Justisa & Krime
Tribunál Aplika Medida Aprezentasaun Periódika Bá Jerente Grand Dragon Lotaria
Hatutan.com, (06 Dezembru 2025), Díli– Tribunál Judisiál Primeira Instánsia Díli (TJPID), Sábadu (06/12/2025), hala’o julgamentu primeira interogatóriu ba arguidu na’in-tolu husi empreza jogu Grand Dragon Lotaria.
Lee Mós: Deskonfia Loke Jogu Online, PM Xanana Haruka Taka Lotaria Grand Dragon
Jerente Lotaria Grand Dragon nu’udár arguidu partisipa iha juglamentu primeira interogatóriu iha TJPID, Sábadu (06/12/2025). Foto/Marcelino Tomae
Iha julgamentu primeira interogatóriu ne’e, Tribunál aplika medida aprezentasaun periódika durante fulan-haat (4) ba arguidu na’in-tolu ne’ebé nu’udár jerente ba empreza Grand Dragon Lotaria.
Arguidu na’in-tolu ho insiál NGT, VJ, MFDPM ne’e hetan detensaun no apreensaun husi autoridade Polísia, Kuarta (03/12/2025), iha empreza Grand Dragon Lotaria tanba deskonfia envolve iha pratika jogu online ka online scamming.
Durante audénsia julgamentu primeiru interogatóriu ne’e, Tribunál liuhosi Juiza Julmira Auxiliadora konfirma bá arguidu na’in-tolu atu hato’o deklarasaun ruma bá Tribunál, maibé arguidu sira hili nonook.
Iha alegasaun Ministériu Públiku ne’ebé reprezenta husi Prokuradór Rafael Gusmão ho João Marques, husu Tribunál atu aplika medida proibuisaun aujénsian no medida koasaun US$10,0000.00 bá arguidu sira, tanba konsidera prátika krime jogu ilegál ho krime brankeamentu kapitál.
Parte defeza liuhusi Advogadu Privadu, José Ximenes, husu Tribunál atu aplika Termu Identidade Rezidénsia (TIR) tanba jogu Litaria Grand Dragon legál no iha dokumentu lisensa sei moris no selu taxa bá Estudu.
Rona tiha parte hotu-hotu Tribunál hatun despaixu hodi aplika Aprezentasaun Periódika, durante fulan haat bá arguidu na’in-tolu nu’udár jerente ba empreza Grand Dragon Lotaria.
Hafoin remata julgamentu primeiru interogatóriu, Tribunál ho parte defeza asina karta libertasaun bá arguidu, nune’e parte seguransa akompaña arguidu na’in-tolu bá hasai faru detensaun iha Komandu Jerál Polísia Nasionál Timor-Leste (PNTL).
Jerente Grand Dragon Lotaria na’in-tolu ho inisiál NGT, VJ ho MFDPM sai arguidu no detein iha sela detensaun polísia durante oras 72 nia laran, hafoin buska no apreensaun ne’ebé bazeia ba mandadu Ministériu Públiku ho Númeru Úniku Krime (NUC), 0389/2025.PNSIC, iha Kuarta (03/12/2025), tanba deskonfia prátika online scamming.
Jornalista: Marcelino Tomae
Justisa & Krime
PDHJ Sei Investiga Desizaun “Diskriminativu” Hasoru Superintendente Polísia Julia Gama
Arguidu CdA Ne’ebé Deskonfia Oho Nia Ferik-Oan Veronica dos Santos Submete Ba Primeiru Interogatóriu
PDHJ Sei Investiga Desizaun “Diskriminativu” Hasoru Superintendente Polísia Julia Gama
Tribunál Oé-cuse Adia Desizaun Kazu Kontrabandu Deskonfia Envolve Arguidu Regio Salu Atuál PA-RAEOA
Karta Pastorál Ba Páskua 2026, “Nia hadomi ninian sira to’o rohan” (Jo 13,1)
Superintendente Julia Gama Hetan Deskriminasaun iha Promosaun Diviza, Ofisiál Superiór PNTL Balun Kazu iha Tribunál Mós Promovidu
DIT Hahú Introdús ba Estudante Sira Kona bá Seguransa ba Dadus Importante
IGJ Legaliza Corais Timor bá Atividade Futu-Manu
STOP PRESS: Ministru Nino Pereira Konsumu Dose Kontamina ho Frasku Halo Nanál Kanek no Ran
Indonesia dan Timor-Leste Perkuat Kerjasama Ekonomi, Sosial Budaya, dan Pariwisata
Governu Indika BTK Hadi’a Trotoár Naksobu iha Área Bebora
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Dili5 days agoManifestasaun Hasoru Ministru Interiór Rezulta Na’in-hitu Kanek
-
Justisa & Krime5 days agoPDHJ Rekomenda Ba PN Ratifika Protokolu Fakultativu Ba Konvensaun Kontra Tortura
-
Nasionál6 days agoGovernu Sei Foti Medida Nesesáriu Hodi Estabiliza Folin Kombustível
-
Munisípiu6 days agoPrezidente Repúblika Fasilita Embaixadór Na’in-17 Vizita Ataúro
-
Defeza & Seguransa2 days agoSuperintendente Julia Gama Hetan Deskriminasaun iha Promosaun Diviza, Ofisiál Superiór PNTL Balun Kazu iha Tribunál Mós Promovidu
-
Saúde5 days agoBankada Governu Manifesta Laran Susar ho Dezempeñu Ministériu Saúde
-
Polítika1 week agoBankada FRETILIN Husu Timor Gap Asegura Estoke Kombustivél La’ós ETO
-
Nasionál4 days agoGovernu Sei Haruka Dokumentu Legál ba PGR Hodi Hahú Halo Investigasaun Ba Ró Haksolok-Aviaun Twin Otter