Hatutan.com, (12 Outubru 2025), Díli-Kadete membru Polísia Nasionál Timor-Leste (PNTL) hamutuk na’in-12.851 ne’ebé pasa iha selesaun dokumentu, Domingu (12/10/2025), tuir ezame kulturál iha ida-idak nia munisípiu.

Lee Mós: Komisaun Rekrutamentu PNTL Simu Dokumentu Kandidatu Sira 4.428

Iha Munisípiu Dili rasik, kadete hamutuk na’in-1987 mak aprovadu hodi partisipa ezame kulturál iha fatin determinadu hanesan iha ESTV Becora, ESTV 28 Novembru Becora ho SMEA Becora.

Kadete PNTL Munisípiu Díli partisipa ezame kulturál, Domingu (12/10/2025). Foto/Juvinal Cabral dos Santos

Tuir observasaun Hatutan.com nian hatudu katka  molok  tuku 08:00 dadeer Otl, kadete sira marka ona prezensa hodi rona orientasaun husi ekipa fiskalizador sira, nune’e  liu iha 08:45 Otl, kadete foun sira tama ona ba aula laran prenxe folla resposta ba kandidatu nia naran, númeru durante oras ida banhira to’o 09:59 ne’e fahe ona matéria ezame ba sira husi  tuku 10:00 Otl to’o termina iha tuku 12:30 Otl.

Total kadete PNTL Munisípiu Díli tuir teste kulturál hamutuk na’in-1987, fahe ba sala eskola tolu hamutuk sala 50, kada aula  akomula kadete na’in- 40.

“Husi ami nia komisaun no prezidente juri ko’alia kedas buat hotu tenke transparante. o hatene o liu, ne’ebé o nia inan-aman mak Polísia ba mós kuandu o lahatene la bele liu, inan-aman veteranu mós kuandu lahatene la bele liu, konforme o nia valor ne’e mak deside. Tanba teste ne’e nakloke ba ema hotu haree,” Pontu Vokál Munisípiu Díli, Superintendente Asistente Polísia Lino Matos hatetan ba jornalista sira iha ETV Becora.

Nia  afirma, valór ba kandidatu foun sira agora nia seidauk iha serteza, maibé tempu uluk valór tenke to’o 60 ba leten mak liu, maibe ne’e seidauk sei ba tan teste fiziku,  tanba antes ne’e selesaun dokumentu kadete iha Munisípiu Díli na’in- 27 mak laliu no  ohin kontinua teste prova kulturál, se mak liu  sei kontinua ba iha  teste fiziku.

Observasaun komisaun rekrutamentu PNTL nian kona-bá situasaun  prova kulturál  iha Munisípiu Díli la’o  ho di’ak.

Carolina Miguel da Costa, kadete PNTL 2025 ne’ebé tuir ezame kulturál iha ESTV Becora, garante nia pasa iha prova kulturál tanba áateria ezame bazei ba nia preparasaun no peskiza.

“Ha’u sente kontente maske la prepara ho másimu, maibé máteria ne’ebé mak ha’u prepara ha’u bele enfrenta ezame ne’e ho di’ak,”  Carolina Miguel da Costa hateten.

Nia la sente iha difikuldade partisipa iha ezame kulturál ne’e  tanba nia halo pperasaun ho d’iak.

Tuir observasaun Hatutan.com iha ESTV Becora hale’u tuku 09:30 Segundu Komadante Polísia Nasional Timor-Leste (PNTL) Komisáriu Polísia Pedro Belo, tun dirreta hodi halo observasaun ba prova kulturál ne’e.

Liuhosi konversa komandu nia observasaun ne’e la iha problema ruma kona-ba prova kultural, maibé iha kadete foun sira ne’ebé antes prenxe formuláriu  hili lingua Portugues hafoin fahe matéria kandidatu balun hakarak iha mudansa fali Tetun, kestaun ne’e mak ekipa  fiskalizador sira  hadi’a esplika ezame lao kontinua.

Jornalista: Juvinal Cabral dos Santos