Maria Fernanda Lay, informa revizaun  Lei Pensaun Vitalisia sei hala’o iha Terseiru Lejizlativa, tanba iha ona ezbosu nune’e  sei presiza konsulta ho órgaun soberanu hotu antes halo revizaun bá Lei Pensaun Vitalisia ne’e rasik.

“Ezbosu   iha ona, maibé  tenke  konsulta tanba kuatru pilár estadu nian hotu-hotu iha pensaun vitalisia. Agora sé hakarak ka lakohi depende bá maioria,” Prezidente Parlamentu Nasionál, Maria Fernanda Lay, informa  bá Jornalista sira iha PN, Kinta (12/12/2024)

PPN Maria Fenanda Lay afirma lei la fó dalan bá direitu arkridu atu hamoos hotu lei pensaun vitalisia  sé hamoos hotu  veteranu sira mós hotu-hotu hamoos.

Maria Fernanda  Lay hateten Timor-Leste rasik foin hahú seguransa sosiál iha tinan 2017 klaru katák  labele iha espetativa hanesan eis titulár ida hetan kedan pensaun boot husi fundu seguransa sosiál.

“Ha’u hateten ona ezbosu halo ona sei hatún bá  baixu bá komisaun kompetente para haree ida-ne’e ha’u labele hatún diretamente la’ós ha’u mak bá halo audiénsia ho ema,” Maria Fernanda Lay tenik.

Jornalista Estajiária : Zita Menezes