Nasionál

Prezidente Repúblika ho CCI-TL Diskute Dezafiu Investimentu iha TL

Published

2 years ago

16/04/2024

hatutan

Hatutan.com, (16 Abríl 2024), Díli— Prezidente Repúblika (PR), José Ramos-Horta hamutuk ho Câmara Comercio Indústria Timor-Leste (CCI-TL) hala’o diskusaun kona-bá dezafiu investimentu iha Timor-Leste liuliu liga ho lejislasaun sira.

Prezidente Repúblika (PR), José Ramos-Horta hamutuk ho Câmara Comercio Indústria Timor-Leste (CCI-TL) hala’o diskusaun kona-bá dezafiu investimentu iha Timor-Leste liuliu liga ho lejislasaun sira, iha Palásiu Prezidensiál Nicolau Lobato Bairru-Pité, tersa (16/04/2024). Foto: Média PR.

Prezidente CCI-TL, Jorge Manuel de Araújo Serrano hateten, enkontru ida-ne’e realiza tanba pedidu hosi Prezidente Repúblika ne’ebé hakarak atu rona hanoin hosi seitór privadu no emprezáriu sira kona-bá partisipasaun iha dezenvolvimentu nasionál, dezafiu saida mak emprezáriu sira hasoru, problema, progressu iha dezenvolvimentu ekonomia no ligasaun seitór privadu sira nian ho Organizasaun Mundiál Komérsiu (OMK), Association of Southeast Asian Nation (ASEAN) no Comunidade dos Paises de Lingua Portuguesa (CPLP).

Lee Mós: CCI-TL Tenke Konsentra Nia Papél Promove Interese Setór Privadu

“Ami ko’alia kona-bá dezafiu bá investimentu iha Timor-Leste liga ho lejislasaun sira, iha problema balun ne’ebé ohin Xefe Estadu ko’alia di’ak loos kona-bá polítika protesaun no mós barreira sira ne’ebé implika investór estranjeiru no mós nasionál atu bele halo investimentu,” Jorge Serrano hateten hafoin sorumutu iha Palásiu Prezidensiál Nicolau Lobato Bairru-Pité, tersa (16/04/2024).

Nia dehan, Prezidente Repúblika hatene di’ak kona-bá problema lejislasaun sira ne’e, tanba ne’e ohin iha diskusaun ne’e troka ideia no iha informasaun natón atu bele ajuda CCI-TL hodi komunika ho autoridade kompetente sira hodi solusiona problema lejislasaun ne’ebé sai dezafiu bá investór sira iha Timor Leste.

Nia informa katak, enkontru ne’e furak tebtebes, Xefe Estadu rona CCI-TL nia hanoin no parte CCI-TL mós rona Xefe Estadu nia preokupasaun sira, diskusaun sira la sai hosi kontestu Timor Leste nian ne’ebé hotu-hotu preokupa tanba hakarak hadi’a rai ida-ne’e, atu kontribui ba fó empregu, motiva investimentu no hasa’e produsaun iha rai laran, nune’e bele iha sustentabilidade ekonomia.

Jornalista: Vito Salvadór

Related Topics:Prezidente Repúblika ho CCI-TL Diskute Dezafiu Investimentu iha TL

Up Next

Projetu Reabilitasaun Estrada iha Díli Laran “La Obedese” bá Prinsípiu Transparénsia

Don't Miss

Estátua ho Marmóre Tenke Sosa iha Portugál, Prejudika Konstrusaun Monumentu Memoriál Masakre Santa Krús

Click to comment

Nasionál

Posibilidade Timor-Leste Enfrenta Diminui Asesu Eletrisidade Oras Neen Kada Loron

Published

2 weeks ago

02/04/2026

hatutan

Hatutan.com, (02 Abríl 2026) Díli– Posibilidade Governu Timor-Leste sei diminui ka hamate asesu ba naroman eletrisidade kada loron iha oras neen, husi tuku tuku 5:00 matrudaga to’o de’it tuku 23:00 Otl.

(more…)

Nasionál

Ida-Ne’e Mak Mensajen Dom Virgílio Kardeál Ba Pakua 2026

Published

2 weeks ago

01/04/2026

hatutan

Hatutan.com, (01 Abríl 2026), Díli– Amu-Bispu Arkidioseze Metropolitana Dili nian, Dom Virgílio Kardeál do Carmo da Silva, SDB, Kuarta (01/04/2026), hato’o feliz paskua festa ba ida ne’ebé bo’ot liu hotu iha Kreda Katólika tanba sarani sira komemora Jesus Kristu nia resorisaun.

(more…)

Nasionál

Promosaun Diviza Julia da Gama “Demoradu” Bazeia Ba Despaixu Ministru Interiór La’ós Komandu Jerál PNTL

Published

2 weeks ago

27/03/2026

hatutan

Hatutan.com, (27 Marsu 2026), Díli-Eis Komandante Jerál Polísia Nasionál Timor-Leste (PNTL), Komisáriu Henrique da Costa, klarifika, despaixu ba Superintendente Polísia Julia da Gama nia promosaun diviza ba Superitendente-Xefe “demoradu” bazeia ba despaixu husi Ministru Interiór (MI), Francisco da Costa Guterres.

(more…)