Hatutan.com, (04 Outubru 2021), Díli–Aviaun Royal Australia Air Force RAAF C17 Globemaster,  segunda dadeer (04/10/2021), tuku 08:34 Otl, tuun ka landing iha Aeroportu Internasionál Prezidente Nicolau Lobato, Díli.

Aviaun Royal Australia Air Force RAAF C17 Globemaster. Foto/Espesiál

Tuir observasaun Hatutan.com nian iha terrenu nota, katak aviaun forsa Austrália nian ne’e mai hosi Darwin, Austrália, tuun iha Aeroportu Comoro, Díli hodi hatún nesesidade balun, ai-moruk balun no ekipamentu saúde  nian seluk tan.

Maske nune’e, tuir observasaun iha terrenu mós nota katak laiha autoridade Timor-Leste nian, maka marka prezensa iha Aeroportu hodi simu prezensa aviaun forsa Austrália nian ne’e, no ekipamentu ho sasán sira ne’ebé aviaun ne’e transporta, pesoál sira traballadór aeroportu nia komesa hatún daudaun.  

Iha oras balun tan aviaun forsa Austrália nian ne’e sei semo hikas fali ba Darwin-Austrália. (ger)