Hatutan.com, (18 Setembru 2026), Díli–Diresaun Nasionál Meteorolojia no Jeofízika (DNMG) hasai alerta ida iha Sesta (18/09/2026), kona-bá intensifikasaun anin ho kategoria forte ba forte liu ka extremu iha rejiaun kosteira, tantu iha kosta norte, leste no oeste.

Foto/DNMG-TL

Sita husi pajina ofisial Facebook DNMG Timor-Leste ba ohin loron nian, katak intensifikasaun anin ba loron ohin sei kontinua persiste ho velosidade ne’ebé klasifika ba kategoria forte ba forte liu  ka extremu (>25 km/h) kuaze iha territoriu Timor laran tomak, liu-liu iha rejiaun kosteira.

Kondisaun Laloran-Tasi

Kondisaun laloran-tasi nian ass, tantu iha kosta norte kuantu iha Sul. Laloran-tasi nian aas  ba loron ohin, sei varia husi normal ba moderadu ka naton

(0.7-1.4 m), tantu iha Kosta norte  kuantu iha sul, prinsipalmente iha munisípiu sira hanesan:  Ataúro, Manatuto no Lautem (Kosta Norte), Covalima, Manufahi Manatuto, Viqueque no Lautem (kosta sul),

Kondisaun Tempu

Ministériu Transporte ni Komunikasaun (MTC, sigla portugés) liu husi DNMG hakarak informa ba publiku katak kondisaun atmosfera ba loron ohin sei kontinua persiste estavel, iha ne’ebé maioria munisípiu sira iha territóriu nasionál predominante naroman ho kalohan balu, eseptu iha kosta sul no rejiaun sentral mak kalohan konvektivu sei kontinua dezenvolve-an taka hodi possibilita udan ho intensidade suviska, preferensialmente iha rejiaun foho durante períodu  lorokraik ba insiu kalan.

Mensajen Importante

Alert aba intensifikasaun anin ho kategoria fore ba forte liu ka extremu iha rejiaun kosteiras liu-liu iha munisípiu sira ne’ebe ho marka kor sabraka-mean;

Husu ba maluk peskador sira no operasaun transporte maritima ne’ebe mak hala’o atividade peska no operasaun ró (Díli -Oé-Cusse – Ataúro) atu toma maximu atensaun ba eventual refere, atu nune’e evita dezastre sira ne’ebe ita hotu la espera;

Maske laloran tasi nian aas iha kosta norte kontinua varia husi normal  ba moderadu ka naton, maibe ho influensia husi intensifikasaun anin  ne’ebé ho kategoria forte ba forte liu ka extremu provavelmente bele altera ka muda laloran tasi nia aas iha kualker momentu.

Kazu emerjénsia ruma ka karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ka Pessoal Protesaun Sivil ne’ebé besik;

Akompaña nafatin atualizasaun informasaun kona-bá previzaun Tempu husi DNMG Timor-Leste. (*)