Hatutan.com, (27 Dezembru 2024), Díli—Xefe Departementu Emerjénsia  Ospitál Nasionál Guido valadares (HNGV), Julia Rodrigues Quintão, informa daudaun ne’e médiku sira hala’o servisu overtime   iha Sala Emerjénsia tanba menus rekursu médiku.

Lee Mós: HNGV Klarifika Kona-bá Bebé Ida Mate Tanba Deskonfia Atendimentu Ladi’ak

Ospitál Nasionál Guido Valadares (HNGV, sigla portugés). Foto/Dok.Tome da Silva

Daudaun kondisaun iha sala emerjensia HNGV iha tan sala foun ho naran emérjensia pediatric ne’ebe  bele akumula numeru pasiente barak tanba mediku sira ne’ebe iha kria sistema servisu overtime nune’e bele fó atendementu ba pasiente sira.

“Rekursu umanus menus,entaun ami tenke kria over time, iha kolega balun ne’ebe off, no sira ne’ebe hakarak mai entaun ami fasilita sira servisu, nune’e ami hatama sira iha tempu overtime tanba ita haree espasu aumenta, numeru pasiente aumenta no persija rekursu umanus” Julia Rodrigues Quintão ba jornalista  sira iha HNGV, Sesta (27/12/2024).

Julia Rodrigues Quintão haktuir daudaun ne’e esforsu ne’ebe sira-nia prate ho xefe unidade  halo mak servisu hamutuk konsellu konsultivu sira atu bele aloka médiku sira ne’ebé hakarak servisu overtime tuir sira nia área.

Antes ne’e iha sala emerjénsia HNGV  estabelese shift  ba médiku na’in-tolu ka na’in-haat  ne’ebé hetan tan apoiu médiku na’in-tolu no komesa aloka ona ba ekipa, iha ekipa balun na’in-lima no balun na’in-haat.

Rejista Pasiente 380

Xefe Departementu Emerjénsia HNGV, Julia Rodrigues Quintão relata iha loron 24 fulan-Dezembru, tinan ne’e,  pasiente ne’ebe rejista  iha sala  emerjénsia ho  total 174 husi numeru ne’e,  feto hamutuk 86 no mane na’in-88.

Pasiente asidente motór iha  loron 24 fulan-Dezembru, mane n’ni-10 no kazu sira seluk mak ema ho idade  ne’ebé mai ho moras kronik ka grave no labarik sira  kabun moras no mear.

Hosi numeru ne’ebe iha, pasiente ne’ebe baixa menus hanesan ba iha sala interna na’in-rua, ICU laiha, interna mane nian iha na’in-haat, interna feto iha na’in-rua   no VIP iha na’in-ida  no mós baixa ba iha labarik nian sala pediatric nian iha na’in-neen.

Iha loron 25 fulan-Dezembru,  rejista pasiente hamutuk 213, husi numeru ne’e  feto na’in-100 no mane na’in-113.  Iha asidente tráfegu motór rejista feto na’in-lima no mane n’in-17 no asidente karreta mane ida, feto laiha no mós iha pasiente hosi violensia fizika hanesan hetan pankada hamutuk  na’in-rua.

Kona-bá pasiente ho kondisaun  grave iha pasiente balun konsege baixa iha sala cerugia no mós pasiente ne’ebé mak mate iha loron 24 fulan-Dezembru na’in-ida  ne’ebé evakua  to’o iha HNGV ho kondisaun laiha ona iis.

Iha fali loron 25 fulan-Dezembru rejista mate na’in-ida  mai  ho situasaun ne’ebé hanesan, bainhira to’o iha sala emerjénsia iis laiha ona.

Enkuantu pasiente ne’ebe mak antes ne’ee baixa ona iha emerjensia, iha loron 24 fulan dezembro rejista mate na’in-ida tanba moras komplikadu.

Hosi numeru pasiente ne’ebé mak relata, barak liu mai husi Munisípiu Dili. Enkuantu, moras ne’ebé rejista aas iha emerjensia iha loron 24 to’o loron 25 fulan-Dezembru mak iis-bo’ot no kabun-moras ba iha labarik sira.

Kona-bá moras ba ema bo’ot (adultu)  mai ho moras oin-oin hanesan infeksaun  pulmaun, struk, no seluk tan, maibé barak liu mak pasiente  asidente tráfegu.

Jornalista : Leopoldina de Carvalho