Hatutan.com, (20 Juñu 2022), Díli—Membru Servisu Sekreta Unidade Patrullamentu Fronteira (UPF), asegura sidadaun Indonézia na’in 15, ne’ebé tama ilegál mai territóriu nasionál iha área Patcun Migir, Postu- Administrativu Atabae, Munisipiu Bobonaro.

Membru Servisu Sekreta Unidade Patrullamentu Fronteira (UPF), asegura sidadaun Indonézia na’in 15, ne’ebé tama ilegál mai territóriu nasionál iha área Patcun Migir, Postu- Administrativu Atabae, Munisipiu Bobonaro, Segunda (20/06/2022). Foto/PNTL.

Sidadaun hirak ne’e orijen hosi Trans Sukaer-Laran, Kecamatan Kakulu Mesak, Atambua-Belu no tama ilegalmente liu hosi tasi.

Lee Mós: UPF Detein Sidadaun Ida Halo Transaksaun Mina-tein Ilegál

“Sidadaun hirak ne’e tama mai ho objetivu atu partisipa serimónia ai-funan loron 40 ba família ne’ebé foin mate iha área Malifun, Suku Aidabasleten, Postu Adminiatrativu Atabae,” Hatutan.com sita komunikadu.

Oras-ne’e daudaun Komandu UPF foti ona medida, liu hosi halo identifikasaun hodi foti identidade no entrega ona ba Servisu Migrasaun atu bele kontinua halo prosesu haruka fila-fali ba Indonézia.

Jornalista: Rogério Pereira Cárceres