Defeza & Seguransa
UPF Batugade Detein Joven Na’in-Tolu ho Atributu Arte Marsiál
Hatutan.com, (09 Dezembru 2021), Dili—Polísia Nasionál Timor-Leste (PNTL), liuhosi Unidade Patrullamentu Fronteira (UPF), iha Kinta 09 Dezembru 2021, dadersan, halo detensaun ba joven mane na’in-tolu (3) iha fronteira terrestre, área Batugade, ne’ebé deskonfia nu’udár membru hosi Grupu Arte Marsial (GAM) balun.
Joven ne’ebé Membru UPF detein ho farda Arte Marsiál iha fronteira Batugade, Kinta (09/12/2021). Foto/PNTL.
Prosesu kapturasaun ne’e akontese, liuhosi atividade pasa revista, no halo mós apreensaun ba karreta ida hamutuk ho evidénsia komprovativu balun ne’ebé deskonfia tama hosi fronteira terrestre Timor-Leste ho Indonézia.
Notísia iha Relasaun:Deskobre fukun-sira fó espasu ba pasajen ilegál buras iha fronteira
Komandante UPF, Superintendente Euclides Belo, hateten sidadaun na’in-tolu ne’e membru UPF kaptura liuhosi pasa revista rutina iha fronteira terrestre iha dalan protokolu.
“Ohin tuku 06:00 iha kuartél UPF oin ita-nia membru kaptura timoroan mane na’in-tolu ho inisial JL, husi Suku Cassa-Ainaro ne’ebé na’in ba objetu sira hanesan farda Grupu Arte Marsiál (GAM) hosi PSHT (Persaudaraan Setia Hati Terate) hamutuk ho sertifikadu. Enkuantu na’in-rua seluk ho inisiál JS ho JA, hosi Suku Becora-Díli ne’ebé fasilita tula autór ne’e ho karreta númeru matríkula A.18.781, marka Avanza kór metan,” Komandante UPF, Superintendente Polísia, Euclides da Costa Belo, liuhosi komunikadu ne’ebé Hatutan.com asesu.
Evidénsia sira ne’ebé rekolla mak hanesan, farda treinu, kalsa no faru PSHT pares tolu, buku kesan PSHT tolu, sertifikadu treinadór neen, piagam neen, buku pedoman rua, sertifikadu juramentu hamutuk neen, ne’ebé tau iha karreta laran.
Membru UPF, hala’o pasa revista iha fronteira Batugade, Kinta (09/12/2021). Foto/PNTL.
Komandante Euclides Belo, informa, joven mane na’in-tolu ne’e, membru UPF rekolla ona sira-nia identidade no entrega ona autór hirak ne’e hamutuk ho evidénisa ba Komandu PNTL Munisípiu Bobonaro hodi kontinua prosesu identifikasaun no investigasaun.
UPF kontinua halo vizilánsia iha postu integradu Fonteira Terrestre, hodi kombate movimentu illegál.
Jornalista: Rogério Cárceres
TL-ONU Kontinua Diskute Programa Prioridade Sira Ne’ebé Reflete ho ODS
Semana oin, PN Submete Redasaun Fínal Proposta Alterasaun Lei CAC bá Prezidente Repúblika
Eis-Profesór Kontratadu Kontinua husu PPN Solusiona Sira-Nia Problema
Pelican Paradise Kontinua Koordena ho Governu Kona-bá Investimentu Otél Fitun Lima
Sei Foti Hotu Veíkulu Estadu Ne’ebé Estasiona iha Kargu Xefia Sira-Nia Uma
DIT Hahú Introdús ba Estudante Sira Kona bá Seguransa ba Dadus Importante
MAPKOMS “Duvida” ho Sustentabilidade Institutu Formasaun Komunikasaun Sosiál no Multimedia
Nomeasaun Xefe Kaza Militar Foun Hein Konkordánsia Prezidente Repúblika
“The new forms of cultural colonization”, “The illusion of communication”: Husi Amo Daschback, SVD ba Amo Abito Brites to’o Amo Belo, SDB
Amora Lemos Dikontrak Sony Music, Resmi Jadi Penyanyi Profesional
Asesu Gratuita HATUTAN.com
Hafoin Ferias Judisiáriu PGR Sei Ko’alia Kazu Set-top Box RTTL,E.P
Xefe Estadu TL Kondekora Militár Korea Súl Ne’ebé Mate iha Oé-Cusse
PCIC Detein MG Lori Osan Falsu Hosi Inglaterra
PR Simu Karta Kredensial Husi Embaixadór Brunei Darussalam ho Reinu España
-
Dili2 days agoEspasu Ne’ebé SEATOU Sobu Sei Halo Jardín
-
Indonesia1 week agoMerkadu Sira iha Kupang La Fa’an Foos Subsídiu
-
Dili7 days agoRamos-Horta Kestiona Prezensa Militár iha Eviksaun, Germano Dehan Presiza Seguransa Tanba Vida La Fa’an iha Loja
-
Nasionál5 hours agoSei Foti Hotu Veíkulu Estadu Ne’ebé Estasiona iha Kargu Xefia Sira-Nia Uma
-
Dili1 week agoGovernu ho AMD Presiza Prepara Fatin Dignu bá Komunidade Ne’ebé Hetan Eviksaun
-
Polítika5 days agoArmanda Berta ho Ilídio Domingos de Araújo Lidera KHUNTO Períodu 2024-2028
-
Indonesia1 week agoFoos Subsídiu Beruang Merah Tama Ilegál iha TTU
-
Dili1 week agoEviksaun Forsada La Refleta iha PEDN 2011-2030