Connect with us
Pakote Ahi

Dili

Mari Alkatiri hato’o profunda kondolénsia ba família Jorge Sampaio no ba povu Portugés tomak

Published

on

Hatutan.com, (11 Setembru 2021), Díli-Eis Primeiru-Ministru, Mari Alkatiri, lori nia família rasik nia naran no lori mós FRETILIN nia naran hato’o profunda kondolénsia ba família Dr. Jorge Sampaio nian no mós profunda kondolénsias ba povu Portugés tomak.

Dr. Jorge Sampaio foto ho eis Primeiru-Ministru Mari Alkatiri. Foto/Dok.Privadu

Mari Alkatiri fó sasin katak Dr. Jorge Sampaio antes mós atu sai Prezidente Repúblika Portugal, nia sempre apoiu Timor-Leste nia luta iha Partidu Sosialista nia-leet iha fatin hotu-hotu. Tanba ne’e, Alkatiri haktuir, Dr. Jorge Fernando Branco de Sampaio, nudár  amigu ida ne’ebé uluk kedas hamutuk ho Timor-oan luta no nia sai apoiante ida-boot iha nia Partidu Sosialista nia laran ba Timor nia prosesu tomak.

“Ha’u bele dehan Dr. Jorge Sampaio ema ida hadomi duni povu Timor-Leste no hadomi Timor Leste. Nia  hanesan Prezidente Repúblika nia konsege mai to’o Timor-Leste dala-tolu,” Mari Alkatiri haktuir bainhira dada-lia ho Hatutan.com liuhosi telefónika iha Díli, sábadu (11/09/2021) .

Alkatiri mós hateten, relasaun FRETILIN nian ho Dr. Jorge Sampaio hahú kedas 1975. Nia hamutuk ho delegasaun FRETILIN nian iha diaspora hasoru malu beibeik ko’alia kona-ba Timor-Leste nia luta, liuliu bainhira nia sai Prezidente Repúblika Portugál (1996-2006)  iha momentu ida importante tebes tanba situasaun iha mundu komesa muda no Dr. Jorge Sampaio uza nia influensia tomak nivel internasionál, liuliu ho Estadus Unidus Amérika hamutuk ho Primeiru-Ministru Antonio Guterres, sira-nain rua halo esforsu boot tebes iha 1998-1999 atu Estadus Unidus Amérika, liuliu  Prezidente William Jefferson Clinton (Bill Clinton) muda pozisaun afavór Timor-Leste.

Advertisement

“Ita lakon amigo boot-ida, ita lakon militante ba ita-nia kauza boot. Maibé ema kuandu laran-moos, fuan-boot, sira mate, sira husik hela sira nia obra para ita atu ba-nati tuir,” Mari Alkatiri hateten.

Jorge Sampaio, tuir Mari Alkatiri, la’ós apoiu de’it Timor-Leste mas ikus-ikus ne’e ninia apoia estudante sira, nia lori ba Portugal sira halo hanesan ninia fundasaun ida no depois semana tolu antes nia mate  nia halo ona deklarasaun atu fó mós bolsa estudu ba estudante, liuliu feto hosi Afeganistaun.

“Jorge Sampaio, ema ida hanesan sidadaun ba mundu, sidadaun global, tanba ne’e, ema sira hanesan ne’e kuandu sira mate bele toba hakmatek no sira-nia klamar ba hamutuk ho Nai Maromak, maibé sira-nia obra nafatin lori sira tempu rohan-laek hanesan lideransa ba komportamentu ida pozitivu, solidariedade  internasionál. Ezemplu di’ak ida ita hotu tenke ba-nati tuir. Tanba ne’e, ami na’in-rua bele dehan amigu pesoál mós tanba ami ko’alia uluk no diskute solusaun ba ita-nia luta ne’e,” Mari Alkatiri tenik.

“Ha’u rasik sente katak ninia mate ne’e. Todan ida mai ita, mas  bele mós fó mai ita oportunidade ida para ba-nati tuir ninia pratika. Ha’u lori naran rasik,  hanesan eis Primeiru- Ministru hanesan Sekretáriu Jerál FRETILIN  aprezenta profunda kondolénsias ba família tomak Dr. Jorge Sampaio nian no aprezenta mós profunda kondolénsia ba povu Portugés tomak,” Mari Alkatiri hateten.

CCI-TL nia sentidu kondolénsia profunda    

Advertisement

Prezidente CCI-TL, Oscar Lima. Foto/Hatutan.com

Hosi biban seluk, Prezidente Câmara Comercio no Indústria Timor Leste  (CCI-TL), Oscar Lima, lori família boot CCI-TL nia naran hato’o profunda kondolénsia ba família rasik Dr. Jorge Sampaio nian no mós ba povu Portugés, ne’ebé lakon figura potente  no figura mundiál  iha mundu nia matan, liuliu iha timor-oan rasik sira nia matan.   

“Ho naran CCI-TL nian, ami hato’o sentidu kondolénsia ba família en-lutada no espera katak Nai Maromak harai fatin ida ne’ebé di’ak tebes ba ita-nia amigo, ba ita-nia boot, no ba ema ida ne’ebé maka fó an tebetebes ba ita Timor-oan sira,” Oscar Lima hateten.

Nia dehan, Timor-oan sira labele haluha katak antes Timor-Leste hetan nia independénsia, Dr. Jorge Sampaio fó nia kontribuisaun boot tebes ba Timor. Tanba ida-ne’e, CCI-TL hato’o sentidas kondolénsia dala-ida tan.

Jorge Sampaio hakotu-iis ho idade 81, hafoin estadia saúde iha situasaun kritiku, tanba sofre respiratóriu iha Ospitál Santa Cruz, Lizboa.

Jorge Sampaio hanesan polítiku ne’ebé prudente, pasiénsia no ema dame-na’in, sai mós hanesan advogadu no tinan barak liu intervein iha mundu polítika, hahú kedan hosi nia sei iha banku universidade, hanesan mós protagonista ba krize akadémiku iha tinan 1960.

Jorge Fernando Branco de Sampaio, moris iha Lizboa iha tinan 1939, nu’udár Prezidente Repúblika Portugál durante períodu dala rua, entre tinan 1996 no 2006.

Advertisement

Iha tinan 1989, eleitu nu’udár lider másimu ba Partidu Sosialista no iha tempu hanesan eleitu mós hanesan administradór sidade Lizboa.

Bainhira remata mandatu nu’udár Prezidente Repúblika iha tinan 2006, nomeadu hosi Sekretáriu Jerál Organizasaun Nasaun Unida (ONU) hanesan reprezentante espesiál atu luta kontra Tuberkuloze iha 2007 no 2013 hanesan altu Reprezentante ONU ba Aliansa Sivilizasaun. Paz à Sua Alma, Grande amigo (bit)

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Dili

Eletrisidade Mate iha HNGV Minutu 15 no Atendimentu Normal

Published

on

Hatutan.com, (22 Maiu 2024), Díli- Portavós Ekipa Integradu  Saúde (EIS), Vidal Lopes, konfirma katak iha Tersa kalan (21/05/2024),  akontese duni ahi-eletrisidade mate iha Ospitál Nasionál Guido Valadares (HNGV) ho durasaun minutu 15. Maske nune’e, la prejudika atendimentu bá pasiente sira tanba atendimentu la’o normal.

(more…)

Kontinua Le'e

Dili

Harii Tan Merkadu Ida iha Díli Hodi Akumula Vendedór sira

Published

on

Hatutan.com, (21 Maiu 2024), Díli- Haree bá kondisaun merkadu rua iha Díli; Manleuana ho Taibessi, la konsege akumula hotu vendedór sira, liuliu hirak ne’ebé kontinua utiliza espasu públiku hodi halo atividade, hanesan iha Elemloi-Delta nian, Kampu Baru-Comoro, iha Terminal Becora ho mós iha Audian nian, maka Bankada Parlamentár KHUNTO husu Governu harii tán merkadu hodi bele akumula  vendedór sira  ne’e.

(more…)

Kontinua Le'e

Dili

Asiste Feira iha Portu Díli, PNTL Halibur Motór 23 Tanba Estasiona iha Trotoar Leten

Published

on

Hatutan.com, (21 Maiu 2024), Díli- Polísia Nasionál Timor-Leste (PNTL) liuhosi Unidade Tránzitu Komandu Munisípiu Díli halo apreensaun ka halibur motorizada hamutuk 23 tanba estasiona fali mór iha trotoar leten.

(more…)

Kontinua Le'e
Advertisement

Trending