Hatutan.com, (10 Juñu 2025), Díli—ONG internasionál Heavenly Culture World Peace and Restoration of Light (HWPL) susesu hala’o nia komemorasaun aniversáriu  ba dala-12 ba Deklarasaun Dame Mundiál, foin lalais ne’e, hala’o iha sentru sidade Yaoundé, Kameron.

Lee Mós: HWPL Eskolla Hatutan.com ho Mídia 4 Seluk Sai Parseiru Promove Jornalizmu bá Pás iha Timor-Leste

HWPL susesu hala’o nia komemorasaun aniversáriu ba dala-12 ba Deklarasaun Dame Mundiál, foin lalais ne’e, hala’o iha sentru sidade Yaoundé, Kameron. Foto/Espesiál

Komunikadu imprensa ne’ebé Hatutan.com asesu transmite katak eventu ne’e halibur membru sira hosi ONG internasionál dame nian Kultura Lalehan, Dame Mundiál, Restaurasaun Naroman (HWPL), Grupu Juventude Dame Internasionál (IPYG), no sidadaun sira ne’ebé aspira ba dame.

HWPL estabelese iha  tinan 2013, halo hela progresu signifikativu sira iha inisiativa dame globál sira ho lideransa hosi Prezidente Lee Man-hee. Veteranu nlo funu nian ida ne’ebé dedikadu ba dame, Prezidente Lee hala’o ona misaun dame nian hamutuk 32 ba nasaun 70 resin, hodi envolve ho lider sira, figura relijioza sira, no reprezentante sira hosi mídia.

HWPL nia esforsu dame inklui estabelesimentu lei internasionál ne’ebé bandu funu, rezolusaun konflitu relijiozu liuhosi aliansa relijioza no promosaun edukasaun dame.

Iha selebrasaun ba aniversáriu ba dala-12 Deklarasaun Dame Mundiál nian, HWPL sai uma-na’in ba eventu komemorativu sira iha sidade 94 iha nasaun 61 nia laran.

Iha Yaoundé, Kameron, eventu ne’e marka ho marxa dame nian hodi hasa’e konsiénsia kona-bá importánsia dame nian, hamutuk ho kampaña hamoos dalan sira hodi fó onra ba Loron Mundiál Ambiente nian iha loron 5 fulan-Juñu.

Eventu ne’e hala’o lakleur hafoin loron 20 fulan-Maiu, Loron Nasionál Kameron nian, hodi komemora unidade nasionál, hodi halo ida-ne’e sai hanesan okaziaun ida ne’ebé signifikativu hodi hato’o mensajen dame nian no unidade.

Komemorasaun aniversáriu HWPL ba dala-12 ba Deklarasaun Dame Mundiál, foin lalais ne’e, hala’o iha sentru sidade Yaoundé, Kameron. Foto/Espesiál

Eventu ne’e hahú ho lee mensajen dame nian husi Prezidente HWPL Lee Man-hee. Iha nia karta, nia husu ba sidadaun sira iha mundu tomak atu partisipa ativu iha realizasaun dame nian no subliña nesesidade solidariedade internasionál nian hodi hakotu konflitu sira no funu sira ne’ebé maka umanidade hasoru.

Programa prinsipál, Peace Walk, tuir mai. Partisipante sira halo marxa hale’u Yaoundé City Hall (Hotel de Ville), hodi habelar mensajen dame nian liuhosi sira nia hakat no sira hala’o atividade hamoos dalan, hodi tau iha prátika valór dame nian liuhosi asaun durante la’o dame nian.

Dzudie Fotso Jerome, partisipante ida iha eventu ne’e, fahe nia hanoin, hodi hateten, “Liuhusi Peace Walk, sai hanesan momentu ida atu respeita ita-nia diferensa no haburas unidade. Maske rai-manas, haree sidadaun sira-nia partisipasaun ho hamnasa nabilan fó mai ha’u esperansa ba mundu ida ne’ebé unidu no sentidu dame loloos.”

Nia hatutan, “Peace Walk ida ne’e sai hanesan fini ida dame nian ne’ebé imajina futuru ida iha ne’ebé ema hotu hamutuk liu sira nia diferensa. Ha’u espera eventu ida ne’e kontinua tinan-tinan atu nune’e dame loloos bele metin iha mundu tomak.”

HWPL nia sukursál Kameron nian planeia atu kontinua promove HWPL nia vizaun no valór sira dame nian iha nasaun tomak. Ho inisiativa oioin, sira hakarak atu enkoraja partisipasaun ativu sidadaun nian no kontribui ba hasa’e konxiénsia públika nian kona-ba dame.

Jornalista: Zita Menezes