Hatutan.com, (08 Setembru 2023), Díli—Prezidente Repúblika (PR), José Ramos-Horta aprova ona pedidu hosi Primeiru-Ministru (PM) Kay Rala Xanana Gusmao ba ezonerasaun Vise-Ministru Finansas, Helder Lopes atu assume hikas kargu Governadór Banco Centrál Timor Leste (BCTL).

Ezonerasaun ne’e bazeia bá Dekretu Prezidente Repúblika 2023/kona-bá ezonerasaun Vise Ministru Finansas IX Governu Konstitusionál hosi ninia kargu.

Lee Mós: Nomeia bá Governadór BCTL, Vise-Ministru Finansas Helder Lopes Sei Hein Dokumentu Ofisiál

Dekretu ne’e assinadu hosi Xefe Estadu iha 07 Setembru tinan 2023 no tama vigór iha data publikasaun ne’e.

Tuir planu, Helder Lopes sei simu posse iha Kuarta, 13 Setembru tinan ne’e hodi troka Governadór BCTL sesante Abrão de Vasconcelos.  

Jornalista: Vito Salvadór