Connect with us
Pakote Ahi

Polítika

Prezidente Repúblika Klarifika Partisipasaun iha Konsolidasaun CNRT no Utiliza Patrimóniu Estadu

Published

on

Hatutan.com, (11 Abríl 2023), Díli- Prezidente Repúblika (PR), José Ramos-Horta, klarifika katak nia la bá partisipa iha atividade konsolidasaun partidu CNRT  nian iha Baucau, maibé nia bá Baucau, liuliu Postu Administrativu Laga, hodi hato’o agradesimentu bá nia apoiante sira ne’ebé servisu maka’as hodi lori nia manan iha eleisaun prezidensiál. 

Lee Mós : Prezidente Repúblika Sei Harii Rasik Sentru Saúde iha Suku Laicore

Foto ne’e mak virál iha mídia sosiál Facebook hodi hatudu PR Ramos-Horta kaer liman ho kuadru partidu CNRT nian, foin lalais ne’e, iha Munisípiu Baucau. Foto/Foti hosi Facebook

Partisipasaun Prezidente Repúblika iha serímonia agradesimentu ne’ebé hatudu mós kaudru partidu CNRT ho atributu partidu CNRT nian iha Munisípiu Baucau  ne’e konsege viral  iha mídia sosiál Facebook no hamosu espekulasaun polítiku oioin. Balun, dehan, Prezidente Repúblika viola ona Konstituisaun no balun fali akuza Prezidente Repúblika hatudu nia an hanesan ema partidu CNRT nian.

Prezidente Repúblika, José Ramos-Horta hateten, públiku la kestiona nia atividade agradesimentu ne’e, maibé parte balun de’it ne’ebé mai ho intensaun polítika ka polítiku balun mak kestiona.

Advertisement

“Ha’u la bá kampaña, ha’u bá vizita Baucau tamba ha’u iha apoiante barak iha Baucau, desde iha ha’u nia primeiru mandatu Prezidente Repúblika iha Baucau-Laga apoiantes barak no ha’u maka hakarak bá tamba tinan ida besik ona, há’u la ba agradese sira,” Prezidente Repúblika José Ramos-Horta  hatán jornalista sira iha Sentru Konvensaun Díli, Tersa (11/04/2023).

Xefe Estadu sublina enkontru iha Baucau la’ós bolu konsolidasaun partidu CNRT nian, sira halo agradesimentu, maibé maun bo’ot Kay Rala Xanana Gusmão mós la mosu iha ne’ebá tamba iha ne’ebá iha ema hosi partidu FRETILIN, PLP no mós partidu sira seluk ne’ebé durante kampaña fó apoiu bá nia iha eleisaun Prezidensiál.

 “Polítiku balun mak preokupa no kestiona hau nia prezensa iha Baucau bá halo saida? Keta ba doko karik sira nia knuuk iha ne’ebá, maibé atu hateten buat loos katak há’u bá agradese de’it apoiantes sira, pasiar iha vila laran, sosa komunidade sira nia produtu modo, ai-fuan iha zona aeroportu nian para kareta no sosa produtu komunidade sira nian no nakonu iha karreta kiik ne’e,” Ramos-Horta hateten.

Kona-bá karreta estadu hosi Palásiu Prezidensiál ne’ebé tula atributu partidu CNRT,  Xefe Estadu hateten, nia  haree ona iha video ida, iha kamizola oan rua ka tolu iha karreta laran no nia  mós haree iha video seluk ida partidu KHUNTO nian ho karreta Estadu halo kampaña.

“Sira ne’ebé hakilar kona-bá kamizola partidu CNRT nian iha karreta Prezidénsia Repúblika nian ha’u ezije ona investigasaun, maibé sira ne’ebé hakilar kona-bá kamizola CNRT nian iha karreta Prezidénsia nian la hakilar kona-bá karreta estadu ne’ebé partidu KHUNTO utiliza ba halo kampaña ne’e,” Ramos-Horta hateten.

Advertisement

Ramos-Horta afirma oorientasaun klaru no halo tiha ona, se mak viola regra patrimóniu Estadu bá kampaña ka privadu sei responsabiliza no sei fó sansaun.

Jornalista: Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

Prezidente Repúblika Rona Opiniaun Hosi Luís Sampaio Kona-bá Papél CAC

Published

on

Hatutan.com, (15 Abríl 2024), Díli—Prezidente Repúblika (PR), José Ramos-Horta hala’o enkontru ho eis Adjuntu Komisáriu Comissão Anti Corrupção (CAC), Luís Sampaio hodi rona opiniaun kona-bá servisu no papél sira CAC nian, segunda (15/04/2024).

(more…)

Kontinua Le'e

Polítika

FRETILIN Husu MF Klarifika bá PM Xanana Ne’ebé Sempre Preokupa ho Osan Estadu Lakon

Published

on

Hatutan.com, (15 Abríl 2024), Díli—Deputadu bankada FRETILIN Antoninho Bianco husu Ministériu Finansa (MF) atu halo klarifikasaun bá Primeiru Ministru (PM), Kay Rala Xanana Gusmão ne’ebé sempre deklara iha diskursu sira kona-bá orsamentu Estadu ho montante hosi millaun $30 to’o millaun $40 lakon.

(more…)

Kontinua Le'e

Polítika

CNRT Husu Halo Auditoria bá INSS

Published

on

Hatutan.com, (15 Abril 2024), Díli—Xefe bankada CNRT, deputadu Duarte Nunes husu atu halo auditoria urjente bá Institutu Nasionál Seguransa Sosiál (INSS) ne’ebé durante ne’e laiha relatóriu hodi aprezenta bá Ministériu Finansas (MF).

(more…)

Kontinua Le'e
Advertisement

Trending