Connect with us
Pakote Ahi

Ekonomia

Empreza 3,726 halo kontratu arrendamentu rai Estadu, barak abandonadu

Published

on

Hatutan.com, (29 Setembru 2021), Díli-Diresaun Nasionál Terras no Propriedade (DNTP) rejista kontratu 3,726 husi kompañia ne’ebé halo kontratu arrendamentu rai Estadu iha Díli.

Rai Estadu ne’ebé estabelese tiha kontratu arrendamentu ho empreza internasionál iha tinan hirak liubá atu halo otel sete estrela iha Caicoli, Díli, maibé abandonadu to’o agora. Foto/Hatutan.com

Empreza sira ne’ebé rejista kontratu arrendamentu rai Estadu ne’e, kompostu husi negósiu no rezidénsia. Maske selebra ona kontratu arrendamentu ho Estadu, maibé empreza barak mak la kumpre sira-nia devér ba Estadu hanesan arrendatáriu, liu-liu iha situasaun pandemia COVID-19.

Husi totál arrendamentu rai Estadu iha tinan 2019-2020, DNTP konsege kobre reseita tokon $4,3 ba kofre Estadu, maibé iha tinan 2021 tun ba tokon $3,4 tanba ho situasaun pandemia global COVID-19 ne’ebé implika ba  atividade barak paradu no empreza barak mak atu kolapsu tiha.

“Sira bele selebra ona kontratu ho Governu maibé Governu mós tenke  haree ba situasaun sira ne’ebé mak akontese hodi fó impaktu ba kompañia sira hodi sira la kumpre sira-nia devér hanesan arrendatáriu, tanba daudaun ne’e iha situasaun rua ne’ebé ita enfrenta; primeiru estabilidade polítika, segundu pandemia COVID-19 ne’ebé afeta ba kompañia barak mak la kumpre sira-nia devér ba Estadu,” Sekretáriu Estadu Terras no Propriedade (DNTP), Mário Ximenes, hateten responde Hatutan.com, iha ninia knar fatin, Bebora, Díli, foin lalais ne’e.

Advertisement

Situasaun pandemia global COVID-19, tuir  Sekretáriu Estadu Mário Ximenes, empreza arrendamentu barak menus rendimentu.

Notifika JAPE Group

Governu liuhusi DNTP estabelese kontratu arrendamentu rai Estadu ho JAPE Group, liuliu ho rai iha Dolog Oan, estátua Kristu Liurai (Cristo Rei) nia kotuk, rai no uma iha Markoni (fatin ne’ebé uluk embaixada Austrália uza nu’udar fatin lojistiku nian) no DNTP kontinua notifika JAPE Group atu halo investimentu no  tenke kumpre kontratu hodi selu ba Estadu.

Husi parte DNTP rasik seidauk iha medida ne’ebé forte hodi fó sansaun ba arrendatáriu sira bainhira la kumpre sira-nia devér hanesan abandona rai Estadu ka la selu, tanba seidauk iha lei própriu hodi bele regulariza arrendatáriu sira ho nune’e Konsellu Ministru mak sei deside, maibé medida ne’ebé agora daudaun DNTP halo mak haruka sira selu fazeadamente.

Asosiasaun Hak dezafia MJ deskobre mafia justisa

Advertisement

Organizasaun La’ós Governu nian (ONG) Asosiasaun HAK dezafia Ministru Justisa (MJ) hodi deskobre mafia justisa ne’ebé involve iha prosesu aluga rai Estadu tantu iha kapitál Díli no Munisipiu sira.

Tuir observasaun husi HAK nota katak polítika nain sira fó apoiu ba empreza sira hodi fó rai Estadu ba sira aluga, maibé to’o ikus abandona no la selu, tanba laiha kontrolu másimu husi Estadu.

“HAK la bele temi sai kompañia idak-idak tanba ligasaun ho segredu ema idak-idak nian, maibé tuir loloos iha unidade ida ne’ebé bele halo kontrolu hodi kontribui ba boa Governasaun, tanba laiha boa fé no polítika ne’ebé sériu tanba polítiku nain sira sempre salva malu no kompañia fó osan ba sira hodi halo polítika no harii partidu. Ha’u dezafia MJ ne’ebé hateten sei deskobre mafia justisa sira,” diretór HAK, Sisto dos Santos afirma.

HAK nota katak empreza sira ne’ebé aluga rai iha Díli laran kuaze involve mós mafia justisa sira tanba ne’e tenke  iha kontrolu másimu husi Estadu ne’ebé iha boa-fé no seriedade no tenke haforsa iha parte PDHJ no CAC hodi halo investigasaun ba mafia sira ne’ebé fasilita empreza sira  hodi fó rai Estadu ba sira aluga no tenke halo mós investigasaun ba nain ba rai iha Díli laran.

Rai Estadu balun iha área Bebonuk, Díli, ne’ebé Estadu estabelese kontratu arrendamentu ho empreza balun maibé to’o agora abandonadu. Foto/Hatutan.com

HAK mós haree katak iha Díli laran ema ka pesoal na’in tolu de’it mak sai nain ba rai iha Díli laran, maka hanesan Mari Alkatiri, Mario Carrascalão no Albano, tanba ne’e HAK mós dezafia  Parlamentu Nasional (PN), PDHJ no CAC hodi barani halo investigasaun, tanba rai ne’ebé iha tenke ba ema hotu, la’ós ba ema ida ka rua nian de’it. 

Deklarasaun Ministru Cárceres nian iha Fevereiru 2020

Advertisement

Molok ne’e, iha loron 03 fulan-Fevereiru 2020, Ministru Justisa, Manuel Cárceres da Costa, deklara abertamente ba públiku liuhosi jornalista sira katak,  nia parte entrega ona identidade ka naran sira “mafia justisa”  ba Komisaun Funsaun Públiku (CFP) atu bele hola medida disiplinár.

Ministru Manuel Cárceres da Costa mós hatama ona karta ba Ministériu Públiku (MP) liuhusi Prokuradór Jerál  Repúblika tempu ne’ebá, José Ximenes, atu prosesa “mafia” lubun ne’ebé MJ identifika iha prosesu disputa rai Kaitehu, Postu Administrativu Bazartete, Munisípiu Liquiça.

Antes ne’e mós, iha loron 31 fulan-Janeiru 2020, ba jornalista sira hafoin hasoru malu ho Prokuradór Jerál Repúblika tempu ne’ebá José Ximenes, Ministru Justisa, husu ba jornalista sira atu konfirma iha Komisaun Funsaun Públika (CFP) atu restaura prosesu disiplinár ba funsionáriu sira no sira ne’ebé mak iha indísiu ba krime.

“Seluk fali mak ha’u haruka tiha ona karta ba Ministériu Públika,” informa Ministru Manuel Cárceres da Costa, iha loron 31 fulan-Janeiru 2020. (car)

 

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Ekonomia

Folin Foos Kontinua Sa’e, Bankada FRETILIN Kestiona Kapasidade Governu

Published

on

Hatutan.com, (21 Maiu 2024), Díli-Folin foos iha territóriu nasionál seidauk hatudu sinal atu tuun, maske Governu ne’ebé lidera hosi Kay Rala Xanana Gusmão kontrata ona empreza nasionál  lima (5) atu bele ajuda Governu halo intervensaun bá folin foos iha merkadu.

(more…)

Kontinua Le'e

Ekonomia

Indonesia Salurkan Rp 4,4 Miliar Dukung Program Reformasi Manajemen Keuangan Timor-Leste

Published

on

Hatutan.com, (16 Mei 2024), Dili– Pemerintah Republik Indonesia melalui Lembaga Dana Kerja Sama Pembangunan Internasional (LDKPI) atau Indonesian AID menyalurkan bantuan dengan nilai Rp 4,4 miliar untuk pelaksanaan program reformasi manajemen keuangan Timor-Leste (Financial Management Reform Program): Development of Public and Private Accounting Standards dan Executive Development Program: Indonesian Government Financial Management System Training for Timor-Leste.

(more…)

Kontinua Le'e

Ekonomia

18 Maiu 2024, Aero Dili Lansa Vou Dahuluk Díli-Oecusse

Published

on

Hatutan.com, (14 Maiu 2024), Díli—Aviaun komersiál Timoroan nian, Aero Dili, Sábadu 18 fulan-Maiu 2024, halo inaugural flight ka lansa vou dahuluk bá Rejiaun Administrativu Espesiál Oe-Cusse Ambeno (RAEOA).

(more…)

Kontinua Le'e
Advertisement

Trending