Connect with us
Pakote Ahi

Desportu

Assalam FC ho Aitana FC Fahe Pontu iha Jogu Ikus LFTL 2021

Published

on

Hatutan.com, (22 Dezembru 2021), Dili— Assalam FC no Aitana FC obrigadu tenke fahe pontu iha jornada dahitu Liga Futebol Timor Leste (LFTL) tinan 2021, hafoin impata 1:1.


Assalam FC no Aitana FC obrigadu tenke fahe pontu iha jornada dahitu Liga Futebol Timor Leste (LFTL) tinan 2021, hafoin impata 1:1, Kuarta (22/12). Foto/LFTL.

Ekipa rua iha animu atu konkista vitória iha jogu ne’e hodi hadau zona seguru atu mantein iha primeira divizaun ba epoka oin.

Notisia iha Relasaun:Karketu Dili FC Ekipa Dahuluk Kampiaun LFTL

Ho impata ne’e Aitana FC rekolla pontu 5 hosi jogu 6 no mantein iha pozisaun 6 tabela klasifikasaun ikus, enkuantu Aitana FC okupa pozisaun 5 iha tabela klasifikasaun hosi jogu 6.

Advertisement

Aitana FC hetan uluk oportunidade atu hatama golu iha minutu 2 hafoin Edit Savio (9) no Francyatma Ima Kefi (21) mesak ho baliza iha área grandeal adversáriu nian hafoin Rivaldo Coreia (12) lansa bola crosing hosi parte liman loos.

Assalam FC tenta responde liu hosi atake ne’ebé iha maibé adversáriu sei bele asegura ho di’ak.

Alexandre Nogueira (33) jogadór Aitana FC simu kartaun kinur iha minutu 12 hafoin halo falta hasoru jogadór adversáriu iha liña kotuk.

Assalam FC nafatin lansa ameasa ba nia adversáriu liu hosi Martinho Belo (22) no Hasan Costa (7) maibé sei falla.

Aitana FC halo esforsu hodi responde ameasa ida liu hosi jogadór Francyatma Ima Kefi (21) maibé falla iha ezekusaun.

Advertisement

Ekipa Assalam FC lidera uluk iha jogu ne’e liu hosi golu Jovanio Braz (8) iha minutu 20. Ho golu ne’e Assalam nafatin hatudu jogu hodi domina jogu no nafatin halo atake ba adversáriu, situasaun ne’e halo Aitana FC hela iha presaun nia laran no tama ba minutu 39 jogadór Aitana FC Francelino Belo (22) simu kartaun kinur hafoin halo falta hasoru Martinho Belo (22).

Assalam FC halo substituisaun ba jogadór hodi hasai Martinho Belo (22) no hatama Augusto da Costa (29) iha minutu 44.

To’o jogu primeira parte termina ekipa rua la iha mudansa ba skore iha tabela nune’e Assalam FC mantein ukun ho skore 1:0.

Tama ba segunda parte Aitana FC halo kedan substituisaun ba nia jogadór iha liña klaran hodi hasai Alexandre Nogueira (33) hodi hatama Jilson dos Reis (10).

Ho substituisaun ne’e  ekipa Aitana FC kontinua halo esforsu hodi halo impata no tama ba minutu 48 Edit Savio (9) fo asistensia ba Francyatma Ima Kefi (21) hodi hatama golu impata. Adão Doutel (18) simu kartaun kinur hafoin halo falta hasoru adversáriu iha minutu 50, iha mos asidente ida hosi jogadór Assalam FC Hasan Costa (7) ne’ebé dudu arbitu tamba la satisfas ho desizaun ne’ebé iha ho insidente ne’e obrigadu Hasan Costa (7) tenke simu kartaun mean direita.

Advertisement

Assalam FC ha lo substituisaun ba iha guarda rede hodi hasai Junildo Pereira (1) no hatama Wahyu Pratama (20) iha minutu 52.

Ekipa Aitana FC nafatin lansa ameasa ba nia adversáriu liu hosi bola oportunidade ne’ebé iha maibé falla iha ezekusaun.

Situasaun ne’e obriga Assalam FC halo tan substituisaun ba nia jogadór hodi hatama Husen Costa (27) no hasai João Soares (21).

Ekipa rua hasa’e ritmu jogu no tensi konesa sae. Jogadór Assalam FC Augusto da Costa (27) hatama tan golu ida hodi muda skore ba 2:1 iha minutu 62.

Tama ba minutu 64 jogadór Aitana FC Francelino Belo (22) hetan kartaun mean hafoin halo falta hasoru jogadór Assalam FC Jovanio Braz (8).

Advertisement

Aitana FC kontinua halo substituisaun ba nia jogadór iha liña avansadu hodi hasai Rivaldo Coreia (12) no hatama Miguel Ximenes (19) iha minutu 68.

Ho substituisaun ne’e lori rezultadu pozitivu ba ekipa Aitana FC tamba konsege halo impata ba jogu liu hosi segundu golu Francyatma Ima Kefi (21) iha minutu 75.

Ho golu ne’e hamosu insidente balun ne’ebé halo jogadór Assalam FC sira halo protestu tamba konsidera bola falta ne’ebé rezulta baliza aleiza.

Situasaun ne’e hamosu dezintendimentu ne’ebé obriga jogu tenke para kuaze minutu 20 no ikus mai mosu desizaun hodi kontinua jogu maibé halo substituisaun ba arbitu Romario do Santos Teti no Bernadino Mascarenhas arbitu rezerva mak kontinua lidera jogu.

Ekipa rua kontinua halo jogu to remata hodi komplenta jogu maibé Assalam FC obrigadu tenke muda Adão Doutel (18) ba baliza.

Advertisement

Francyatma Ima Kefi (21) simu kartaun kinur hafoin halo falta. Aitana FC halo substituisaun ikus hodi hasai Francyatma Ima Kefi (21) no hatama João Xavier (17) iha minutu 78. Ekipa rua mantein impata too jogu termina.

Treinador Assalam FC hateten, Assalam FC iha ambisaun hakarak rekolla vitória ne’e maibé falla iha jogadór sira no arbitu mos la kontribui ba asegura jogu tuir regra ne’ebé iha.

Situasaun diferente mai hosi treinador Aitana FC Octavio da Costa katak ekipa falla rekolla vitória no nafatin mantein iha pozisaun daneen.

Jornalista: Vito Salvadór

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

Governu Kontínua Suspende Atividade GAM-GAR To’o Novembru 2024

Published

on

Hatutan.com, (21 Marsu 2024), Díli– IX Governu Konstitusionál kontinua suspende atividade Grupu Arte Marsiál (GAM) no Grupo Arte Rituál (GAR)  to’o fulan-Novembru 2024 no husu bá lideransa sira GAM-GAR atu iha kontrolu ida masímu bá membru sira molok reativa hikas iha Novembru nia laran.

(more…)

Kontinua Le'e

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Trending