Hatutan.com, (01 Abríl 2026), Díli– Amu-Bispu Arkidioseze Metropolitana Dili nian, Dom Virgílio Kardeál do Carmo da Silva, SDB, Kuarta (01/04/2026), hato’o feliz paskua festa ba ida ne’ebé bo’ot liu hotu iha Kreda Katólika tanba sarani sira komemora Jesus Kristu nia resorisaun.

Lee Mós: Karta Pastorál Ba Páskua 2026, “Nia hadomi ninian sira to’o rohan” (Jo 13,1)

Amu-Bispu Arkidioseze Metropolitana Dili nian, Dom Virgílio Kardeál do Carmo da Silva, SDB. Foto/Juvinal Cabral dos Santos

Amu Bispo Dom Virgílo Kardeál do Carmo da Silva, SDB  iha nia mensajen Paskua 2026  esplika liafuan paskua mai husi liafuan gregu no latin paska orijen husi ebraiku ne’ebé kose hela odamatan ba Ejipto oan sira

“Mai ita sarani katólika ohin loron hetan sentidu foun ida ho Jesus Nia terus mate no moris hias, furak oinsá mai ita ohin loron paskua kontinua sai fonte ba esperansa no renovasaun iha mundu no iha ne’ebé marka violénsia funu no konflitu diferensia egoismu fiar mihis lakon fiar inserteza,” Dom Virgílio Kardeál do Carmo da Silva hateten.

Paskua oferese mai sarani sira sai hanesan sinal esperansa ba ema barak no fó hanoin ba ema hotu atu hanoin foun no pajina foun iha ema ida-idak moris.

“Ita selebra paskua iha tempu udan-bee barak halo ai-horis sira buras no matak sinal vida moris, ambiente ne’e mós konvida ita hamatak no haburas ita-nia moris foun, maske dala-barak ezije sakrifísiu no esforsu pesoál tanba paskua ferias atu família sira hamutuk hanesan família hebreu sira nian no familia hamutuk ho eskolante sira hamutuk ho nain feto iha semakulu tanba Kristu moris hakarak ita atu moris”, Dom Virgílio afirma.

Paskua tinan ida ne’e nian paskua grasas nian hodi hafoun hikas ita nia domin ba Maromak no ba maun alin sira Papa Leao 14 hamutuk ho Amu Bispo Timor nian husu ba sarani sira atu hamutuk an hodi rona Maromak nia liafuan habadak ita nia nanal hodi sukat nune’e sarani sira bele sai manu ain esperansa paz no karidade.

“Atu kompleta ita nia tridun paskua ne’e furak oinsa ita buka kumpre ita nia dever no obrigasaun katolika tuir konfesa no Viasakra no tuir misa iha tridun paskua nian tanba Jesus nia moris mak marka fatuk inan iha ita nia fiar ne’ebé iha ita nia laran ba moris ida ne’ebé sei laiha rohan”, Dom Virgilio hatutan.

Arsebispo Arkidiosese Metropolitana Díli, Dom Virgilio Kardeál do Carmo da Silva informa, Jesus Nia terus no mate familia hamutuk buka tempu halo orasaun.

“Ita nain Jesus nia terus no mate ne’e oinsa familia buka tempu hamutuk halo orasaun hateke ba Jesus nia Kruz tanba kruz mak sasukat bo’ot ida hotu Maromak nia domin mai ita ema, harohan ba Maromak nia oan ne’ebé ita adora no hanorin ita hadomi no haraik an pasensia ho perdua laran mós ba malu mak dalan ba moris foun tanba Jesus deit mak bele halo rekopera ho buat ne’ebé ita lakon’, Arsebispo Arkediosese Metropolitana Díli, Dom Virgilio Cardeal do Carmo da Silva salienta.

Tempu furak husu sarani sira atu hametin liu tan imi nia fiar ho momentu ida ne’ebé iha tentasaun no dezafiu oi-oin ne’ebé imi hasoru hanoin hikas papa Francisco nia liafuan ema barak mai kulia Maromak maibé atu hafahe domin ho família balun.

“Ha’u tatoli espesiál ba foin sae sira iha tempo paskua ne’e buka no fo netik tempu ba Maromak tanba tempu imi juventude ida ne’ebé importante liu iha ema ida nia moris, Maromak dala barak hakarak tama maibé ita mak la fo fatin ba nia tanba paskua oportunidade ba renovasaun ba Jesus moris hias nia hakarak foinsa’e sira moris atu hafoun ita nia komprimisiu ba paz no reza ba paz iha mediu Oriente hanoin kona-ba labarik no foin-sa’e sira ne’ebé sai Vitima ba funu husu ba foin-sa’e mai ita sai badaen nain ba dame iha ita nia rain no iha mundu”, Dom Virgilio hateten.

Eukaristia mak ai-han moris klamar nian hodi hakbi’it ita hakat sai husi nakukun salan nian ba moris foun paskua nian ne’ebé Jesus soi ona nia mate ema paskua nian mak ema Eukaristia tanba Eukaristia mak banati saran an nian.

“Ha’u nia boas festas santo Paskua nian ba sarani Doben sira hotu-hotu iha rai laran nomós iha mundu Jesus moris hias ita hotu mesak ida de’it tanba Kristu hadomi imi no hakarak ita hotu atu moris ho feliz paskua ba ema hotu,” Dom Virgílio hateten.

Jornalista: Juvinal Cabral dos Santos