Hatutan com, (25  Novembru 2024), Díli- Prezidente Parlamentu Nasionál (PPN), Maria Fernanda Lay, Segunda (25/11/2024), entrega  ona Orsamentu Jerál Estadu (OJE) 2025 ho montante billaun  $2,6  bá  Prezidente Repúblika, José Ramos-Horta  iha Palásiu Prezidensiál.

Lee Mós: Xanana Garante Ramos-Horta Promulga OJE 2025 Billaun $2,6 iha Semana Oin

PPN Maria Fernanda Lay hasoru malu ho Prezidente Repúblika, José Ramos-Horta, Segunda (25/11/2024). Foto/Elio dos Santos da Costa

“Ha’u mai para lori Orsamentu Jerál Estadu (OJE) 2025 tanba iha prazu nian laran, tuir loloos iha Parlamentu to’o loron 25, mais felizmente laiha proposta ami bele konklui. Ita hotu hatene katák maioria Deputadu sira mós sei bá Oé-Cusse ne’ebé ha’u hanoin asuntu ida di’ak,” Prezidente Parlamentu Nasionál (PPN), Maria Fernanda Lay informa ba jornalista sira.

PPN Maria Fernanda Lay hateten sira-nia fó tempu bá Prezidente Repúblika para estuda orsamentu, tanba antes ne’e  Primeiru Ministru  Kay Rala Xanana Gusmão  hasoru uluk ona  Prezidente Repúblika  nune’e  nia partilla bele  ko’alia barak tán.

“Ha’u fó hatene  prosesu la’o oinsá laiha viola demokrasia neim rejimentu embora husi opozisaun trata nune’e mas laloos, ne’ebé ha’u husu ita aprova tiha giaun ita komprende saida mak iha giaun ha’u la inventa,” Maria Fernanda Lay hateten.

Nia hatutan prosesu debate orsamentu iha prazu inklui halo audiénsia bá orsamentu no mós prazu iha debate jeneralidade loron tolu, espesialidade másimu  loron sanulu.  fiar katak servisu Parlamentu Nasionál halo ne’e Konstitusionál  kumpre lei ne’ebé iha.

Jornalista Estajiária: Zita Menezes