Connect with us
Pakote Ahi

Polítika

Apoiante 125.000 Garante Lori Fila Lú Olo Ba “Aitarak Laran”

Published

on

Hatutan.com, (16 Janeiru 2022), ErmeraApoiante hamutuk 125.000 husi Munisípiu 12, inklui Rejiaun Administrativu Oé-Cusse Ambeno (RAEOA)  sei halo esforsu hotu hodi lori fila Francisco Guterres “Lú Olo” atuál Prezidente Repúblika ba tuur iha Palásiu Prezidensiál iha Aitarak Laran, Díli, hanesan Prezidente Repúblika ba periodu 2022-2027.  

Francisco Guterres “Lú Olo” deklara nia rekandidatura ba Prezidente Repúblika 2022-2027 iha Ermera, 16 fulan-Janeiru 2022. Foto/Hatutan.com

Apoiante sira ne’e hatudu sira-nia kompromisu liuhusi serimónia anúnsiu rekandidatura Francisco Guterres “Lú Olo” iha Salaun Igreja Parókia Nossa Señora Imaculada da Conceição, Ermera Antiga, iha loron 16 fulan-Janeiru 2022.

Francisco Guterres “Lú Olo” ne’ebé deklara rekandidatura fali ba Prezidente Repúblika 2022-20027 ne’e, deklara katak rekandidatura ne’e akontese hafoin hetan konfiansa husi veteranu, jerasaun Patriota, povu agrikultór no inan-aman inklui akademiku no intelektual husi setór públiku no privadu hotu.

“Ohin mak ha;u simu ko’fiansa husi kompatriota sira hotu atu dala-ida tan sai prezidente ba Timor-Leste no ba povu tomak,” Lú Olo afirma.

Advertisement

Prezidente Asembleia Konstituinte ne’e sente onradu ho konfiansa husi povu ba rekandidatura ne’e no sei asume nu’udar responsabilidade hodi hamoris fila fali misaun Nino Konis Santana nian katak Timor Lorosa’e la iha Lorosa’e no Loromonu maibé povu no pátria ida de’it.

“Ha’u afirma katak ha’u sei tuir nafatin komandante Nino Konis Santana nia ain fatin no fó onra nafatin ba Saudozu prezidente Nicolau dos Reis Lobato no mos ba eroi no martir da pátria hotu,” Lú Olo afirma.

Lú Olo kompromete sei nafatin brani hodi foti desizaun sira hanesan Xefe Estadu tuir kbiit ne’ebé Konstituisaun fó no tuir konsiénsia rasik atu kontribui ba hametin Estadu no lori moris di’ak ba povu tomak.

Ho nune’e, Lú Olo sei kontinua defende  unidade Estadu no  unidade povu liuhusi diálogu ho titulár órgaun Estadu nian atu oinsá hatán ba preokupasaun povu nian.

“Ha’u kompromete dala-ida tan atu sai prezidente ba ema hotu no sei la hasees ema ida no halís ba ema ida tamba ne’e ha’u fiar katak sei manan dala ida tan iha primeira volta eleisaun tuir mai tamba povu maioria sei hamutuk ho ha’u,” Lú Olo hateten.

Advertisement

Iha entrevista ho jornalista sira  Lú Olo afirma sei nafatin  asume kargu nu’udar Xefe Estadu no garante funsionamentu órgaun soberanu ne’e atu nafatin la’o ho di’ak to’o nadatu ikus iha loron 20 fulan-Maiu 2022.

“Lei hateten de’it katak dispensa atividade polítika públiku nian no la dehan katak suspende tanba ne’e Prezidente Repúblika mantein, maibé atu halo tratamentu hanesan ho kandidatu sira seluk prezidente sei la uza atributu Estadu nian durante periodu kampaña,” Lú Olo hateten

Lú Olo salienta kuandu lei ruma husi Parlamentu Nasionál tama iha periodu kampaña Prezidente Repúblika sei nafatin uza nia kompeténsia atu promulga ka veta ka bele mos haruka ba iha Tribunál Rekursu atu halo fiskalizasaun preventiva ba konstitusionalidade nune’e aktu públiku Prezidente Repúblika la’o nafatin.

Lobato husu Lú Olo husik kargu Prezidente FRETILIN

Iha ámbitu serimónia anúnsiu rekandidatura Francisco Guterres “Lú Olo” nian ne’e,  José Lobato, oan-mane hosi Saudozu Prezidente Nicolau Lobato husu atu Lú Olo tenke husik nia kargu nu’udar prezidente Partidu FRETILIN bainhira re-eleitu ba Prezidente Repúblika 2022-2027, atu nune’e, la bele hamosu konflitu interese iha servisu nasaun nian no partidu nian.

Advertisement

“Se ha’u bele husu nai prezidente bainhira re-eleitu nafatin ba kargu nu’udar Prezidente Repúblika husik mandatu nu’udar prezidente partidu FRETILIN,” José Lobato iha nia intervensaun molok Lú Olo deklara nia rekandidatura.

José Lobato salienta maske durante mandatu Prezidente aktual hatudu ona distánsia husi nia partidu aktual, maibé atu halakon  maka la bele iha persesaun negativu husi públiku katak  Prezidente Repúblika haliis liubaánia partidu hodi ignora tiha interese Estadu nian.

José Lobato akresenta maske hetan kritika husi entidade sira maibé prezidente mantein kalma hodi solusiona situasaun difisil ne’ebé enfrenta.

Hatán ba José Lobato nia sujestaun ne’e, Francisco Guteres “Lú Olo” hateten, lei bandu atu Prezidente Repúblika hala’o funsaun hanesan prezidente partidu, katak  Prezidente Repúblika ne’e órgaun unipesoal Estadu nian no la kahur ho prezidente partidu nia knaar ka funsaun.

“Bainhira eleitu sei la hala’o knaar nu’udar prezidente partidu maibé hanesan Prezidente Repúblika,” Lú Olo liatun dehan.

Advertisement

FRETILIN ho Lú Olo

Iha biban ne’e, Sekretáriu Jerál Partidu FRETILIN, Mari Alkatiri ne’ebé daudaun ne’e iha hela Portugal, tatoli nia mensajen partidu nian ne’ebé Adjuntu Sekretáriu Jeral José Reis deklara ofisial ba públiku hateten, FRETILIN prontu atu tau mákina no meius ne’ebé husi FRETILIN nu’udar parte apoiu, inklui atributu sira hodi  garante apoiu total, apoiu ne’ebé meresidu no nu’udar direitu husi kandidatu Lú Olo.

“Ha’u sei halo esforsu tomak hodi halibur no hametin kuadru no militante FRETILIN sira hotu iha apoiu ida-ne’e, hodi hahú movimentu ho dinámiku klaru ba entendimentu luan liu, ho nakloke no inkluzivu hodi loke fatin sira ba plataforma entendimentu, inkluzivu liu ho karakter nasionál,” Alkatiri hateten

Mari Alkatiri hato’o dezeju susesu iha servisu ba nasaun no ba povu. Kandidatu Francisco Guteres “Lú Olo” ho baze iha valór no prinsípiu ne’ebé hun no abut uluk fó mahon no kbiit ba luta, no ohin loron harii ponte sira ba unidade ho objetivu ba libertasaun povu nian.

Marka prezensa iha serimónia deklarasaun Lú Olo nian ne’e, membru no estrutura nivel nasional no munisipál husi Comite Central FRETILIN (CCF),  inklui ho lider partidu polítika sira hanesan Partidu Demokrátiku (PD), Partidu Unidade Dezenvolvimentu Demokrátiku (PUDD), Frente Mudansa (FM), Partidu Libertasaun Popular (PLP), Os Verdes no Kmanek Haburas Unidade Nasional Timor Oan (KHUNTO).

Advertisement

Jornalista: Vito Salvadór

 

Kontinua Le'e
Advertisement
Hakarak Hato'o Komentariu?

Husik Hela Komentariu

Your email address will not be published. Required fields are marked *

Polítika

PN Aprova Pedidu Urjénsia hosi Governu bá Diskusaun Lei CAC, FRETILIN La Partisipa no PLP “Walkout”

Published

on

Hatutan.com, (12 Abríl 2024), Díli– Bankada Parlamentár FRETILIN deside la partisipa iha prosesu diskusaun no votasaun pedidu Governu nian ho karater urjénsia bá diskusaun segundu alterasaun bá projetu Lei Comissão Anti Corrupção (CAC).  Nune’e, Bankada PLP mós hola pozisaun sai hosi plenária (walkout)  iha faze votasaun tanba la konkorda ho pedidu diskusaun ho karater urjénsia.

(more…)

Kontinua Le'e

Polítika

Komisaun A Halo Apresiasaun bá Projetu Alterasaun Lei CAC ho Pedidu Urjénsia

Published

on

Hatutan.com, (11 Abríl 2024), Díli– Parlamentu Nasionál liuhosi Komisaun A ne’ebé trata asuntu Lejizlasaun no Justisa, halo ona apresiasaun bá pedidu urjénsia ne´ebé hato’o husi Governu kona-bá proposta projetu alterasaun bá lei  númeru 8/2009 kona-bá Comissão Anti Corrupção (CAC).

(more…)

Kontinua Le'e

Polítika

Governu Aprova Projetu Proposta Rezolusaun Ratifikasaun Protokolu Adezaun TL bá OMK

Published

on

Hatutan.com, (09 Abríl 2024), Díli— Governu liu hosi sorumutu Konsellu Ministru (KM) ne’ebé hala’o iha Tersa (09/04/2024) aprova Proposta Projetu Rezolusaun bá Parlamentu Nasionál (PN) ne’ebé aprezenta hosi Vise-Primeiru-Ministru, Ministru Koordenadór Asuntu Ekonómiku (MKAE) no Ministru Turizmu no Ambiente (MTA) Francisco Kalbuadi Lay, kona-bá ratifikasaun Protokolu Adezaun ba Organizasaun Mundiál Komérsiu (OMK).

(more…)

Kontinua Le'e
Advertisement

Trending