Connect with us
Pakote Ahi

Nasionál

Embaixadór Peter Roberts Triste Husik Hela Timor-Leste

Published

on

Hatutan.com, (20 Dezembru 2021), Díli-Embaixadór Austrália nian mai Timor-Leste (TL), Peter Roberts, espresa nia laran “la haksolok” tanba tenke husik ona Timor-Leste hodi ba kontinua fali servisu iha Austrália.

Notísia iha Relasaun: Embaixadór Peter Roberts Despede PM Taur

Prezidente Repúblika, Francisco Guterres “Lú Olo” entrega prenda ba Embaixadór Austrália nian iha Timor-Leste, Peter Roberts, 20 Dezembru 2021. Foto/Media PR

Embaixadór Peter Roberts hala’o nia misaun diplomata iha Timor-Leste dezde loron 04 fulan-Janeiru 2018. Nune’e, hahú Segunda (20/12/2021), halo despedida ona ho Xefe Estadu Timor-Leste, Francisco Guterres “Lú Olo” tanba termina ona nia mandatu iha rai doben ida-ne’e.

“Ohin, ha’u halo enkontru despedida ho Prezidente Repúblika, Francisco Guterres “Lú Olo” tanba ha’u hela iha Timor-Leste durante tinan haat, no ha’u sei fila ba Austrália, fulan ida-ne’e. Entaun, triste uitoan, tanba ha’u labele iha Timor-Leste naruk liu, maibé ha’u kontente tebes durante tinan haat ne’e, iha kooperasaun di’ak entre Timor-Leste ho Austrália,” Embaixadór Peter Roberts, hateten ba jornalista sira, hafoin hasoru malu  ho PR “Lú Olo” iha Palásiu Prezidente, Dili.

Advertisement

Kooperasaun di’ak sira ne’ebé durante Austrália no Timor-Leste iha mak hanesan iha tempu inundasaun no pandemia global Covid-19 iha tempu difisil tebes kontinua apoia malu hodi haku’ur liu situasaun sira-ne’e.  

“Iha tempu ne’e, Austrália no Timor-Leste, koopera didi’ak, no mós tinan tolu liubá, Austrália no Timor-Leste konkorda ona fronteira marítima. Entaun, ne’e ligasaun entre Timor-Leste no Austrália la’o di’ak, no ha-u informa kona-bá kooperasaun ho Prezidente Repúblika,” nia hateten.

Peter Roberts, fiar katak, iha futuru sei iha oportunidade hodi bele hametin kooperasaun iha área oioin, partikularmente iha setór privadu, liuhosi programa  traballu ka Seasonal Worker Programme (SWP) ba Austrália, tanba Governu Austrália hakarak haburas programa ne’e, no hakarak mós atrai investor sira hosi Austrália mai TL, no mós hametin kooperasaun entre Governu ho Governu.

Prezidente Repúblika, Francisco Guterres “Lú Olo” kontente tebes kona-bá kooperasaun entre Timor-Leste no Austrália partikularmente tempu Covid-19 tanba servisu hamutuk iha área vasinasaun,  inklui Australia lori ona vasina barak, no sei kontinua servisu nafatin iha área ne’e.

Kona-bá kooperasaun Austrália nian ho TL iha médiu prazu no kurtu prazu, Embaixadór Peter Roberts dehan, daudaun ne’e Austrália iha programa boot iha área dezenvolvimentu, ne’ebé halo parte ba iha setór oioin, inklui mós agrikultura nian,   Programa Nasional Dezenvolvimentu Suku (PNDS), inklui suporta mós Governu ho setór privadu sira.

Advertisement

2023, Austrália Sei Apoia Roo Patrullamentu 2 mai TL

Embaixadór Peter informa tan, tanba Austrália no TL konkorda ona liuhosi akordu ba fronteira marítima, maka Governu Austrália kompromete ona katak, iha tinan 2023,  sei apoia roo patrullamentu rua mai  TL, liuhosi Ministériu Defeza (MD), hodi fasilita membru FALINTIL-Forsa Defeza Timor-Leste (F-FDTL)  atu kontrola rikusoin iha tasi Timor.

Embaixadór Peter Roberts haktuir, ho apoia sira kona-bá roo patrullamentu ne’ebé atu mai iha 2023, sai mós oportunidade atu hametin kooperasaun iha área seguransa marítima nian, tanba ne’e, presiza servisu hamutuk atu jere rekursu hanesan ikan, iha área marítima.

Jornalista: Rogério Pereira Cárceres

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Nasionál

Konstrusaun Altar Misa ho Papa Francisco Atinje 80%, Sekretariadu Komisaun Altu Nível iha Motael

Published

on

Hatutan.com, (19 Abríl 2024), Díli—Projetu konstrusaun altar misa hamutuk ho Papa Francisco iha Tasi-tolu, oras ne’e daudaun atinje ona 80%.

(more…)

Kontinua Le'e

Nasionál

KSTL Organiza Asaun Pasífiku Ezije Governu Hasa’e Saláriu Mínimu $115 bá $150

Published

on

Hatutan.com, (19 Abríl 2024), Díli – Konfederasaun Sindikatu Timor-Leste (KSTL) organiza asaun pasifika  da-uluk iha Díli  hodi  ezije Governu hasa’e saláriu mínimu  $115 bá  $150.

(more…)

Kontinua Le'e

Nasionál

Kandidatu Na’in-41 Sei Kompete iha Eleisaun Suku 10

Published

on

Hatutan.com, (18 Abríl 2024), Díli—Totál kandidau ne’ebé admitidu bé 𝐄𝐥𝐞𝐢𝐬𝐚𝐮𝐧 𝐎𝐫𝐠𝐚𝐮𝐧 𝐒𝐮𝐤𝐮 𝟐𝟎𝟐𝟒, ne’ebé sei realiza iha loron 27 fulan abril tinan ne’e hamutuk na’in-41, kompostu hosi 𝐌𝐚𝐧𝐞-𝟑𝟗 𝐧𝐨 𝐅𝐞𝐭𝐨-𝟐.

(more…)

Kontinua Le'e
Advertisement

Trending