Hatutan.com, (12 Jullu 2026), Díli – Ministériu Públiku (MP) halo alegasaun  bá arguidu na’in-96 iha kazu prátika jogu ilísitu scam call centre iha Bebonuk, no solisita ba Tribunál atu aplika medida kausaun US$3000 bá kada arguidu ho proibisaun aujénsia.

Lee Mós: Kazu Scam Call Centre Metiaut, Tribunál Muda Despaixu bá Proibisaun Aujénsia no Kausaun US$3000

Arguidu na’in96 ba kazu ilísitu iha Bebonuk partisipa iha julgamentu primeira interogatóriu iha TJPID, Domingu (12/07/2026). Foto/Marcelino Tomae

Julgamentu primeiru interogátoriu kontinuasaun bá atividade ilísitu  iha Bebonuk ne’ebé hala’o iha Tribunál Judusiál Primeira Instánsia Díli,  Domingu (12/07/2026), Prokuradór  João Marques ho Pedro Batista reprezenta Ministériu Públiku, solita bá meritisimu juis prosesu  atu aplika medidak kausaun US$3000 no medída  koasaun proibisaun aujénsia bá arguidu na’in-96.

Ministériu Públiku  promove arguidu sira bá  krime jogu Ilísitiu, brankeamentu kapitáis, burla informátika ne’ebé previstu ona iha kódigu penál Timor-Leste.

Advogadu Privadu sira hanesan Otavio Cardoso, Jauario Martins ho Pedro Camões   hato’o bá tribunál mosu kontroversiál.

Durante Julgamentu Advogadu Privadu bá arguidu na’in-90  Otavio Cardoso ho Januario Martins husu tribunál atu aplika medida kausaun US$2000   bá kada  arguidu no proibisaun aujénsia bá sira na’in-96.

Enkuantu bá arguidu na’in neen (6) Advogadu Privadu Pedro Camões husu tribunál atu aplika aprezentasaun periódidika ho Termu Identidade Rezidensia (TIR) tanba prova bá arguidu sira la sufisiente, tanba investigasaun ne’e seidauk  indentifika krime burla informátika ne’e akontese.

Rona tiha alegasaun Ministériu Públiku no deklarasaun husi Advogadu Privadu sira Tribunál deside ádia bá Segunda (13/07/2026), haleu 11:00 OTL hodi  halo despaixu.

Hafoin remata julgamentu Primeiru Interogátoriu Advogadu Privadu Pedro Camões, informa bá Jornalista  sira katak razaun nia husu tribunál atu aplika medida kausaun no aprezentasaun periódidika ho TIR tanba   krime burla informátika seidauk akontese loloos bá nia kliente sira.

“Ministériu Públiku maka kompriende sala, tanba defeza haree katak, prova bá ida kazu agora ne’e la sufisiente, tanba seidauk haree burla informátika ne’e akontese,  vítima iha Indonézia seidauk iha, vítima iha Xina  seidauk iha,  vítima iha Portugál, inklui  mós  Timor-Leste seidauk akontese ka laiha,” Advogadu Privadu Pedro Camões hateten.

Nia hatutan, autoridade seguransa sira hanesan PCIC ho PNTL  bele deskobre atividade ne’e bele akontese  krime burla informátika, maibé autoridade sira  trava nune’e la akontese.

 Nia agrumenta, haree fali bá komputadór sira ne’ebé maka iha, prosede bá atu haklean iha prosesu investigasaun mak foin  hatene katak, prátika duni krime burla informátika , no bele mós  laiha.

Nia subliña, tanba   krime burla informátika ne’e tenke iha realidade, tenke iha tranzisaun osan ruma,  tenke hatudu katak ema  manda husi ne’ebá mai, no ema  manda husi ne’e bá ne’ebá.

“Kona-bá multa US$3000, ho ha’u nia kolega defeza na’in rua seluk, hakarak US$2000, kada arguidu, mais bá ha’u, tanba prova la sufisiente, tanba ita iha Timor ne’e iha tinan 2026 komputador iha fatin tenke iha, no iha telefoni no IT, lolos ne’e halo investigasaun tenke kle’an, tanba buat sira ne’e akontese ka lae, la’ós tanba haree komputadór barak ita dehan ne’e  jogu Online Scamming,  atu halo burla informátika, sedu liu  ita atu halo ida-ne’e” nia dehan.

Janesan Advogadu ne’ebé halo defeza bá arguidu sira, konsidera katak  Minitériu públiku sedu liu hodi deklara médidia ne’ebé todan bá tribunál.

Tuir informasaun ne’ebé Hatutan.com rekolla iha Tribunál katak, kazu jogu ilísitiu  Bebonuk ne’e, halo  vítima barak  bá ferik-katuas sira iha Japaun, tanba ne’e adidu Japaun iha Timor-Leste hasoru ona parte PCIC hodi husu parabéns.

Lembra katak iha loron 09 Jullu 2026, Polísia Sientífika Investigasaun Kriminál (PCIC)  kolabora  ho Servisu Nasionál Intelijénsia  (SNI),  Kuarta-kalan, hale’u tuku 21:00 Otl, detein sidadaun estranjeiru na’in-96 ne’ebé suspeita envolve iha atividade ilítiu sira hanesan burla informátika no jogu  online ka scam call centre  iha armazém ida iha Bebonuk, Díli.

Iha operasaun surpreza ne’e konsege prende  sobjetu sira hanesan komputadór  hamutuk unidade 88, laptop 13, Telemóvel  27, no mós iha Osan balún maibé sida’uk sura  inklui telemóvel privadu balún.

Jornalista: Marcelino Tomae