Hatutan.com, (20 Fevereiru 2026), Díli– Komisaun Anti-Korrusaun (CAC-sigla Portugés) hahú halo averiguasaun bá kazu rekrutamentu  kadete foun Polísia Nasionál Timor-Leste (PNTL) .

Lee Mós: Prezidente Komisaun B Konsidera Média Mak Inventa Iregularidade iha Rekrutamentu PNTL

Kadetes foun PNTL sira la satisfas ho prosesu rekrutamentu no halo protestu iha Ministériu Interiór, Kinta (05/02/2026). Foto/Juvinal Cabral dos Santos

Direitór Jerál Investigasaun Kriminál CAC, José Verdiál informa  CAC orineta ona ekipa hodi bá ona Sekretariadu Komisaun Rekrutamentu vaga PNTL 2025 hodi halo averiguasaun ba lista  kandidatu kadete  foun sira-ne’e.

“Banhira  lista rekrutamentu vaga polísia nian ne’e taka sai mosu ona polémika no reklamasaun sira iha públiku, no públiku sira levanta no kestiona ba iha lista ne’e, ho nune’e,  CAC orienta kedan ba halo averiguasaun ba lista rekrutamentu membru PNTL foun,” Diretór Ivestigasaun Kriminál CAC, José Verdial hateten hodi responde jornalista sira iha Edifisiu CAC, Sesta (20/02/2026).

José Verdial hatutan, polémika ne’e la’o administrativamente PDHJ mós halo ona nia servisu entaun CAC mós tenke halo nia serbisu. Tanba prosesu ne’e ekipa sira rejista ona, CAC hahú dadaun halibur informasaun sira no  halibur tan dokumentu sira para depois  ekipa halo averiguasaun.

Diretór Jerál CAC ne’e esplika tanba kompetésia CAC ninian ne’e haree ba de’it investigsaun ba iha krime  korrupasaun sira,  aktu administrativu CAC la haree. Katak  sei haree iha prosesu rekrutamentu ne’e iha indisiu krime ka lae, karik iha subornu ruma tanba nia fó subornu ruma  maka iha  Lei das Medidas Preventivas e Combate à Corrupção (MPCC)  númeru 7/2020 kona-bá konflitu interese ruma husik ba prosesu la’o.

Verdiál hateten, kuandu iha averiguasaun ne’e mak CAC identifika buat ruma mosu iha prosesu ne’e, automátika sei halo partisipasaun bá iha Mínisteriu Públiku.

Jornalista: Marcelino Tomae