Hatutan.com, (19 Marsu 2022), Dili—Hetan votu 2,056 iha Sentru Votasaun Eskola Primaria (E.P) númeru 05 Kampu Baru, Comoro, Dili, lori kandidatu Prezidente Repúblika ho númeru sorteiu 14 manan maioria iha sentru votasaun refere.

Notísia iha Relasaun: Ramos-Horta “Dudu-sees” Lú Olo ho Alkatiri iha Sentru Votasaun EBC Farol

Kandidatu PR, José Manuel Ramos-Horta ho ekipa halo konférensia imprensa. Foto/Fornese husi Eújenio Pereira

Kandidatu Prezidente Repúblika ho númeru sorteiu 6, Francisco Guterres “Lú Olo”  hetan votu 504, Tito da Costa Cristovão (Lere Anan Timur) 264, Mariano Assanami Sabino Lopes 217, Armanda Berta dos Santos 196, Maria Helena Lopes de Jesus Pires 79, Hermes da Rosa Correia Barros 32, Isabel da Costa Ferreira 25, Anacleto Bento Ferreira 17, Rogério Tiago de Fátima Lobato 12, Martinho Germano Gusmão  8, Antero Benedito da Silva 6, Virgílio da Silva Guterres 4, Felisberto Araújo Duarte 4, no kandidatura Maria Angela Freitas da Silva no Constâncio da Conceição Pinto laiha votu (0).

Iha kontajen  votu identifika bulletin  votu nulu ka la vale tanba hili ema rua hamutuk 31 no branku iha 9. Observasaun Hatutan.com iha sentru votasaun E.P númeru  05 Kampu Baru, Comoro, hahú halo kontajen votu iha tuku 18:00 Otl no remata iha tuku 02:00 madrugada, hodi transporta hikas urna ba STAE ne’ebé akompaña husi observadór internasionál no nasionál, fiskais kandidatura no hetan seguransa másimu hosi Polisia Nasionál Timor-Leste (PNTL).

Total eleitór sira iha Suku Comoro na’in-30.497 ho sentru votasaun 12 maka hanesan Escola Bázika Filial Fomentu, E.P.S Nicolau Lobato, E.B.F 12 de Outubru, E.S Finantil, E.B.F Aimutin, E.P.S 30 de Agostu, E.P.S São Pedro, E.P no 5 Kampung Baru, Eskola Alfatera Maslidun, Institutu Siénsia Saúde, Edifísiu INAP (sentru Paralelu), Sede Aldeia Aimutin.  Total eleitór iha kapitál Dili 190.710 ho sentru votasaun 130 no estasaun  votu 237.

 Jornalista: Carmelita Isaac