Polítika
Austrália-Uniaun Europeia Sei Oferese Millaun $11 Atu Prepara Adezaun Totál TL Bá ASEAN
Hatutan.com, (10 Abríl 2023), Díli—Nasaun Austrália ho Uniaun Europeia komprometidu sei oferese millaun $11 bá Timor Leste (TL) atu apoia liu tán TL hodi bele sai membru 11 iha organizasaun rejionál Association of South East Asean Nation (ASEAN).
Ministra Negósiu Estranjeiru no Kooperasaun (MNEK), Adaljiza dos Reis Magno hamutuk ho Diresaun Jerál bá Asuntu ASEAN nian, hala’o reuniaun ho parseiru dezenvolvimentu sira kona-bá “Timor-Leste nia integrasaun bá Komunidade ASEAN” iha Auditóriu Kay Rala Xanana Gusmão, iha Ministériu Finansas (MF), Ai-tarak laran, Díli, Segunda (10/04/2023). Foto/Elio dos Santos da Costa.
Apoiu ne’e tanba Austrália ho Uniaun Europeia durante ne’e sempre sai hanesan parseiru di’ak bá TL nia dezenvolvimentu iha área oioin.
Lee Mós: ASEAN Simu Ona Submisaun TL, Ramos-Horta ho Órgaun Soberania Sira Prepara Pré-deklarasaun
Ministra Negósiu Estranjeiru no Kooperasaun (MNEK), Adaljiza dos Reis Magno hato’o asuntu ne’e hafoin hamutuk ho Diresaun Jerál bá Asuntu ASEAN nian hala’o reuniaun ho parseiru dezenvolvimentu sira kona-bá “Timor-Leste nia integrasaun bá Komunidade ASEAN” iha Auditóriu Kay Rala Xanana Gusmão iha Ministériu Finansas (MF), Ai-tarak laran, Díli, Segunda (10/04/2023).
“Aprezentasaun ida-ne’e kona-bá gap, nomós desire outcome. Rezultadu saida mak TL hakarak hetan asisténsia hosi parseiru dezenvolvimentu sira. Tanba-ne’e, Austrália komprometidu atu ajuda millaun $8 no Uniaun Europeia atu ajuda millaun $3,” Adaljiza dos Reis Magno hateten.
Adaljiza dos Reis Magno esplika, sorumutu ida-ne’e akontese tanba hahú kedan iha fulan-novembru 2022, País membru ASEAN sira deklara ho komprometidu katak, sira admite Timor-Leste sai membru ASEAN bá 11.
Nune’e, Governu liuhosi MNEK hanoin kedan atu mobiliza rekursu ne’ebé TL iha, nomós hosi parseiru dezenvolvimentu sira ne’ebé iha ona kompromísu atu ajuda Timor Leste, atu bele prepara aan di’ak liu tán hodi sai membru ASEAN nian iha futuru.
Ministra Negósiu Estranjeiru no Kooperasaun (MNEK), Adaljiza dos Reis Magno.
“Tanba mós ezijénsia iha rai-laran atu identifika ita-nia nesesidade, saida mak ita presiza hosi parseiru dezenvolvimentu sira nune’e sira hakarak hatene saida mak bele ajuda hodi prepara ita-nia rain di’ak liután atu sai membru ASEAN. Ita organiza reuniaun ne’e atu bele tuur hamutuk, diskute atu fó informasaun bá malu kona-bá saida mak ita persiza hosi parseiru dezenvolvimentu sira,” Ministra esplika.
Área espesiliadade tolu ne’ebé ekipa Diresaun Jerál bá Asuntu ASEAN nian aprezenta bá parseiru dezenvolvimentu sira mak hanesan, asuntu Sósiu-kulturál, Polítika Seguransa, nomós ASEAN Economic Community.
“Sira mós hakarak hatene, área ne’ebé mak sira bele ajuda tanba ita halo reuniaun ida ne’e hodi halo aprezentasaun ida mais detallu, iha kada setór ne’e, kada pílares ne’e hodi sira identifika, nomós halo kompromísiu bá ita, oinsa ajuda tuir ita-nia prióridade,” Adaljiza hateten tán.
MNEK fó ezemplu katak, iha asuntu Sósiu-kulturál ninian mak hanesan bá ema ho defisiénsia sira, direitu labarik sira nian, direitu feto sira-nian.
Kona-bá Politika Seguransa nian, halo armonizasaun bá akordu oioin, iha komérsiu nian oinsá polítika komérsiu ne’ebé mak iha TL armoniza buat hothotu.
“Uluk kuandu laiha armonizasaun, ita adopta tuir nesesidade Timor. Maibé agora ita tuir nesesidade sai membru ASEAN no polítika ASEAN tanba ita integra an ona, integrasaun totál bá bloku rejionál ASEAN ne’e,” Adaljiza esplika tán.
Jornalista: Rogério Pereira Cárceres
Polítika
FRETILIN Rekomenda Transforma Espasu Públiku Ne’ebé SEATOU Halo Evikasaun Hodi Kontribui Bá Reseita Estadu
Liberdade Imprensa iha TL “SIM”, Maibé Kualidade Notísia “NĀO”
Conselho Imprensa La Tolera Intervensaun Podér Polítika iha Independénsia Editoriál
Unidade Quarentena no Bioseguransa Destroi Produtu Ne’ebé Laiha Dokumentu
Labele Halo Intervensaun Bá Independénsia Redasaun Mídia Sira
Jornalista Tenke Hala’o Knaar ho Responsabilidade Hodi Salva Planeta Ne’e Hosi Mudansa Klimátika
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Dili1 week agoEspasu Ne’ebé SEATOU Sobu Sei Halo Jardín
-
Nasionál7 days agoSei Foti Hotu Veíkulu Estadu Ne’ebé Estasiona iha Kargu Xefia Sira-Nia Uma
-
Defeza & Seguransa3 days agoTenente Jenerál Falur Mak Orienta Polísia Militár Asegura SEATOU iha Terrenu
-
Dili5 days agoEleisaun Órgaun Suku iha Madohi ho Bebonuk Hakat Bá Segunda Volta
-
Polítika1 week agoSEATOU Halo Evikasaun Tanba Simu Orden
-
Dili1 week agoAPC Sei Instala Postu Bombeiru Hitu iha Área Protejida Sira no Rekruta Kadete Na’in-146
-
Dili1 week agoUma-Kain 40 iha Bidau Santa-Ana Ne’ebé Hetan Evikasaun Seidauk Simu Indenizasaun
-
Opiniaun3 days agoANALIZA KONABA EVIKSAUN HOSI ASPEKTU FILOSOFIA HUMANU