Connect with us
Pakote Ahi

Desportu

Porto Taibessi FC Vs Assalam FC Termina ho Skor 3-0

Published

on

Hatutan.com, (15 Marsu 2023), Díli- Klube Primeira divizaun Porto Taibessi FC halo “festa” golu ba rede  Assalam FC hafoin marka golu tolu (3) liuhosi Jogadór Yohanes Jehaman no Edensio da Costa.

Lee Mós : AD SLB Laulara Halakon Académica FC 2-0 


Tabela Klasifikasaun provizóriu Liga Futeból Timorese primeira divizaun époka 2022-2023. Foto/LFTL

Ekipa Assalam FC ne’ebé sai hanesan ekipa favoritu bá kampiaun Liga Timorense époka 2022-2023 obrigadu tenke hakruuk bá nia adversáriu Porto Taibessi FC ne’ebé hatudu jogu ida solidu no disiplina iha kada liña.

Dezde minutu primeiru jogu hahú, ekipa Porto Taibessi FC hola kedas inisiativa hodi komanda jogu liu hosi Jogadór meiu kampu Edensio da Costa (13), Feliz Gama (15) no Lazio Piedade (77). Ho kompozisaun Jogadór meiu kampu ne’ebé badinas no rápidu bainhira lakon bola halo Porto Taibessi FC nia jogu atrativu no sempre halo atake bá adversáriu bainhira bola iha Jogadór sira nia ain.

Advertisement

Assalam FC ne’ebé sempre joga rápidu iha liña klaran falla halo jogu no Jogadór sira kuaze hein bola mak barak, nune’e Porto Taibessi FC aproveita oportunidade hodi halo presaun no sempre lansa kontra atake bainhira hetan bola.

Tama bá minutu 17 mosu insidente ki’ik ida entre Jogadór Assalam FC, Francisco da Costa (28) no Jogadór Porto Taibessi FC, Jardel Piedade (9) nune’e árbitru deside hodi fó kartaun kinur bá Jogadór na’in-rua ne’e hodi evita halo tan erru hanesan no hamosu risku bá ekipa no jogadór seluk.

Hafoin kartaun kinur ne’e ekipa Porto Taibessi FC lansa kedas atake bá Assalam FC no bola ne’ebé lansa husi Jogadór Angiso Barbosa (12) ne’e halo baliza Assalam FC Nathanel Agbozo (30) tenke halo esforsu hodi sai mai salva bola, maibé baliza refere komete erru hafoin sai mai kaer bola iha liña área grandeal liur. Ho falta ne’e árbitru fó kartaun kinur bá Jogadór Nathanel Agbozo (30) iha minutu 18.

Assalam FC tenta nafatin atu halo jogu maibé falla no sempre lakon bola iha meiu kampu. Tama bá minutu 24 jogadór defeza direita Assalam FC, Husen Costa (27) obrigadu simu tan kartaun kinur hafoin halo falta hasoru Jogadór adversáriu ne’ebé halo kontra atake.

Ekipa Porto Taibessi FC kontinua domina jogu liuhosi pasajen bola badak hosi ain bá ain ne’ebé iha no Assalam FC falla atu halo balansu bá ekipa adversáriu nia jogu. Molok primeira parte termina,  Assalam FC halo kedas substituisaun hodi hasai Emidio Braz (4) ne’ebé sofre aleija no hatama Lourenço Freitas (19) iha minutu 45+1.

Advertisement

 Liu de’it minutu ida, Porto Taibessi FC halo uluk substituisaun hodi hasai Jogadór Jardel Piedade (9) no hatama avansadu Yohanes Jehaman (10) iha minutu 44+2. Too primeira parte termina ekipa rua mantein ho skor 0-0.

Iha segunda parte ekipa rua mantein ho kompozisaun Jogadór ne’ebé joga iha primeira parte, ho nune’e kada ekipa hahú halo esforsu no komesa joga tuir orientasaun táktika ne’ebé treinadór sira fó. Porto Taibessi FC kontinua domina bola no haree katak Jogadór Assalam FC kontinua lakon bola no falla halo jogu tamba bainhira adversáriu kaer bola sira akompaña de’it no la halo presaun.

Porto Taibessi FC kontinua halo atake liu husi kombinasaun Jogadór sira iha meiu kampu no avansadu, ho nune’e tama ba minutu 50 Jogadór Yohanes Jehaman (10) marka uluk golu ida hodi muda skor ba 1-0.

Ho golu ne’e halo Jogadór Porto Taibessi FC sira iha liu tan ánimu atu halo jogu entretantu Assalam FC tenke halo esforsu makas atu duni atrazu ne’ebé iha. Tama ba minutu 52 Assalam FC halo subtituisaun ba Jogadór hodi hasai Bonarudin Amin (17) no hatama Hasan Costa (7).

Hafoin Hasan Costa (7) tama Assalam FC nia jogu iha mudansa tanba Jogadór refere sempre halo crossing no long bola as bá nia maluk avansadu sira hodi fó presaun bá defeza adversáriu.

Advertisement

Tama ba minutu 61 Porto Taibessi FC obrigadu tenke halo substituisaun bá defeza Miguel Silva (2) ne’ebé sofre aleija iha ain no hatama Derson Ulu (14).

Atu halo mudansa ba jogu iha liña oin, Assalam FC kontinua halo substituisaun hodi hasai Jogadór Daniel Appiah (11) no hatama Tirjon Maia (15).

Ekipa Porto Taibessi FC kontinua domina jogu no sempre halo jogu iha liña klaran hodi buka oportunidade bá halo atake lais liuhosi estremu eskuadra no mós direita.

Porto Taibessi FC halo tan substituisaun ba liña avansadu hodi hasai Inocensios Ati (3) no hatama Helman Asan (11).

Ekipa rua kontinua jogu no haree katak Porto Taibessi FC mantein nia jogu no sempre halo atake bá Assalam FC.

Advertisement

Tama ba minutu 73 Jogadór Assalam FC halo falta hasoru avansadu Porto Taibessi FC Yohanes Jehaman (10) iha área grandeal oin no Jogadór Edensio da Costa (13) ne’ebé ezekuta bola falta ne’e susesu marka tan golu ida hodi muda skor bá 2-0.

Assalam FC kontinua halo substituisaun iha liña avansadu hodi hasai Lourenço Freitas (19) no hatama Rahmatulah Ghanizada (9) atu bele halo atake no fó presaun bá  defeza Porto Taibessi FC nune’e bele hetan oportunidade marka golu.

 Tama ba minutu 85 ekipa ekipa Porto Taibessi FC no Assalam FC kontinua halo substituisaun bá Jogadór ho ida ne’e Porto Taibessi FC hasai avansadu Danilson Araújo (16) no hatama Eusébio de Almeida (8) hodi joga iha lina klaran no Assalam FC kontinua hatama avansadu Alexandre Weber (70) no hasai Jovanio Braz (8).

To’o tempu normal remata árbitru deside aumenta tan tempu estra minutu 10, ho nune’e Porto Taibessi FC kontinua halo tan substituisaun bá Jogadór iha liña klaran hodi hasai Lázio Piedade (77) no hatama Nelvio Almeida (7).

Ekipa Assalam FC obrigadu tenke joga ho Jogadór na’in 10 hafoin Jogadór Hasan Costa (7) sofre aleija iha ain tur. Aproveita oportunidade ne’ebé iha Porto Taibessi FC kontinua halo jogu no lansa atake bá adversáriu hodi buka oportunidade atu hatama golu.

Advertisement

Iha minutu 90+6 Jogadór avansadu Porto Taibessi FC Yohanes Jehaman (10) marka tan golu ida liu husi kontra atake lais ne’ebé iha hodi muda skor ba 3-0. Ho golu ne’e halo ekipa Assalam FC obrigadu tenke simu derrota no fila ho liman mamuk.

Treinadór Assalam FC Gaspar Amaral hateten normálmente iha jogu ida sempre iha manan no lakon ka bele mos empata maibé infelizmente ho Assalam FC  nia preparasaun ne’ebé iha maske bá ami dehan di’ak maibé rezultadu iha jogu ne’e hatudu lakon.

“Lakon ho Porto Taibessi FC ida ne’e la’ós ikus bá ami no ami sei prepara nafatin bá iha jogu sira tuir mai atu hetan pontu tolu,” Gaspar Amaral hateten.

Treinadór ne’e rekoñese Porto Taibessi FC kuaze domina jogu liu-liu iha bola klaran, no Jogadór Assalam FC kuaze lakon bola no hein de’it bola nune’e adversáriu aproveita oportunidade ne’e hodi lansa atake no halo golu ba sira nia ekipa.

Iha fatin hanesan Treinadór Porto Taibessi FC, Mirobaldo Bento hateten ho grasa Maromak nian ohin ekipa Porto Taibessi FC konkista vitória kontra Assalam FC, ne’e akontese tamba Jogadór sira kuaze joga ho di’ak no tuir dunik instrusaun tékniku ne’ebé fó.

Advertisement

“Parabéns ba ha’u nia Jogadór sira hotu, ba sira nia esforsu no rezultadu hatudu katak ami manan tamba sira joga tuir dunik táktika ne’ebé fó ba sira,” nia tenik.

 Jogadór Porto Taibessi FC, Yohanesa Jehaman (10) ne’ebé marka golu rua iha jogu ne’e hateten sente kontenta tamba ohin bele hetan rezultadu pozitivu tamba ekipa Porto Taibessi FC hetan pontus tolu tamba ne’e sei hadia iha jogu sira tuir mai halo di’ak liután.

Jornalista: Vito Salvadór

 

Advertisement
Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Desportu

KRAM Nota Membru GAM Kontinua Utiliza Atributu iha Fatin Públiku no Halo Atividade Treinu

Published

on

Hatutan.com, (05 Marsu 2024), Díli-Komisaun Reguladóra Artes Marsiál (KRAM) nota  membru sira iha grupu arte Marsiál (GAM), hanesan  Persaudaraan Setia Hati Terate (PSHT), Ikatan Keluarga Sakti, Putra Timor-Leste (IKS-PTL) ho Kmanek Oan Rai Klaran (KORK), kontinua utiliza atributu ka hatais farda iha fatin públiku no halo atividade treinu iha tempu kalan.

(more…)

Kontinua Le'e

Desportu

AD SLB Laulara Okupa III Lugar iha Timor Cup 2023, Kay Olok Mellór Markadór

Published

on

Hatutan.com, (15 Janeiru 2024), DíliKlube Futeból Timor-Leste AD SLB Laulara sai hanesan man’an na’in terseiru (III) lugar iha finál taxa Timor Cup 2023 no Jogadór estrela Kay Olok Gusmão sai hanesan mellór markadór ho golu neen.

(more…)

Kontinua Le'e

Desportu

Timor Cup 2023, AD SLB Laulara Derrota Hasoru Northern Crocs

Published

on

Hatutan.com, (11 Janeiru 2024), Díli—Klube Futeból Timor-Leste AD SLB Laulara derrota 2-0 hasoru klube Northern Crocs iha jogu kontinuasaun Taxa Timor Cup 2023 ne’ebé hala’o iha kampu futeból Melbourne Austrália.

(more…)

Kontinua Le'e
Advertisement

Trending