Hatutan.com, (16 Novembru 2022), Díli—Prezidente Repúblika (PR), José Ramos-Horta promulga ona dekretu lei Nú. 37/2022 kona-bá subsídiu anuál $200 ba ema vulnerável no sira ne’ebé ho rendimentu kiik liu $500 kada fulan.

Antes ne’e, governu deklara sei atribui subsídiu universál ba uma-ka’in hotu iha territóriu nasionál maibé hafoin rona opiniaun hosi Xefe Estadu no sosiedade sivíl, ikus mai governu halo alterasaun ba dekrtu lei Nú. 37/2022 hodi atribui de’it ba familia vulnerável no família sira ne’ebé nia rendimentu menus husi $500 kada fulan.

Lee Mós: Ramos-Horta Sei Husu Altera Dekretu Lei Subsídiu $200

Advertisement

“Ha’u kontente Governu rona sosiédade sivil, rona ema hotu-hotu, rona ha’u rasik atu fó de’it ba família ne’ebé iha duni difikuldade no vulnerável inklui mós sira ne’ebé nia rendimentu familiár menus hosi $500. Ha’u konkorda familia ne’ebé kiak menus $500 ita tenke buka ajuda. Tanba ne’e Dekretu lei subsídiu anuál ba uma-ka’in ne’e promulga tiha ona iha loron ruma liu bá,” Ramos-Horta hateten iha Sentru Bambu Tibar, Kuarta (16/11/2022).

Razaun fó prioridade ba familia vulnerável sira tanba folin produtu, importasaun sa’e hotu, ne’ebé sira ne’ebé manán menus $500 bele simu apoiu ruma no ida ne’e mak hotu-hotu konkorda.

Jornalista: Vito Salvadór

Advertisement