Connect with us
Pakote Ahi

Internasionál

Amnesty Internasionál: Taliban komete “masakre” hasoru minoritáriu Hazara iha Afeganistaun

Published

on

Hatutan.com, (20 Agostu 2021), Kabul-  Grupu direitu umanus Amnesty International  (Internasionál Amnistia) relata katak daudaun ne’e  Taliban  halo “masakre” ho brutalismu hodi halo torturasaun ba grupu minoritáriu Hazara iha Afeganistaun.

Hatutan hosi pájina BBC, sesta (20/8/2021), sasin lubun ida fó informasaun kona-bá asaun brutalidade no kontra direitu umanu iha inísiu jullu 2021 iha Provínsia Ghazni.

Durante okupa sidade kapitál  Kabul iha loron 15 Agostu 2021, Taliban koko hatudu nia dominante. Maibé Amnesty International konsidera masakre sira ne’e nu’udar “indikadór ladi’ak hosi Gvoernasaun Taliban.

Advertisement

Nu’udar hatene nanis ona katak komunidade  Hazara nu’udar grupu étniku ne’ebé boot terseiru iha Afeganistaun.

Sira adopta Izlámiku Syiah no hetan diskriminasaun ho terór iha tempu naruk nia laran iha Afeganistaun   ho Pakistaun ne’ebé dominante ho Sunni.

Relatóriu ne’ebé publika iha kinta  (19/8/2021), Amnesty International hateten, ema Hazara na’in sia (9) mate entre loron 4 ho loron 6 jullu 2021 iha Distritu Malistan, Provínsia Ghazni Leste, Afeganistaun.

Amnesty International mós konsege halo entrevista ho sasin sira  no haree evidénsia fotógrafu hafoin masakre sira-ne’e.

Abitante iha suku sira hateten, sira halai sai hosi sira-nia suku hodi ba helik iha foho-lolon no ai-laran sira bainhira akontese funu entre forsa governu nian ho  Taliban.

Advertisement

Bainhira lubun ida hosi sira fila ba suku Mundarakht atu halibur ai-han no nesesidade báziku sira seluk, tuir sasin sira katak, Taliban halo tiha ona serku hodi hein sira.

Sekretáriu Jenerál Amnesty International nia afirmasaun

Sekretáriu Jenerál Amnesty International, Agns Callamard, afirma “aktu brutalismu no masakre sira ne’e nu’udar memória pasadu Taliban no iha indikadór ne’ebé la merese hosi saida maka Governu Taliban husik hela.”

“Masakre sira ho nia alvu sira ne’e hatudu momoos katak grupu étniku no relijiozu sira minoritáriu kontínua iha risku iha Governu Taliban nian iha Afeganistaun,” Callamard afirma.

Nia relata mós katak rede telefone selulár la funsiona iha fatin lubun iha Afeganistaun ne’ebé domina ona hosi Taliban.

Amnesty International husu ba Nasoins Unida (ONU)  atu halo investigasaun  no buka hatene atu bele fó tulun no protesaun ba grupu ka komunidade sira ne’ebé enfrenta risku oioin  iha Afeganistaun.

Advertisement

Taliban koñesidu hanesan governu “brutál” iha Afeganistaun  ne’ebé komete violasaun oioin ba direitu umanu molok koligasaun ne’ebé lidera hosi Estadu Unidu Amérika iha tinan 2001.

Liuhosi konferénsia imprensa, hafoin domina tiha Kabul, grupu militante sira promete sei la halo asaltu hasoru se de’it maka kolabora ho fosa Estadu Unidu Amérika no sira fó direitu tomak ba feto sira iha Lei Syariah Izlámiku nian .

Maske nune’e, dokumentu balun ONU nian fó atensaun katak Taliban  tama sai ona uma sira hodi buka tuir ema sira servisu no kolaboradór ba forsa  NATO  no Governu Afeganistaun liubá. (*/ico)

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Internasionál

Peringatan 70 Tahun Keanggotaan Ukraina di UNESCO

Published

on

Hatutan.com, (22 Mei 2024), Dili–Ukraina, sebuah negara dengan sejarah lebih dari 1000 tahun dan sebagai persimpangan berbagai budaya, memiliki warisan budaya yang kaya yang menjadi sumber kebanggaan dan identitas nasional.

(more…)

Kontinua Le'e

Internasionál

Vizita Liurai Brunei Darussalam Nu’udár Fatór Importante Atu Motiva TL Adere bá ASEAN

Published

on

Hatutan.com, (20 Maiu 2024), Dili—Primeiru Ministru (PM), Kay Rala Xanana Gusmão konsidera vizita Liurai Brunei Darussalam, Sua Majestade Sultan Haji Hassanal Bolkiah Mu’izzaddin Waddaulah iha Dili, nu’udár fatór importante ida atu motiva Timor Leste hodi prepara-an di’ak liu tán, bele adere lalais bá Association of Southeast Asian Nations (ASEAN).

(more…)

Kontinua Le'e

Internasionál

Index Liberdade Imprensa, TL Hosi TOP 10 Tun bá 20

Published

on

Hatutan.com, (03 Maiu 2024), Díli— Index Liberdade imprensa mundiál bá tinan 2024 ne’ebé anunsia ofisialmente hosi RSF (Reporter Without Border), Timor-Leste (TL) tama iha ranking 20.

(more…)

Kontinua Le'e
Advertisement

Trending