Hatutan.com, (13 Dezembru 2022), Díli—Membru FALINTIL-Forsa Defeza Timor-Leste (F-FDTL) na’in-25, iha Tersa 12 dezembru 2022, konklui ona kursu nível Kapitaun nian iha Sentru Formasaun no Treinu (CFT) Metinaro, Díli.

Membru FALINTIL-Forsa Defeza Timor-Leste (F-FDTL) na’in-25, iha Tersa 12 dezembru 2022, konklui ona kursu nível Kapitaun nian iha Sentru Formasaun no Treinu (CFT) Metinaro, Díli, (12/12/2022). Foto/F-FDTL.

Kapitaun Fragata João da Silva kongratula membru na’in-25 ne’e tanba ho esforsu hotu ne’ebé  sira iha, bele atinji objetivu ne’ebé ohin loron ofisialmente konklui ona sira nia formasaun.

Lee Mós: Orsamentu 2023 bá F-FDTL ho PNTL Pasa Unanimidade Iha PN

“Ida-ne’e hanesan preparasaun hosi Tenente bá Kapitaun. Tanba ne’e, kada mudansa sempre iha kursu atu passa kuandu hakat bá oin sira bele hatene ona saida mak bele halo. Ne’e relasiona ho hirarkia militár no kursu ne’e sempre hala’o atu bele komanda karik bele hatene ona saida mak atu bele halo,” Hatutan.com sita deklarasaun Kapitaun Fragata João da Silva, iha komunikadu.

Kapitaun Fragata João da Silva dehan, maski membru sira ne’e hasai ona kursu bá kapitaun, maibé iha lei militár esplika katak, atu hala’o promosaun tenke diskute iha Konsellu Promosaun nian, ida ne’ebé mak sei lidera hosi Prezidente Konsellu Promosaun ne’ebé sei dirije hosi Xefe Estadu Maior F-FDTL, hafoin halo despaixu autorizasaun.

“Normalmente konsellu promosaun iha militár diskute tinan-ida dala-ida iha Fulan Outubru. Maibé Tinan ida-ne’e ita la konsege halo mak ita muda mai iha fulan Dezembru,” nia hateten tán.

Atu sai militár ida ho kapasidade profisionál, membru sira tenke iha kursu, liuhosi treinu no tenke kapasita an bebeik.

Kursu ida-ne’e, la’ós to’o iha ne’e de’it, maibé sei iha mós kursu Ofisiais Superior, kursu  Estadu Maior, kursu Estadu Maiór Konjuntu no ikus liu mak kursu Jenerais.

Enkuantu membru na’in-25 ne’ebé mak konklui ona sira nia kursu formasaun nível kapitaun ne’e mak hanesan, Segundu Tenente Melkiades Laot ho Segundu Tenente Manuel Guterres Soares, hosi Komponente Navál, Segundu Tenente Simão Cireno dos Santos Soares, hosi Unidade Falintil.

Tenente Aleixo Verdial Almdeia, hosi Komponente Aéreo, Tenente Jonats Filomino A. Martins Long, hosi unidade Quartel Jenerál, Segundu Tenente Nelson Francisco Correia, hosi Komponente Navál.

Tenente Noémio António Guterres Sequeira, hosi Unidade Apoiu Servisu, Tenente Gaspár da Silva Ximenes, Komponente Terrestre, Tenente Abílio Marques Cabral, hosi CICNL.

Segundu Tenente Jerónimo Pascual da Cruz, hosi Komponente Navál, José Andrade da Costa, hosi Unidade Apoiu Servisu, Tenente Natalino Monteiro, hosi unidade Kuartel Jenerál.

Tenente Baldino Julião António Martins, Komponente Terreste, Tenente Euríco Brás Freitas, hosi CICNL, Tenente Agostinho Nunes da Silva, hosi unidade Quartel Jenerál.

Tenente Salvadór Menezes de Deus, Tenente Domingos Pinto Fernão, Tenente Tito Domingos Guterres, hosi unidade Quartel Jenerál.

Tenente Anacleto dos Santos, Tenente Rufino Lima, hosi unidade Quartel Jenerál, no Tenente Pancrácio Ramalho, hosi Unidade Apoiu Servisu.

Tenente Avantino Virgílio da Costa Sarmento, hosi CICNL, Tenente João da Costa, hosi unidade Quartel Jenerál, Tenente Germano Nessa Soares, hosi Komponente Terrestre, no Tenente Paulo Soares Baptista Gago, hosi CICNL.        

Jornalista: Rogério Pereira Cárceres