Connect with us
Pakote Ahi

Desportu

Lica-Lica Lemorai FC “Hurlele” Santa Kruz FC To’o 6:1

Published

on

Hatutan.com, (18 Novembru 2021), Dili—Santa Cruz FC tenke hakruk ba adversáriu Lica-Lica Lemorai FC iha jogu ikus segunda divizaun Liga Futeból Timor Leste (LFTL) grupu B.

Ekipa Lica-Lica Lemorai FC. Foto/LFTL.

Lica-Lica Lemorai FC hatudu nia superioridade iha jogu ikus maske la lori influensia signifikativu ba sira nia pozisaun iha tabela klasifikasaun grupu B.

Notísia iha Relasaun:Kablaki FC Rekoñese Falla no Husu Deskulpa ba Adeptu

Vitória ne’e hatudu rezultadu hosi servisu no esforsu ne’ebé Lica-Lica Lemorai FC halo durante preparasaun atu hatudu ba públiku katak, kada jogu ba Lica-Lica Lemorai FC importante no iha sentidu rasik.

Advertisement

Tama ba jogu, ekipa Santa Cruz FC no Lica-Lica Lemorai FC hahu jogu ho tensi badak, signifika la halo esforsu máximu maibé buka de’it atu asegura labele derrota tanba sira laiha hotu ona oportunidade atu hakat ba primeira divizaun.

Ekipa rua hatudu balansu iha jogu maski tátikamente Lica-Lica Lemorai FC domina liu jogu tanba sempre halo atake ba nia adversáriu Santa Cruz FC.

Lica-Lica Lemorai FC nafatin halo atake ba nia adversáriu no hahu domina bola klaran no halo pasagem bola as hosi lina klaran ba oin hodi obriga Santa Cruz FC tenke disiplina iha lina kotu atu bele asegura ekipa hosi ameasa.

Santa Cruz FC buka oportunidade hodi halo responde liu hosi nia avansadu Liborio Geronimo, maibé seidauk iha rezultadu.

Tabela Klasifikasaun

Lica-Lica Lemorai FC kontinua lansa ameasa hodi buka oportunidade atu hatama golu no iha minutu 20 Jogadór Lica-Lica Lemorai FC Manuel da Silva hatama golu dahuluk ba nia ekipa hodi muda skore ba 1:0.

Hafoin golu ne’e Santa Cruz FC koko sai hosi presaun hodi hadi’a jogu iha lina klaran atu bele duni atrazu ne’ebé iha maibé nafatin Lica-Lica Lemorai FC aproveita failansu ne’ebé iha hodi kontia halo atake ba Santa Cruz FC.

Advertisement

Haree ba frakeza ne’ebé iha, Santa Cruz FC halo substituisaun ba jogadór iha parte klaran hodi hasai Januario Cabral no hatama João Paulo da Silva.

Liu de’it minutu balun, Santa Cruz FC kontinua halo substituisaun hodi hasai Juninho da Costa tanba sofre aleiza no hatama Alexandre Corsino.

Substituisaun ne’e la lori mudansa no Lica-Lica Lemorai FC kontinua aumenta golu liu hosi nia avansadu Andre Sarmento iha minutu 37.

Jogadór Santa Cruz FC Alito da Cruz obrigadu tenke simu kartaun kinur hafoin halo protesta liu hosi asaun tebe sai bola tanba la satisfas ho desizaun arbitu Bernadino Mascarenhas tanba konsidera desizaun arbitu ne’e la iha balansu.

To’o primeira parte remata laiha tan mudansa ba skore iha tabela ho nune’e Lica-Lica Lemorai  FC lidera provizoriu ho skore 2:0.

Advertisement

Iha segunda parte Santa Cruz FC hatudu nia agresibidade hodi halo atake ba iha nia ekipa adversáriu Lica-Lica Lemorai FC.

Avansadu Alexandre Corsino aproveita bola crosing hosi defeza  wiliam Vong liu hosi bola ulun maibé falla atu marka golu.

Kapitaun Lica-Lica Lemorai FC Miguel Barreto tenke simu kartaun kinur tanba halo falta kontra jogadór adversáriu.

Baliza Lica-Lica Lemorai FC sofre aleiza no obriga treinadór tenke halo substituisaun hodi hatama Tomas Freitas no hasai Luis Mau Bere.

Tama ba minutu 55 Lica-Lica Lemorai FC aumenta tan golu ida liu hosi nia avansadu Andre Sarmento hodi muda skore ba 3:0.

Advertisement

Santa Cruz FC kontinua halo substituisaun hodi hasai Alito da Cruz no hatama Divio da Cruz. Hosi substituisaun ne’e lori duni rezultadu ba ekipa Santa Cruz FC no tama iha minutu 66 Liborio Geronimo hatama golu ida hodi muda skore iha tabela ba 1:3.

Liu de’it minutu balun Lica-Lica Lemorai FC responde kedas liu hosi Mario Panao iha minutu 67 hafoin simu asistensia hosi Andre Sarmento.

Santa Cruz FC kontinua halo substituisaun hodi hasai Denilson Almeida no hatama Denilson dos Santos no Lica-Lica Lemorai FC hasai Oldegar Xavier no hatama Marcelino Mok.

Ekipa rua nafatin halo jogu no Santa Cruz FC nafatin halo esforsu hodi buka atu bele duni atrazu ne’ebé iha maibé sei nafatin falla tanba avansadu sira seidauk produz golu ruma.

Santa Cruz FC kontinua halo substituisaun hodi hasai Deonidio Maia no hatama Venancio Martins. Parte ekipa Lica-Lica Lemorai FC kontinua halo subtituisaun hodi save pontu tolu ne’ebé iha hodi hasai Rosario Lopes no Andre Sarmento hodi hatama Gabriel Soares no Joanico Vicente.

Advertisement

Jogadór suplente ne’ebé foin tama Gabriel Soares marka golu dalima ba nia ekipa hodi muda skore ba 5:1 iha minutu 90.

Tama ba tempu adisionál, iha minutu 90+1 Lica-Lica Lemorai FC kontinua aumenta golu liu hosi jogador Manuel da Silva jodi muda skore ba 6:0. Hafoin golu ne’e halo kedas substituisaun hodi hasai Helder Kiko no hatama Ronaldo Pereira.

To’o tempu remata Lica-Lica Lemorai FC fila ho vitória no nia adversáriu Santa Cruz FC obrigadu tenke simu derrota.

Hafoin jogu treinador Lica-Lica Lemorai FC hateten ekipa oferese vitória ne’e ba fundador no adeptu sira Lica-Lica Lemorai FC nian.

Jornalista: Vito Salvadór

Advertisement

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Desportu

Timor Cup 2023, AD SLB Laulara Derrota Hasoru Northern Crocs

Published

on

Hatutan.com, (11 Janeiru 2024), Díli—Klube Futeból Timor-Leste AD SLB Laulara derrota 2-0 hasoru klube Northern Crocs iha jogu kontinuasaun Taxa Timor Cup 2023 ne’ebé hala’o iha kampu futeból Melbourne Austrália.

(more…)

Kontinua Le'e

Desportu

Kongresu FFTL Falla, Komité Eleitorál La Prudente no Inkapasidade

Published

on

Hatutan.com, (10 Janeiru 2024), Díli- Kongresu Estraordináriu Federasaun Futeból Timor-Leste (FFTL) bá da-IX, Kuarta (10/01/2024), ne’ebé hala’o iha Otél Timor, Díli, falla tanba parte sira kongresista  konsidera Komité Eleitorál inkapasidade no la prudente iha foti  desizaun.

(more…)

Kontinua Le'e
Advertisement

Trending