Hatutan.com, (11 Juñu 2025), Díli– IX Governu konstitusionál liu-husi reuniaun Konsellu Ministru, Kuarta (11/06/2025), aprova projetu rezolusaun Governu ba alterasaun da-haat bá rezolusaun Governu númeru 7/2024, estende  mandatu Zona Ekonómika Espesiál Dezenvolvimentu iha Oé-Cusse Ambeno (ZEEDOA) bá fulan haat.

Lee Mós: Xanana Deklara Atoni-oan Lidera RAEOA-ZEESM

Reuniaun Konsellu Ministru. Foto/Dok.

Komunikadu   Imprensa ne’ebé Hatutan.com asesu husi portal ofisial Prezidensiál Konsellu Ministru, informa katak  aprova projetu Rezolusaun Governu ba alterasaun dahaat ba rezolusaun Governu númeru. 7/2024, loron 24 fulan-Janeiru, kona-ba Kriasaun Komisaun Ezekutiva ho objetivu atu estabelese Zona Ekonómika Espesiál Dezenvolvimentu iha Oé-Cusse Ambeno (ZEEDOA).

Ho alterasaun ida-ne’e, mandatu Komisaun Ezekutiva nian hanaruk ba períodu fulan haat. Durante períodu ida-ne’e, bandu kontratasaun hotu-hotu ba funsionáriu públiku, tékniku no asesór foun, tantu ba órgaun administrativu Rejiaun Administrativa Espesiál Oé-Cusse Ambeno (RAEOA) no ba Komité Ezekutivu ZEEDOA nian.

Tanba ne’e, Prezidénsia Konsellu Ministru nian tenke prepara dokumentu tékniku no jurídiku sira ne’ebé presiza ba kriasaun estrutura funsionál foun ida iha RAEOA, ne’ebé besik hanesan ho rejime munisipál ne’ebé adota iha divizaun administrativa sira seluk país nian, iha ne’ebé Atoni (Oé-Cusse-oan) sira bele asume responsabilidade ba jestaun administrativa no ekonómika Rejiaun nian.

Jornalista: Marcelino Tomae