Hatutan.com, (03 Abril 2025), Díli– Parlamentu Nasionál liuhosi Komisaun A trata asuntu Lejizlativa no Justisa, Kinta (03/04/2025),  halo audiénsia ho Ministru Justisa (MJ), Prokuradór Jerál Repúblika (PGR, sigla portugés)  no Polísia Sientífiku Investigasaun Kriminál (PCIC) hodi troka ideia  relativamente bá iha medida sira ne’ebé importante bá iha estadu nian.

Lee Mós: Ministru Justisa Sergio Hornai Oriénta Dirijente Notariadu Solusiona Blanku BI

Komisaun A-PN halo audiénsia ho MMJ, PGR no PCIC, Kinta (03/04/2025). Foto/Zita Menezes

“Hanesan Governante no PN hanesan  órgaun estadu nian  bele ko’alia iha pontu situasaun evolusaun lejizlativa balu ne’ebé ko’alia entre órgaun estadu rua ne’e. Bele haforsa liu tán ita nian lei estruturante sira, no mós atu bele fó tán kbiit bá iha autoridade judisiáriu sira iha órgaun Polísia Kriminál sira no mós iha matéria investigasaun kriminalidade ho iha matéria sira kona-bá prevensaun sira,” Ministru Justisa Sergio Hornai bá jornalista sira  iha PN.

Iha audiénsia ne’e ko’alia mós kona-bá lei estruturante sira ne’ebé haree katák depois restaura independénsia kuaze dékada ida resin presiza halo artikulasaun no armonizasaun atu bele kompativél ho realidade sira ne’ebé la’o iha rai laran.

Au-mezmu tempu atu hatán  bá urjénsia sira hanesan Timor-Leste nian prezensa hanesan estadu ida iha rejionál bilaterál no mós iha Jurídiku international sira.

“Ami ko’alia kestaun lejizlasaun sira ne’ebé karik iha utilidade relevánsia ho lei sira hanesan kódigu penál n omós ita ko’alia kona-bá dijitalizasaun informátika, entaun ita presiza iha ordenamentu jurídiku foun para bele hametin liután estadu no órgaun Polísia no mós autoridade judisiáriu nian atu bele fó konfiansa ida metin liután bá iha sosiedade sira,” Nia tenik.

Jornalista Estajiária : Zita Menezes