Reportajen: Felix Fernandes

Hatutan.com, ( 21 de Setembru 2026), Díli— Komisaun Anti Korupsaun (CAC, sigla portugés), Segunda (21/9/2026), iha Sentru Formasaun PNTL iha Comoro, Díli,  asina akordu kooperasaun ho Polísia Nasionál  Timor-Leste (PNTL) hodi fasilita formasaun téknika ba investigadór CAC nian.  

Komisáriu CAC, Rui Pereira do Santos asina akordu ho Komandante Jerál PNTL, Komisáriu Asistente Polísia Afonso dos Santos, Segunda (21/9/2026). Foto/Hatutan.com

Komisáriu CAC, Rui  Pereira do Santos,   hateten akordu kooperasaun hanesan meius servisu hamutuk entre instituisaun rua atu fasilita formasaun   fizika no téknika ba investigadór CAC bianhira halo atuasaun relativa ho investigasaun no prevensaun korrupsaun.

Komisáriu CAC ne’e afirma, CAC mós presiza  formasaun no matenek sira husi PNTL atu presiza kompleta atuasaun no servisu CAC nian hanesan mór órgaun polisiál  ba investigasaun no preensaun aktu korrupsaun iha Timor-Leste. 

Nia hatutan CAC presiza   hetan formasaun hanesan orgaun polisiál tuir kompensia no natureza CAC nian.

Reprezentante Komadante  Jerál PNTL, Armando  Monteiro, haktuir PNTL sei fó formasaun ba investigadór na’in-27 husi CAC ho durasaun tempu durante semana ida.

Matéria sira formasaun nian mak   tátika polisiál 20 % mai husi teoria no 80% halai liu prátika

Polísia Nasionál Timor-Leste mós fó apoiu kona-bá atividade no operasaun CAC nian bainhira simu delegasaun kompetensia husi autoridade judisariu nian PNTL sempre iha kordenasaun  husi Nivel nasionál to Nivel Munisípiu bele halao operasaun ho di’ak. (*)