Hatutan.com, (14 Jullu 2026), Díli– Polísia Sientífika Investigasaun Kriminál (PCIC), Tersa (14/07/2026), kontinua halo operasuan no identifikasaun hodi  detein tan siuspeitu na’in-27, maioria sidadaun estranjeiru iha área Femento-II, Díli.

Lee Mós: Kazu Scam Call Centre Bebonuk, Tribunál Aplika Médida Kausaun US$3000 ho Proibuisaun Aujénsia Bá Arguidu Na’in-96

PCIC detein tan suspeitu na’in-26 husi Xina iha área Fomento II, Díli, Tersa (14/07/2026). Foto/Marcelino Tomae

Operasaun PCIC  nian ne’ebé lidera Xefi Investigadór Octávio da Costa Araújo ho Investigadór Dedi Álvaro da Silva,  hahú tuku 02:00  Madrugada, Otl, konsege indentifika  no detein tan sidadaun estranjeiru ho nasionalidade  Xina na’in-28 iha Fomento II tanba deskonfia  hala’o atividade jogu Online Scam Call Centre.

Durante operasaun ne’e PCIC  halo apreensaun  bá objetu sira hanesan Telefoni, Laptop, telemovel. Tanba ne’e PCIC, sira sei  prepara  autos,  hodi aprezenta bá Ministériu Públiku.

Operasaun ne’e hanesan parte husi investigasaun no esforsu autoridade  PCIC sira atu  kontra rede krime organizadu transnasionál ne’ebé deskonfia hala’o atividade burla informátika no scam call centre iha teritoriu nasionál.

Detensaun ida-ne’e sai hanesan kontinidade husi operasaun sira uluk ne’ebé autoridade seguransa hala’o iha Tibar, Metiaut, Manleuana no Bebonuk, hodi kombate krime transnasionál ne’ebé liga ho burla informátika no atividade scam call centre.

Sidadaun Xinés sira  ne’ebé deskomfia prátika  jogu Ilísitiu iha Timor, maioria envolve atvidade hanesan iha Myanmar, Kamboja, no Laos.

Atividade Scam Call Centre (sentru xamada nian ne’ebé lohi ema) no Scamming Gaming Online (jogu online hodi lohi osan) la’ós mosu derpenti de’it. Maibé,  evolusiona husi istória naruk tebes iha mundu kriminál internasionál no  mós infiltra ona kazu sira-ne’e iha Timor-Leste, hahú husi Rejiaun Administrativu Espesiál Oé-cuse Ambenu (RAEOA) hakat to’o iha mai iha Dili.

Jornalista:Marcelino Tomae