Hatutan.com, (11 Setembru 2025), Díli— Diresaun Nasionál Servisu  Rejistu Notariadu (DNSRN) garante estoke kaderneta  pasaporte to’o  fulan-Fevereiru tinan 2026.

Lee Mós: Funsionáriu Balu Aporoveita Espasu iha Resintu DNSRN Loke Rental Halo Tradúsaun Bá Dokumentu Kobra $5.00

Diretór  Jerál Diresaun Nasionál Servisu Rejistu Nitoriadu (DNSRN), Agustinho Gonçalves Veirra

Diretór Jerál Diresaun Nasionál Servisu  Rejistu Notariadu, Agustinho Gonçalves Vierra bá jornalista sira  iha nia knaar fatin,  Díli, Kinta (11/09/2025),  hateten    dadaun ne’e estoke kaderneta pasaporte sufisiente bele atende seidasaun sira to’o Fevereiru 2026.

“Ita halo tan akizasaun ba kaderneta pasaporte hamutuk 75000,  tanba agora estoke sei iha hela hodi   hein foun  mai tan,”  , Agustinho Gonçalves Vierra hateten.

DNSRN sei kontinua halo distribuisaun bá embaixada sira no Postu Fronteira, atu garentia ema hotu hetan direitu pasaporte sira.

Nia afirma  sidadaun Timor-oan tomak  sei kontínua hetan pasaporte normál tanba prosesu akizasaun pasaporte normal hanesan antes.

BI Kontinua  Provizoriu  Ho surat Tahan

Diretór Jerál Diresaun Nasionál Servisu  Rejistu Notariadu, Agustinho Gonsalves Vierra hateten, blanku iha hela maibé  ologram ne’e maka laiha, nune’e kontinua ho provizoriu de’it.

“Ita nia blanku BI ne’e agora iha hela ona, maibé press ne’e ema bolu dehan ologram maka laiha, buat ida-ne’e sei hameno husi Signapura ka Amérika,  tanba ita hameno maka ema foin fabrika,” nia hateten.

Tuir nia katak provizoriu ne’e sei han tempu fulan-tolu,  tanba sei haree kompañia ne’ebé maka hetan tenderizasaun,   maka halo koordenasaun ho fabrika nain sira.

Jornalista: Marcelino Tomae