Figura

STOP PRESS: Timor-Leste lakon tan asua’in Ma’huno Bulerek Karathayano

Published

1 year ago

24/09/2021

Hatutan.com, (24 Setembru 2021), Díli-Komandante FALINTIL, José António Gomes da Costa ho naran revolusionáriu Ma’huno Bulerek Karathayano, sesta (24/09/2021), putvolta tuku 17:30 Otl, husik hela ona mundu ne’e no husik família sira hotu.

Saudozu Komandante Ma’huno Bulerek Karathayano. Foto/Kontribuidór Eugénio Pereira

Saudozu Komandante Ma’huno Bulerek Karathayano, iis-kotu iha Ospitál Nasionál Guido Valadares (HNGV) hafoin halo tratamentu intensivu.

Molok ne’e, Saudozu halo tratamentu iha Izolamentu Lahane tanba infetadu moras nakda’et COVID-19, maske nune’e, iha teste ikus, hatudu rezultadu Saudozu negativu ona hosi COVID-19 no transfere fali ba HNGV hodi halo tratamentu tanba moras seluk, maibé esforsu sira médiku no pesoál saúde sira la konsege salva Saudozu hosi mistériu mate.

Purvolta tuku 18:20 Otl, família no amigu sira transporta ona saudozu nia mate isin hosi HNGV mai nia rezidénsia iha Pantai Kelapa, Díli, hodi hein prosesu funerál tuir lisan no tuir Estadu nia orientasaun.

Saudozu Ma’huno Bulerek Karathayano, moris iha loron 14 Abríl 1949, nu’udar Komandante FALINTIL ne’ebé hamutuk ho komandante FALINTIL sira lubuk, inklui Komandante Em-Xefe FALINTIL, Kay Rala Xanana Gusmão, dedika sira-nia vida tomak ba luta ukun rasik iha dezde tinan 1975 to’o 1999.

Hafoin dezmobilizasaun FALINTIL iha tinan 2013 iha komemorasaun loron FALINTIL ba dala-36 (20 Agostu 1975-2013), Asuwa’in Ma’huno Bulerek Karathayano, envolve iha partidu Kongresu Rekonstrusaun Timorense (CNRT, sigla portugés) ne’ebé lidera hosi nia komandante Kay Rala Xanana Gusmão.

Iha tinan 1987, Ma’Huno hentan nomeasaun nu’udar Sekretáriu Komité Ezekutivu FRETILIN hafoin Xanana Gusmão lori FALINTIL sai hosi FRETILIN hosi harii CNRM (Congreso Nacional Resistencia Maubere) iha tinan 1988.

CNRM ne’e nu’udar organizasaun rezisténsia Timor. Iha fulan-Maiu 1990, Ma’huno sai hanesan Sekretáriu Jenerál FRETILIN no Xanana Gusmão hetan kapturasaun iha November 1992 hosi tropa no polisia Indonezia. Nune’e, Ma’huno asume responsabilidade hanesan Komandante FALINTIL to’o loron 05 Abríl 1993, Ma’huno mós hetan kapturasaun iha Díli. Nune’e, rota komandu FALINTIL asume fali hosi Komandante Nino Komis Santana.

Daurante fulan 18 iha bapak (militár Indonéziu) nia mahan, Ma’huno hetan torturasaun oioin no kastigu to’o nia hetan liberdade iha tinan 1995 tanba hetan amnistia. Iha tinan 2017, Ma’huno eleitu nu’udar Vise-Prezidente partidu CNRT.

Memória iha FALINTIL

Sekretáriu Region III FALINTIL
Xefe Estadu Maiór FALINTIL (1992–1993)

Memória iha Polítika

Sekretáriu Jerál FRETILIN (1990–1992)
Prezidente FRETILIN (1992–1993)
Vise-Prezidente Partidu CNRT (2017–agora) (bit)

Tópiku Relasionaduheadline Ma'huno Bulerek Karathayano

Tuir Mai

Xanana-Akatiri Hato’o Sentidu Kondolénsia ba Família Ma’huno

Le'e Mos

Mari Alkatiri hato’o profunda kondolénsia ba família Jorge Sampaio no ba povu Portugés tomak

Kontinua Le'e

Hakarak Hato'o Komentariu?

Figura

Hakmatek Iha Pás, Padre Francisco Tavares “Fini” Konfessór Prezidente Nicolau Lobato

Published

2 weeks ago

08/03/2023

Cipriano Colo

Hatutan.com, (08 Marsu 2023), Díli— Padre Francisco Tavares dos Reis ho kódigu “Fini” nu’udár Na’i lulik ne’ebé halo atendimentu konfessaun bá Prezidente Nicolau Lobato dos Reis, durante tempu funu, haloot ona iha semitériu Padre sira nian iha Maloa Ai-lok Laran Díli, Kuarta (08/03/2023).

(more…)

Kontinua Le'e

Figura

Avó Jape Mate ho Idade 97, 06 Outubru Transladasaun Mate-isin Mai Díli

Published

6 months ago

27/09/2022

Cipriano Colo

Hatutan.com, (27 Setembru 2022), Díli— Na’in ba Timor Plaza, Jape Kong Su “Avó Jape” mate ho idade 97 iha loron 26 Setembru 2022, iha Austrália no tuir planu transladasaun mate-isin mai Díli iha loron 06 Outubru.

(more…)

Kontinua Le'e

Figura

Sé Mak Kardeál?

Published

7 months ago

27/08/2022

Cipriano Colo

Evolusaun istórika no natureza Júridika Kardeál

Iha Amu Papa nia sorin atu serbi Igreja Universal

Priviléjiu boot ba ita Timor tamba pela primeira vez ita iha ona Primeiru Kardeál Timorense autóktone ne’ebé sei hola parte iha koléjiu kardinalísiu no iha Kuria Romana (senadu Papa nian). Ita hotu nia parabéns no orgullu ba Dom Virgilio do Camo da Silva, SDB, Arsebispu Arkidioseze Dili tamba iha loron 29 fulan-Maiu 2022, iha loron ne’ebé ita selebra solenidade Jesus sa’e ba Lalehan, iha momentu ne’e mós durante Angelus dominikál iha prasa São Pedro Vaticano, Amu Papa Francisco anúnsiu Kardeál foun hamutuk 21 inklui ita-nia Arsebispu Dili. Entre Kardeál 21 ne’e iha 16 mak idade menus husi 80, portantu sira ne’e mak Kardeál eleitores ba eventual konklave. Kardeál foun hirak ne’ebé anunsiadu, sei realiza konsistóriu iha loron 27 Fulan-Agostu 2022.

(more…)

Kontinua Le'e