Hatutan.com (10 Setembru 2026), Díli—Durante tinan 2025-2026, autoridade Timor-Leste halo esforsu hodi identifika no desmantela ona atividade ilísitu scam call centre iha  teritóriu Timor-Leste no detein ona suspeitu sira hamutuk na’in-616.

Polísia dezmantela no detein suspeitu sira kazu scam call centre iha Ulmera, foin lalais ne’e. Foto/Dok.

Iha 13 Novembru 2025, Autoridade Polísial detein ema na’in-hitu (7) maioria sidadaun Xina iha Dragon Lottery, Dili, deskonfia prátika jogu ilísitiu Scam Call Centre.

Iha loron 26 Agostu  2025  autorodade sira husi Polísia Sintifika Investigasaun Kriminál (PCIC) ho Servisu Nasionál Intelijénsia (SNI) halo detensaun  bá grupu rede Scam Call Centre ho suspeitu sidadaun estranjeiru na’in-10     kompostu husi sidadaun estranjeiru ho nasionalidade Xina na’in-ualu (8),  Indonéziu na’in-ida (1) ho sidadaun Malázia na’in-ida (1)

Iha 20 Janeiru 2026,  Servisu  Investigasaun Kriminál (SIK) kapta suspeitu na’in- neen (6) sidadaun estranjeiru ne’ebé uza uma aluga hodi halo scam call centre iha Bairro Grilos, Díli.

Iha 03 Marsu 2026, Operasaun jogu online ilegál PNTL  detén suspeitu hamutuk na’in-26  sidadaun Xinés  iha  Colmera.

Iha 12 Maiu 2026, Polísia halo serku ba uma-boot ida no kaptura suspeitu na’in-16 iha  Metiaut, Postu Administrativu Cristo Rei.

Iha 27 Juñu 2026, sidadaun estranjeiru  na’in-61 maioria ho nasionalidade Indonézia iha Tibar, Munisípiu Liquiça,.

Iha 09 Jullu 2026,  DSIK dezmantela rezidénsia ida iha Meti-Aut, Díli no detein na’in-24 suspeita bá atividade jogu ilísitu Scam Call Centre

Operasaun husi loron 10 to’o 17 Jullu 2026, PNTL no PCIC  halo operasaun no desmantela inklui halo kapturasaun ba suspeitu sira iha Otél City-8 iha Suku Manleuana,  iha Bebonuk, iha Kampung Baru, Comoro, no Bedois hodi detein  ema hamutuk  405 ne’ebé deskonfia envolve iha atividade Scam call Centre

Iha 21 Jullu 2026, Autoridade halo Operasaun iha Aldeia Ailok Laran, Suku Hera hodi asegura sidadaun estranjeiru na’in-21 suspeita  jogu ilísitu Scam Call Centre.

26 Juñu 2026, PNTL sobu scam centre iha Otél ida besik Rotunda Tibar, Liquiça no detein sidadaun estranjeiru na’in-61 suspeita bá atividade ilegál Scam Call Centre.

26 Agostu 2026,  pperasaun iha Aldeia Carungulau, Suku Meti-Aut área Cristo Rei  detein  mós sidadaun estranjeiru na’in-16

Iha loron 02 Setembru tinan ne’e, PNTL detein sidadaun estranjeiru  ho nasionalidade Xina na’in-neen (6) iha Otél California Metiaut.   Iha loron tuir mai, 03  Setembru, detein tan na’in-neen (6)  iha Otél Diamond Villa

Iha loron 09  Setembru 2026,  Polísia Nasionál Timor-Leste liuhusi Diresau  Servisu Investigasaun Kriminál detein sidadaun estranjeiru na’in 12, kompostu  husi Xinés na’in-ualu   ho  Taiwan na’in-haat. (*)