Hatutan.com, (9 Outubru 2026), Belu—Autoridade militár Repúblika Indonézia  (TNI/Tentara Nasional Indonesia) ne’ebé destaka iha fronteira terrestre Repúblika Indonézia ho Timor-Leste iha Postu Integradu Mota’ain,  halo apreensaun ba bebida ho marka coca-cola kaixa 50 ne’ebé atu hatama illegal  mai teritóriu Timor-Leste.

TNI halo apreensuan ba bebida ho marka coca-cola Kaila 50 ne’ebé atu hatama ilegál mai Timor-Leste, Kinta-kalan (8/10/2026). Foto/supply

Kontribuidór Hatutan.com husi District Belu, Nusa Tenggara Timur (NTT)-Indonézia, relata katak bebida illegal sira ne’e atu hatama liu husi Silawan, Postu Administrativu Tasifeto, Distritu Belu, Provínsia Nusa Tenggara Timur (NTT).  

Liu husi atividade patrullamentu iha Kinta-kalan (8/10/2026), hale’u tuku 20:15 oras indonézia nian iha Postu Integradu Mota’ain, autoridade Indonézia nian nota katak iha movimentu ne’ebé deskonfia atividade ilegál, nune’e autoridade Indonézia nian kompostu husi ema na’in-lima  bá halo kedas verifikasaun no koloka alvu operasaun.

Rona katak autoridade sira halo hela patrullamentu, maka  sasán na’in ka ema deskoñesidu halai soe hela sasán ne’ebé sira lori atu halo tranzasaun illegal liu husi dalan tikus  iha diresaun tasi nian.

Tenente Koronél (Letkol) Arh Rudi Afrika ne’ebé komanda TNI iha Postu Integradu Indonézia iha Mota’ain, informa katak  operasuan ne’e konsege halo apreensaun ba bebida ho marka Coca-Cola kaixa 50 tanba autpridade sira  atentu tebes hala’o patrullamentu, inklui mós abilidade hodi deteta atividade illegal sira ne’ebé infiltra iha fronteira terrestre Indonézia ho Timor-Leste. (*)