Hatutan.com, (16 Maiu 2024), Díli– Parlamentu Nasionál (PN) liuhusi Sekretária Meza Parlamentár, Deputada Virgina Ana Belo, informa rezultadu reuniaun bankada, deside sei halo plenária estraordinária iha  Kuarta,  22 fulan-Maiu 2024, hodi bolu Ministra Saúde (MS), Élia A.A dos Reis Amaral, atu buka solusaun bá problema saúde ne’ebé daudaun ne’e akontese iha Timor-Leste.

Lee Mós: 71% Ai-moruk iha Ona INFPM no Stock Out 29%

Ministra Saúde Élia A.A dos Reis Amaral halo entrevista ho jornalista Hatutan.com iha Aeroportu Internasionál Prezidente Nicolau Lobato, Segunda (15/01/2024). Foto/Elio dos Santos da Costa

“Iha Kuarta-Feira  sei iha Plenária estraordinária ho Ministra Saúde Elia dos Reis Amaral kona-bá asuntu saúde jerál ne’ebé akontese iha Timor-Leste,” Deputada Virgina Ana Belo bá Jornalista sira hafoin remata reuniaun lider Bankada iha PN, Kinta (16/05/2024).

Iha plenária ho Ministra Saúde  ne’e sei ko’alia mós problema ai-moruk hotu ne’ebé  sei elabora hela oinsá mak Prezidente Parlamentu Nasionál Maria Fernanda Lay liga-bá rejimentu hodi haree atu foku bá ida ne’ebé.

“Área saúde nia problema barak tebe-tebes, kadavés ita bele abranje to’o iha nia asuntu selu-seluk depois ita sei ajusta ida-ne’e tuir saida mak, ohin, halo diskusaun sira tau plenária estraordinária bá Kuarta-feira, 22 fulan-Maiu ho Ministra Saúde,” Deputada Virgina Ana Belo hateten.

Jornalista Estajiária : Zita Menezes