Justisa & Krime

PNTL Kaptura Suspeitu JG ho UF Ba Kazu Violasaun no Koasaun Seksuál

Published

1 month ago

06/02/2026

hatutan

Hatutan.com, (06 Fevereiru 2026), Díli-Polisia Nasionál Timor-Leste (PNTL) Munisípiu Díli, ezekuta mandadu Tribunál NUC: 0487/25.DIBCR kaptura suspeitu na’in-rua husi Munisípiu Lautém ho inisial JG no husi Ainaro ho inisial UF relasaun kazu violasaun no koasaun seksuál ho raptu ne’ebé akontese iha loron 28 Dezembru 2025, iha Postu Administrativu Kristu-Rei, Hali Dólar, Hera.

Polísia kaptura suspeitu sira ba kazu violasaun no koasaun seksuál ho raptu. Foto/Juvinal Cabral dos Santos

“Suspeitu na’in-rua ne’e iha ligasaun ho kazu ne’ebé akontese iha loron 28 fula- Dezembru tinan 2025, kona-ba kazu violasaun no kazu koasaun seksuál ho raptu ne’ebé akontese iha momentu ne’ebá,” Komandante PNTL Munisípiu Díli, Superientendente Xefe Polísia Orlando Gomes, informa ba jornalista sira iha Eskuadra Polísia Dom Aleixo, Sesta (05/02/2026).

“Mandadu Tribunál ba arguidu nain-haat, maibé agora ita kaptura ona arguidu na’in-rua ne’ebé mak halai ses husi kapitál Díli agora dadauk ita lori ona mai komandu seksaun Investigasaun, atu nune’e, ita bele submete ba iha Tribunál.”

Autoridade seguransa hatutan, dadaun ne’e sei buka tuir arguidu na’in-rua ne’ebé mak observa hela tempu badak polísia sei halo kapturasaun.

Nia informa, Komandu Munisípiu Díli detekta arguidu sira nia paradeiru iha munisípiu ne’ebé koordena kedas ho Komandu Munisípiu Lautém ho Munisípiu Ainaro hodi koordena ho sira iha terenu para buka arguidu sira subar iha ne’ebá.

“Mandadu detensaun ne’e depois arguidu sira kumpri detensaun oras 72 depois ita aprezenta ba Ministériu Públiku (MP) mak ba liu iha Tribunál,” Orlando Gomes hateten.

Observasun Hatutan.com iha terenu, Kinta (04/02/2026), hale’u tuku 18:50 lokraik Otl, seksaun Polísia Investigasaun Munisípiu Díli kaptura suspeitu JG iha Lospalos Vila lori mai edifisiu PNTL Komandu Munisípiu Díli.

Suspeitu refere uza hela alzema iha liman no lori kedas ba iha edifisiu sub-seksaun Polísia Unidade Vulnerabilidade (VPU) no kontinua ba detein iha sela Polísia.

Polísia Seksaun Investigasaun kontinua ba foti mós suspeitu UF iha Munisípiu Ainaro hodi mai detein iha Komandu Polísia Munisípiu Díli, Komandu Polísia Munisípiu Ainaro asegura ona suspeitu ho inisiál UF.

Jornalista: Juvinal Cabral dos Santos

Related Topics:PNTL Kaptura Suspeitu JG ho UF Ba Kazu Violasaun no Koasaun Seksuál

Up Next

PDHJ Husu Anula no Suspende Rekrutamentu Kadetas PNTL Foun

Don't Miss

Kandidatu Ajente PNTL Na’in-50 Submete Keixa Ba PDHJ

Click to comment

Justisa & Krime

JSMP Husu PCIC-MP Labele Nonok ho Kazu Fujitivu Kulumban Mali

Published

3 days ago

12/03/2026

hatutan

Hatutan.com, (12 Marsu 2026), Díli– Judicial System Monitoring Programme (JSMP- sigla Inglês) husu ba Polísia Sientífiku Ivestigasaun Kriminál (PCIC- sigla-portugés) ho Ministériu Públiku (MP) atu labele nonok ho prosesu investigasaun bá kazu fujitivu Kalumban Mali alias Leonardo Benigno Tilman ne’ebé halai husi Justisa Indonézia mai subar tinan barak ona iha Timor-Leste no deskonfia falsifika dokumentu hodi hetan nasionalidade Timoroan.

(more…)

Justisa & Krime

PNTL Submete Ona Ba Minitériu Públiku Kazu Ofisiál Polísia Militár Na’in-Rua Baku Lesuk ZFS

Published

1 week ago

05/03/2026

hatutan

Hatutan.com, (05 Marsu 2026), Díli-Polísia Nasionál Timor-Leste (PNTL) liuhusi Diresaun Servisu Investigasaun Kriminál (DSIK) submete ona ba Minitériu Públiku (MP) kazu ofisiál FALINTIL-Forsa Defeza Timor-Leste (F-FDTL) husi unidade Polísia Militár (PM) na’in-rua ho naran inisiál WLC no A ne’ebé baku lesuk vítima ZFS.

(more…)

Justisa & Krime

Deskonfia Fujitivu Kalumban Mali “Hamutuk” Hela ho PR Ramos-Horta iha Atividade Sosiál Sira

Published

2 weeks ago

27/02/2026

hatutan

Hatutan.com, (27 Fevereiru 2026), Díli–Fujitivu Kalumban Mali ne’ebé deskonfia falsifika dokumentu hodi hetan nasionalidade Timor ho naran Leonardo Benigno Tilman, hola parte ativu iha atividade sosiál ka atividade karitativu Prezidente Repúblika, José Ramos-Horta nian.

(more…)