Connect with us
Pakote Ahi

Justisa & Krime

Insidente iha Resintu FFTL, Francisco Jerónimo Sei Hato’o Keixa ba Tribunál

Published

on

Hatutan.com, (13 Novembru 2021), Díli–Prezidente Federasaun Futeból Timor-Leste   (FFTL), Francisco Jerónimo, sei lori kazu insidente iha resintu FFTL nian ba Tribunál atu bele hetan lia-loos no justisa. 

Lee Mós Notísia Ne’e :  Oan-Feto Hosi Prezidente FFTL Konsidera Notísia Hatutan Inventa no HOAX

Insidente ne’ebé akontese iha resintu FFTL, Domingu dadeer (07/11/2021), rezulta karreta Nissan ho númeru matrikula A.22-765 at no rahun. Foto/Espesiál

Ba jornalista sira bainhira halo enserramentu ba Kongresu Estra-ordináriu organizasaun jornalista Timor Leste Press Union (TLPU) iha Salaun Delta Nova, Díli, Sábadu (13/11/2021), atuál Ministru Asuntu Parlamentár no Komunikasaun (MAPKOMS), Francisco Jerónimo, klarifika katak  nia parte halo ona klarifikasaun liuhosi konferénsia imprensa kona-ba insidente iha resintu FFTL ne’e iha Sede Comite Central FRETILIN (CCF) no rejeita total informasaun ne’ebé espalla iha públiku, katak insidente ne’e iha relasaun ho deskonfia subar amante iha Xanana Sport Centre.

Iha insidente ne’ebé akontese iha resintu FFTL nian, Domingu (07/11/2021), purvolta tuku 06:00 dadeer, rezulta karreta marka Nisan kór metan ho númeru matrikula A.22-765 at no rahun.  

Advertisement

Karreta ne’e na’in mak funsionária ida iha FFTL  ne’ebé baku-rahun hosi família prezidente FFTL, Francisco Jerónimo nian hosi Liquiça tempu ne’ebá.

Hosi akontesimentu ne’e Polísia Nasionál Investigasaun Kriminál (PNSIK) lori kedas karreta ne’e ba PNSIK hodi sai hanesan evidénsia krime, maibé  tanba esforsu rezolve kazu ne’e iha internal família, maka karreta ne’e família Francisco Jerónimo nian lori sai ona hosi aredorres PNSIK nian ba ofisina atu hadi’a.

“Ha’u halo tiha ona ha’u nia deklarasaun katak buat sira ne’e la akontese no falsu, maibé prontu se hotu-hotu buka sala ikus liu ita ba Tribunál,” Fransisco Jerónimo.

Presidente FFTL ne’e hatutan, ba ema se mak buka ofende nia no halo sasán ne’ebé laloos hodi kria de’it odi no vingansa, dalan ikus mak Tribunál hodi bele fó solusaun ba problema hirak ne’e.

Lee Mós Notísia Ne’e : Exco FFTL Sei Organiza Enkontru Foti Desizaun Ba Kazu Prezidente Francisco Jeronimo

Advertisement

Ba kazu ne’e, Francisco Jerónimo suspende aan ona nu’udar membru CCF,  maibé kontínua asume kargu Ministru iha Governasaun ne’e nu’udar Ministru Asuntu Parlamentár no Komunikasaun Sosiál   (MAPKOMS) tanba nafatin hetan konfiansa husi Primeiru-Ministru Taur Matan Ruak.

Prezidente FFTL nu’udar mós Ministru MAPKOMS, Francisco Jerónimo hetan entrevista hosi jornalista sira iha salaun Delta Nova, Sábadu (13/11/2021). Foto/Hatutan.com

“Ha’u ba ko’alia ho Primeiru-Ministru no Primeiru-Ministru mak lakohi suspende ha’u. Iha Governu ha’u laiha kompeténsia no Primeiru-Ministru mak iha kompeténsia, nune’e uainhira Primeiru-Ministru deside la suspende, ha’u atu dehan tan saida,” Francisco Jerónimo hateten.

 Relasiona ho polémika prezidente FFTL privatiza dormitóriu Xanana Sport Centre hanesan fatin deskansa nian, Fransisco Jerónimo, klarifika katak nia iha direitu tomak atu uza fatin refere tamba hanesa lideransa másimu iha FFTL.

“Prezidente FFTL uluk, Francisco Kalbuadi Lay,   bele uza nusa ha’u labele. Pergunta mak ne’e,” nia haktuir.

Lideransa másimu FFTL ne’e hateten, hakarak komenta buat ruma, labele iha hanoin atu tau vingansa tamba selae odiu-malu ne’e sei naruk no nunka se hotu. 

Lee Mós Notísia Ne’e : PNSIK Arrola Ona Kazu Prezidente FFTL Maibé Seidauk Bele Pronunsia ba Públiku

Advertisement

Jornalista : Vito Salvadór

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Justisa & Krime

Tribunál Rekursu Absolve António “Kalohan” Hosi Pena Prizaun Tinan-Lima

Published

on

Hatutan.com, (12 Abríl 2024), Díli – Advogadu privadu, Pedro Camões ne’ebé fó asisténsia legal bá arguido António da Conceição ‘Kalohan’, informa  katak iha Kinta, 11 fulan-Abríl 2024, Tribunál Rekursu hasai ona desizaun hodi absolve pena prizaun efetivu tinan-lima (5) bá nia kliente Antonio da Conceição ‘Kalohan’.

(more…)

Kontinua Le'e

Justisa & Krime

Halo Investigasaun Profunda bá Pesoál PCIC Husu Osan bá Oan Mane Fujitivu Teves Jr

Published

on

Hatutan.com, (11 Abríl 2024), Díli– Komisaun B  Parlamentu Nasionál (PN),  ne’ebé trata asuntu Seguransa hein katak parte kompetente tenke halo investigasaun  ida profunda bá bá pesoál membru Polísia Sienteifika Investigasaun Kriminál (PCIC, sigla portugés) ne’ebé mak ho irresponsabilidade halo kobransa ka husu osan bá fujitivu Arnolfo Teves Jr  nian oan hodi fó seguransa bá fujitivu ho nasionalidade Flipina ne’ebé kumpre hela prizaun preventiva iha prizaun Becora, Díli.

(more…)

Kontinua Le'e

Justisa & Krime

PCIC Suspende no Averigua Membru Ne’ebé Deskonfia Husu Osan bá Oan Mane Fujitivu Alnolf Teves Jr

Published

on

Hatutan.com, (09 Abríl 2024), Díli—Polícia Ciêntífica e de Investigação Criminal (PCIC) liu hosi ekipa investigadór sira hahú loke prossesu averiguasaun hasoru membru ho inisiál OdCA ne’ebé deskonfia husu osan bá fujitivu Arnolf Teves Jr nia oan-mane liuhosi gravasaun audio iha média sosiál WhatsApp foin lalais ne’e.

(more…)

Kontinua Le'e
Advertisement

Trending