Defeza & Seguransa

Patrimóniu Estadu 14 Movimentu La’ós iha Oras Servisu

Published

4 years ago

15/07/2022

hatutan

Hatutan.com, (15 Jullu 2022), Díli—Ekipa operasaun no fiskalizasaun konjunta, liuhosi pasa revísta iha Kinta 14 jullu 2022, halo apreensaun ba evidénsia sira patrimóniu Estadu nian 14 besik estrada ibun Portu Dili nian, tanba hala’o movimentu “for a” hosi oras servisu.

Ekipa operasaun no fiskalizasaun konjunta, liuhosi pasa revísta iha Kinta 14 jullu 2022, halo apreensaun ba evidénsia sira patrimóniu Estadu nian 14 besik estrada ibun Portu Dili nian, tanba hala’o movimentu “fora” hosi oras servisu. Foto/PNTL.

Ekipa konjunta ne’e kompostu hosi Diresaun Jerál ba Jestaun Patrimóniu Estadu (DJJPE), Comissão da Função Pública (CFP), Comissão Anti Corrupção (CAC), Diresaun Nasionál ba Transporte Terrestre (DNTT) ho Polísia Nasionál Timor-Leste (PNTL) parte Unidade Tránzitu no Seguransa Rodoviáriu.

Lee Mós: Tránzitu Hein Hela Na’in ba Patrimóniu Estadu Ne’ebé Prende Iha Fim de Semana

“Ekipa konjunta halo pasa revista ba karreta ho motór governu nian ne’ebé mak sirkula fora hosi oras servisu ninian iha área Palásiu Governu nia sorin no preende evidénsia karreta governu 10, motór governu haat, ho dokumentus tolu,” Komandante PNTL Munisípiu Díli, Superintendente Xefe Polísia, Henrique da Costa hatete iha Komandu Díli, Sesta (15/07/2022).

Durante pasa revísta ne’e, ekipa fiskalizasaun no operasaun konjunta, identifika mós katak iha motorista balun mak sira nia karta kondusaun inválidu, inklui dokumentu sira motór nian mós balun inválidu ka liu ona prazu no seidauk ba halo renovasaun iha DNTT.

Hafoin halo apreensaun ba evidénsia sira-ne’e, parte PNTL liuhosi unidade Tránzitu Munisípiu Díli pasa kedan billete multa nian ba infartór sira, nune’e bele lori ba selu iha banku molok foti fila-fali sira-nia karreta ka motorizada ne’ebé preende.

Evidénsia sira ne’ebé preende, daudaun ne’e estasiona hela iha Diresaun Jerál ba Jestaun Patrimóniu Estadu (DJJPE), atu kontinua prosesu no parte ekipa CAC nian mak sei haree kona-bá elementu sira krime nian.

Hosi parte tránzitu munisipiu Dili ninian maka, aplika multa ba karreta ka motór ne’ebé mak dokumentus inválidu ka karta kondusaun laiha ka inválidu.

Jornalista: Rogério Pereira Cárceres

Related Topics:Patrimóniu Estadu 14 Movimentu La’ós iha Oras Servisu

Up Next

Joven Na’in-haat Hatama Mina Ilegál Ho Karreta Privadu

Don't Miss

PNTL Detein Joven Na’in-haat Ne’ebé Husu Osan Atu Hemu Tua no Hakanek Sebastião

Click to comment

Defeza & Seguransa

Timor-Leste ho Austrália Hametin Kooperasaun iha Área Defeza

Published

5 days ago

20/05/2026

hatutan

Hatutan.com, (20 Maiu 2026) Díli-Ministériu Defeza (MD) Timor-Leste Kontra-Almirante, Donaciano do Rosário da Costa Gomes ho Vise-Primeiru Ministru no Ministru Defeza Austrália, Honorable Richard Marles, Kuarta (20/05/2026), iha Miniteriu Defeza Timor-Leste, asina akordu kooperasaun bilaterál iha área defeza.

(more…)

Defeza & Seguransa

Ró Inflável Ríjidu Unidade Lima Ba UPM ho Sosa ho Kustu US$174,000.00

Published

1 week ago

15/05/2026

hatutan

Hatutan.com, (15 Maiu 2026) Díli-Kompañia NIBRI 0507.Lda entrega ró ho tipu Inflável Ríjidu (RIB) ka Rigid Inflatable Boat (RIB) unidade lima ba Unidade Polísia Marítima (UPM) ne’ebé sosa ho orsamentu Estadu tinan 2025 nian ho valor US$174.000.00.

(more…)

Defeza & Seguransa

Tenente Jenerál Falur Orienta Investiga Ofisiál F-FDTL ho OPS Oho Povu Nia Karau iha Aldeia Halik

Published

2 weeks ago

14/05/2026

hatutan

Hatutan.com, (14 Maiu 2026) Díli-Xefe Estadu Maiór Jenerál FALINTIL-Forsa Defeza Timor-Leste (F-FDTL) Tenente Jenerál Domingos Raúl “Falur Rate Laek”, orienta ona ekipa halo investigasaun hodi prosesu ba oin fó sansaun ba ofisiál F-FDTL ho Ofisiál Polísia Suku (OPS) tiru povu nia karau iha lutu laran iha Aldeia Halik, Suku Beco, Postu-Administrativu Suai, Munisípiu Covalima.

(more…)