Hatutan.com, (16 Jullu 2026), Díli–  Primeiru Ministru (PM), Xanana Gusmão, kontinua husu jornalista sira atu mellora didiak sira-nia kbiit análize hodi fó sai informasaun ka notísia ida kle’an no rigór.

PM Kay Rala Xanana Gusmão. Foto/Média GPM

PM Xanan hato’o lia hirak ne’e, Kinta (16/07/2026), bainhira responde pergunta jornalisra sira-nian kona-bá atividade ilísitu scam call centre ne’ebé semana rua ikus ne’e polísia sira dezmantela no detein ona suspeitu kueze na’in-200 ne’ebé maioria sidadaun estranjeiru ho nasionalidade Xina no Indonézia.

“Jogu online  illegal. Ita boot sira Jornalista  maka fó sai notísia kona-bá jogu online iha Timor tomak, akontese ona saída, se ida-ne’e mós maka atu prevene,  ne’e sei iha enkontru públiku, husu bá ha’u atu husu bá imi (Jornalista) atu mellora imi nia kbiit análize,  imi nia nia kapasidade imforma, tanba iha ne’ebá dehan katak  sei enkontru hela ho  Embaixada Indonézia, depois imi tau iha ne’ebá depois akontese tan, ne’e katak atu reforsa Servisu Intelijénsia,”  PM Xanana hatan.

PM Xanana afirma katak, atu kombate jogu ilísitu Scam Call Centre no jogu Online Scaming ilegál,  presiza hametin servisu  Intelijénsia,  tanba iha ona desizaun polítika, Governu taka tiha ona atividade sira ne’e kleur ona.

“Ita sei hametin intelijénsia, tanba iha ona desizaun kona-bá polítika ne’e; ami taka tiha ona balun iha ne’e no balun iha ne’ebá. No agora ida-ne’e akontese tan, ne’ebé signifika ita presiza hametin seguransa no kontinua kaer sira,” Xanana afirma.

Jornalista: Marcelino Tomae