Connect with us
Pakote Ahi

Desportu

TL Klasifikadu Ikus-liu iha Suzuki CUP 2020

Published

on

Hatutan.com, (09 Novembru 2021), Dili—Kompetisaun Federasaun futeból ASEAN ka ASEAN Football Federation  (AFF), hala’o kada tinan rua no iha kada kompetisaun ne’ebé antes ne’e Timor-Leste (TL) partisipa sempre liu hosi faze play off tanba klasifikasaun Federation International Football Association (FIFA) zona sudeste Aziátiku, TL sempre okupa pozisaun ikus  liu hamutuk ho Brunei Darusalam.

Sekretáriu Jerál Federasaun Futeból Timor-Leste (FFTL), Nélio Isaac Sarmento. Foto/Hatutan.com.

Iha tinan ne’e (2021/2022), Ranking FIFA (21 october 2021) hatudu katak, TL okupa zona okos tuir tabela klasifikasaun nian ho klasifiakasaun 194 ho pontus 879.43 ho pozitivu Zero, signifika hosi jogu internasionál sira ne’ebé selesaun nasionál enfrenta iha kualifikasaun konfederasaun futeból Azia (AFC)  sub-23, la lori mudansa ba TL nia klasifikasaun iha FIFA.

Tinan ne’e, hanesan tinan kmanek ba selesaun nasionál TL tanba hetan oportunidade osan me’an hodi diretamente tama ba faze grupu hodi hamutuk ho nasaun sira seluk iha grupu A, hafoin ekipa selesaun nasionál Brunei Darusalam rezigna an hosi kompetisaun AFF ho razaun pandemia Covid-19, ne’ebé nia númeru sa’e makás iha nasaun ne’e.

Oportunidade ne’e lori servisu boot ba selesaun nasionál TL tanba hamutuk ho nasaun jigante rua iha grupu A, hanesan Thailándia no Myanmar, inklui Singapura ho Filipina.

Advertisement

Iha tabela klasikakasaun FIFA sudeste Aziátiku, nasaun jigante Austrália okupa pozisaun primeiru ho klasifikasaun 34 no pontus 1489.86 no minus 2.

Pozisaun klasifikasaun daruak maka Vietnam ho klasifikasaun FIFA  98 ho pontus 1222.9 minus 3, Thailand klasifikasaun FIFA 117 pontus 1148.63 pozitivu 5, Filipina klasifikasaun FIFA127 1131.93, Myanmar klasifikasaun FIFA 145 pontus 1057.44, Malázia klasifikasaun FIFA 155 pontus 1034.87, Singapura klasifikasaun FIFA  160 pontus 1000.35.

Alende ne’e, Indonézia klasifikasaun FIFA 165 ho pontus 985.61, Kambódia klasifikasaun FIFA 170 ho pontus 970.42, Laos klasifikasaun FIFA 185 ho pontus 912.07, Brunei Darusalam klasifikasaun FIFA 189 ho pontus 903.9 no TL okupa pozisaun ikus liu ho klasifikasaun FIFA 194 no pontus 8779.43.

Klasifikasaun FIFA ho pontu sira ne’ebé nasaun sira hetan, bazeia ba rezultadu hosi jogu internasionál sira ne’ebé kada ekipa nasionál enfrenta.

Hosi jogu sira ne’ebé iha, bainhira manan sei lori rezultadu pozitivu no lakon sei lori rezultadu negativu.

Advertisement

Tabela klasikakasaun FIFA sudeste Aziátiku, 2020.

Hosi manan no lakon mak sai hanesan sasukat atu bele hare klasifikasaun no pontus nasaun nian okupa iha pozisaun ida ne’ebé.

Sekretáriu Jerál Federasaun Futeból Timor-Leste (FFTL), Nélio Isaac Sarmento konsidera rezignasaun Brunei Darusalam lori sorte boot ida ba ekipa selesaun TL tanba sei la joga tán iha faze play off maibé diretamente ba iha faze grupu.

TL sei joga dala haat iha faze grupu tanba ne’e ema hotu nia orasaun sai hanesan forsa no motivasaun di’ak ida atu selesaun nasional bele hatudu rezultadu diak bazeia ba preparasaun ne’eb’e hala’o iha Singapura.

“Ita hein katak, treinadór sei monta nia tátika ida di’ak atu iha primeiru jogu kontra Thailánd ita bele manan pontus nu’udár motivasaun ba jogu sira tuir-mai,” Nélio Isaac Sarmento, hateten iha knaar fatin Bairru dos Grilos Dili.

Nélio mós iha esperansa boot atu selesaun nasionál bele ultra pasa faze grupu A, hodi hakat ba iha faze tuir-mai, tanba jogu primeira parte mak sei determina.

Parte FFTL mós sei halo avaliasaun ba Diretór Tékniku, Fábio Macel, hafoin jogu SEA GAMES iha tinan oin hodi hanoin prolongamentu kontratu hosi treinadór Brazileiru  ne’e.

Advertisement

Timor Leste sei partisipa iha eventu rua iha tinan oin ne’ebé sei hala’o jogu Sub-23 nian iha Kambodia no mós jogu SEA GAMES, ne’ebé tuir planu preparasaun ba selesaun sub-23 sei hala’o iha nasaun Qatar hahú Janeiru 2022 to’o kompetisaun sira hahú.

Federasaun futebol ASEAN (ASEAN Football Federation)  baibain habadak AFF hola parte hosi konfederasaun futeból Asia (AFC) ne’ebé harii hosi nasaun sira iha sudeste Aziátiku.

“ASEAN” signifika Association of South East Asian Nations. AFF hamrik iha tinan1984 no asosiasaun ka federasaun sira ne’ebé estabelesle AFF maka Thailandia, Filipina, Brunei Darusalam, Singapura, Malázia, Indonézia, Vietnam, Kambodia, Laos no Myanmar.

Oras ne’e, AFF nafatin dezenvolve nia an no Timor Leste rasik adere ba AFF iha tinan 2004 no Austrália sai hanesan konvidadu bainhira nia hahú adere ba iha AFC iha loron 1 fulan Janeiru 2016.

Jornalista: Vito Salvadór

Advertisement

Kontinua Le'e
Advertisement
1 Komentariu

1 Comment

  1. Dep. Standarizasaun no Akreditasaun

    09/11/2021 at 9:26 PM

    TL tenki Fuan bo’ot nafatin hodi Simu rezultadu ne’e.

    Rezultadu ne’e hanesan reflesaun bo’ot ba Lider no Timor oan sira hotu einjeral, liuliu parte kompetente sira ne’ebe tur iha orgaun Governu no Asosiasaun sira. Tempu ona atu Ita evalua fukun lolos ne’ebe Mak halo TL hetan rezultadu nune’e. Hare barealidade ein kontestu TL, Ita iha oportunidade barak hodi sai hanesan Forsa atu hakat ba oin. Oportunidade nee tantu mosu rasik iha Jovem sira Liu husi talentu natural nebe iha, nune’e mos husi parte Governu hodi Kria no hamosu orgaun Governu nian no Asosiasaun ho oportunidade sira seluk ne’ebe diretamente ou indiretamente fo apoiu no fasilita atividades desportiva sira . Kestaun ne’ebe atu koloka Mak ne’e, Se oportunidade sira ne’e iha ona, saida lolos Mak sai falhansu ka fukun hodi Kria rezultadu insatisfas nune’e??? Sera Que nudar nasaun Ida, Ita tenke kontinua ho rezultadu nune’e??? To’ o baihira??? Karik iha kestaun ruma Mak presija Duni atu hadia hodi lori melloramentu, Tamba sa Mak la hadia agora??? Hein to’o Baihira Mak tenke hadia??? Lider Ida troka Lider Ida, rezultadu nafatin deit???? Tamba sa Mak tenke hanesan ne’e bebeik????. Tempu ona Timor oan rona malu, husik arogansia no ego hotu, kaer Liman hamutuk, Ita hamutuk lori Timor Lao ba oin. Hatudu ba mundu katak Timor bele Duni, Timor nasaun ki’ik maibe Nia naran Morin, Timor foin hahu maibe hahu ho Nia dignidade.

    Ikus, apresia ba jogadores sira hotu, parabens Tamba imi esforsu ona tuir imi Nia kapasidade. Bravo Ekipa TL.

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Trending