Hatutan.com, (30 Juñu 2022), Díli— Polisia Nasionál Timor-Leste (PNTL) Servisu Sekreta Unidade Patrullamentu Fronteira (UPF) postu Memo, hetan sasán deskuñesidu ne’ebé komunidade tenta halo tranksaksaun ilegál iha área fronteira Memo, Postu-Administrativu Maliana, Munisípiu Bobonaro.

Polisia Nasionál Timor-Leste (PNTL) Servisu Sekreta Unidade Patrullamentu Fronteira (UPF) postu Memo, hetan sasán deskuñesidu ne’ebé komunidade tenta halo tranksaksaun ilegál iha área fronteira Memo, Postu-Administrativu Maliana, Munisípiu Bobonaro, iha dadeer madrugada, Kinta (30/06/2022). Foto/PNTL.

Servisu Sekreta Unidade Patrullamentu Fronteira (UPF) detekta bainhira hala’o patrullamentu la’o ain iha dadeer madrugada, Kinta (30/06/2022).

Lee Mós:Sidadaun Indonézia Na’in 15 Tama Ilegál

“Atu informa de’it, dadeer ita-nia membru servisu sekreta sira halo vizilánsia konsege deteta ema deskuñesidu ho motór tolu halo transaksaun ilegál ba Ai kameli iha Aldeia Laho-Aman, Suku Memo, fronteira entre Timor-Leste ho Indonézia,” Hatutan.com sita deklarasaun Komandante UPF, Superintendente Polísia, Euclides Belo, iha komunikadu.

Sasan hirak ne’e sei deskuñesidu hela tanba na’in ho motór xapa matríkula laiha, halai lakon tiha so’e-hela sasan iha natar laran.

Agora daudaun sasan hirak ne’e asegura ona iha UPF kompañia Alfa Tunubibi, hodi halo prosesu no buka-tuir suspeitu ne’ebé hatama sasan liuhosi dalan ilegál.

Suspeitu sira ne’e konsidera deskuñesidu, nune’e PNTL sei aprezenta objetu hirak ne’e ba Ministériu Públiku, hodi hein notifikasaun hafoin sei halo koordenasaun servisu hodi buka-tuir na’in ba objetu sira ne’e atu kompleta prosesu investigasaun.

Jornalista: Rogério Pereira Cárceres