Hatutan.com, (14 Novembru 2021), Díli-Tribunál Distritál Díli (TDD) liuhusi primeiru interrogatóriu, Domingu (14/11/2921), aplika medida koasaun prizaun preventiva ba funsionáriu públiku nain-ida ho inisiál SS husi Ministériu Obras Públika (MOP)  arguidu no arguidu seluk ho inisiál R  nu’udar sidadaun estranjeiru.

Lee Mós Notísia Ne’e : Deskonfia Falsifika Dokumentu, Arguidu Na’in-Haat Hosi MOP Submete ba Inkéritu

Arguidu na’in-haat ho inisiál S, AB, SS no UPS, ne’ebé deskonfia halo falsifikasaun dokumentu iha Ministériu Obras Públika (MOP), submete ba inkéritu iha Tribunál Distritál Dili (TDD). Foto/Hatutan.com.

Arguidu na’in-rua seluk ho inisiál UPS nu’udar sidadaun Indonézia no arguidu AB, nu’udar mós funsionáriu públiku husi MOP, Tribunál aplika medida koasaun aprezentasaun periódika no proibisaun auzénsia hodi aprezenta-aan kada semana no prende mós arguidu nia pasaporte.

Razaun Tribunál aplika medida koasaun ne’ebé diferente ba arguidu na’in-haat, tanba arguidu na’in-rua SS, R iha indísiu forte ba krime refere.

Advertisement

Ba arguidu na’in-rua seluk UPS ho AB Tribunal aplika aprezentasaun periódika no proibisaun auzénsia hodi asegura arguidu sira nia prezensa durante prosesu investigasaun.

Advogadu privadu Fernando da Costa ne’ebé fó asisténsia ba arguidu SS no R, la aseita ho medida koasaun ne’ebé Tribunál aplika ba nia kliente, tanba  krime ne’ebé MP akuza ba nia kliente seidauk ezekuta foin mak inisia. Tanba ne’e, durante  prazu loron 15 parte defeza sei ko’alia ho arguidu hodi hatama rekursu ba TR.

Advogadu Miguel Faria aseita ho medida koasaun ne’ebé Tribunal aplika ba nia kliente arguidu UPS, AB, tanba adekuadu.

Ministériu Públiku promove arguidu sira ba krime korrupsaun pasiva no ativa, brankamentu kapitál, asosiasaun kriminoza, burla agravadu, no falsifikasaun dokumentu ne’ebé previstu iha artigu 292, 313, 188, 267, 303 husi kódigu penal TL.

Iha Tersa (9/11/201), Polísia Nasional Servisu Investigasaun Kriminál (PNSIK) ezekuta mandadu detensaun buska no apreensaun husi TDD ho nu. Nuc 00/21.PGGCC bá sidadaun na’in-haat iha kapitál Díli no detein arguidu na’in-tolu  de’it durante oras 72 nia laran.

Advertisement

Primeiru interrogatóriu ne’e prezide husi juiz singular Evangelino Bello, MP reprezenta husi Prokuradór Rogério Viegas no arguidu sira hetan asisténsia legal husi advogadu privadu Miguel Faria, Octavio, Fernando da Costa no Adelaide Trindade.

Jornalista : Carmelita Isaac