Hatutan.com, (12 Marsu 2025), Díli—Lider Bankada Opozisaun Timor-Leste atuál Sekretáriu Jerál Partidu FRETILIN, Marí Alkatiri, preokupa ho ezekusaun fundu infraestrutura tinan 2011-2024 ne’ebé foin atinje 30%.

Lee Mós: Mari Alkatiri Prontu Enfrenta Justisa Sobre Akuzasaun Abuzu Podér iha RAEOA

Sekretáriu Jerál partidu FRETILIN,  Mari Alkatiri. Foto/Elio dos Santos da Costa

Liuhosi konferénsia imprensa iha edifísiu eis-titulár, Farol, Díli, Kuarta (12/03/2025), fundadór Estadu ne’e hateten nia rasik konfuzaun  ba ezekusaun orsamentál liuliu iha areá fundu infraestrutura.

Tuir rezumu Mari Alkatiri katák   iha tinan 2011-2024  aloká bá fundu infraestrutura  hamutuk millaun $5.9 , iha loron  23 fulan-Setembru 2024 ezekusaun bá fundu infraestrutura ne’e kiik tebes millaun $89,000.

“Ha’u haree ezekusaun millaun $3.6 hahú husi tinan 2011-2024 signifiká saida ezekusaun 30% de’it, sé ezekusaun mak ida-ne’e signifiká katák sei hela millaun $2,” Marí Alkatiri hateten.

Fundu   infraestrutura  2024 iha $354,789 maibé to’o Setembru 2024 nia  ezekusaun $89.753.721, tuir Mari Alkatiri, ezekusaun ne’e lato’o tán millaun $100,000 husi millaun $301,000.

“Restu ne’e iha ne’ebé? nune’e tinan 2025 aloká tán millaun $312,000 iha kualkér koiza sé millaun $301,000 ezekusaun mak millaun $89,000 sei restu millaun $200 liu aloká tán millaun $312,000 bá tinan  2025 signifiká millaun $500,000  ne’e la konta tán husi 2011-2024 rua ne’e de’it hamutuk millaun $500,000 liu bá fundu infrastrutura,” Nia afirma.

Nia haktuir iha prosezaun bá tinan 2026 iha millaun $829,776, tinan 2027 millaun $731,15 tinan  2028 millaun $273,72, tinan 2029 millaun $105,67, hamutuk biliaun $1.9 ne’e prozesaun bá aban-bain-rua.

Jornalista Estajiária: Zita Menezes