Hatutan.com, (16 Maiu 2024), Díli—Primeiru Ministru (PM), Kay Rrala Xanana Gusmão husu atu keta hakfokdak ho índise liberdade imprensa   Timor-Leste nian tuun hosi pozisaun TOP 10 20 iha nivel mundiál.

Lee Mós: Índise Liberdade Imprensa Mundiál 2023, TL Okupa Númeru 10 Hosi Nasaun 180

PM Xanana Gusmão. Foto/Tome da Silva

Xanana Gusmão, husu ba jornalista no mídia sira atu labele hare deit bá problema ida-ne’e, maibé haree mós problema seluk nune’e labele hanoin barak no hakfodak.

“Ne’ebe buat barak, ne’ebe kuandu hanoin kona-bá ita-nia problema sira-ne’e imi mós buka tok, loke matan, haree mundu, la’ós atu justifika dehan katak ita diak liu, lae, ita tenke halo, mas lalika hakfodak lalika stres, ita la fó ezemplu, mas ita labele hakfokdak ohin tun ona husi 10 bá iha 20, ne’e hanusa mak ida-ne’e, ida-ne’e hanoin ne’e iha kuartu laran, Mais ses uitoan, haree bá mundu,” Xanana hateten bá jornalista sira iha Palásiu Prezidensiál, Kinta (16/05/2024).

Xanana hateten kuitadu bá preokupante sira ne’ebe preokupa dehan índise ka index  liberdade imprensa antes iha numeru 10 tun bá 20 tanba sei nasaun bo’ot barak ne’ebe mak hola parte hotu iha numeru ne’e.

“Fransa iha pozisaun 21 tuir kedas ita nian. Grain Britain, Reinu Unidu (UK) 26, España 30, Austria 32, Austrália 39, Italia 46, Estadus Uunidus Amérika (EUA) 55, iha liu ita-nia okos, ne’ebe balun preokupa dehan Governu kala halo tiha buat ruma proibi ona iha imprensa labele kritika Governu ne’e mak buat ne’e tun, kuitadu, sira ne’ebe kritika ne’e dehan bá sira imi mak hasai buat sira ne’e hotu,” Xanana hateten.

Xanana husu atu halo kalkulasaun took tanba iha nasaun bo’ot barak ne’ebe tuir loos hanorin kona-bá liberdade imprensa, maibe hola parte hotu iha índise  tuun, numeru ne’e hotu, nune’e signifika katak Timor-Leste la at lu iha mundu

Xanana mós relata katak iha nasaun CPLP ne’ebe mak hola parte iha numeru refere mak hanesan Portugal hosi 9 sa’e bá 7, Timor Leste husi 10 tuun bá 20, Cabo Verde 41, Brazil 82, Guine Bisau 92, Angola 104, Mosambique 105, Guine Conte-Real 127.

“Kona-bá ASEAN, ita ladiak liu, mas ita atu dehan iha ASEAN ne’ebe ita atu tama Timor-Leste 20, Tailandia 87, Malazia 107, Indonesia 111, Brunei Darusallam 117, Singapura 126, Filipina 134, Kambodia 151, Laos 153, Vietnam 154, Myanmar la presiza atu temi tan,” Xanana haktuir.

Lee Mós: Prezidente Repúblika La Konkorda SEKOMS Intervein Redasaun RTTL,E.P

Jornalista : Leopoldina de Carvalho